Luke 9:11 - Chishemanituu Utayimuwin: Kaa Uskaach Testament

¹¹ Iskutak maak mihchetu awenichii kaa pehtahkwaau e chii chistuhteyich ekw kaa nuusuupaistuwaatwaau. Jesus maak chii miyeyihtam e takushiniitwaauh. Chii waawiihtamuweu Chishemanituu uchisheuchimaawiniyuu e iteyihtaakuniyich kaye chii miinuwaachiheu aniyuuh aweyuuh kaa nituweyihtamiitwaau chechii miinuwaachihaakanuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐃᔅᑯᑕᒃ ᒫᒃ ᒥᐦᒉᑐ ᐊᐌᓂᒌ ᑳ ᐯᐦᑕᐦᒀᐤ ᐁ ᒌ ᒋᔅᑐᐦᑌᔨᒡ ᐁᒄ ᑳ ᓅᓲᐸᐃᔅᑐᐙᑣᐤ᙮ ᒌᓴᔅ ᒫᒃ ᒌ ᒥᔦᔨᐦᑕᒻ ᐁ ᑕᑯᔑᓃᑣᐤᐦ᙮ ᒌ ᐙᐐᐦᑕᒧᐌᐤ ᒋᔐᒪᓂᑑ ᐅᒋᔐᐅᒋᒫᐎᓂᔫ ᐁ ᐃᑌᔨᐦᑖᑯᓂᔨᒡ ᑲᔦ ᒌ ᒦᓄᐙᒋᐦᐁᐤ ᐊᓂᔫᐦ ᐊᐌᔫᐦ ᑳ ᓂᑐᐌᔨᐦᑕᒦᑣᐤ ᒉᒌ ᒦᓄᐙᒋᐦᐋᑲᓄᔨᒡ᙮

Luke 9:11 Iomraidhean Croise

Matthew 12:15

Iskutak maak Jesus piyehtahk taan waa ihtuutuwaakanuut chii chistuhteu, mihchetu maak aweyuu chii nuushuushkaakuu. Chii miinuwaachiheu maak aniyuu misiwe kaa aahkusiyich aweyuuh.

Matthew 14:14

Iskutak maak kepaat Jesus, wiyaapamaat maak aniyuu mihchetu iinuu, chii chistimaacheyimeu, kaye chii miinuwaachiheu aniyuu kaa aahkusiitwaau kaa peshuwaakanuyich.

Matthew 21:31

Taan maak yaakw anichii e niishitwaau naapeshach kaa nanihiihtuwaat uhtaawii.” Ekw Jesus kaa itikut aniyuu kaa kakwechimaat, “An ustesimaau.” Ekw Jesus kaa itaat, “Chiwiihtamaatinaawaau, anichii nitamukw kaa ihtitwaau chisheuchimaau e aapachihiikutwaau chechii maamuushtinamuwaatwaau ushuuliyaamiyuu ekw maak anichii pisikwaatisiiskweuch eukunich niishtam che piihchetwaau Chishemanituu uchisheuchimaawiniihch eshkw ekaa chiyawaau piihcheyekw.

Matthew 21:43

Ekw Jesus kaa ati itaat, “Uu maak chii wii ishi wiihtamaatinaawaau, Chishemanituu uchisheuchimaawin kata iichenikanuu anit chiyawaau e ihtaayekw, ekw che aashuumiyaakanuutwaau anichii taapwe che nuukuhtaawaatwaau upimaatiisiwiniwaahch Chishemanituuh uchisheuchimaawiniyuu.

Luke 1:53

Chii weyuuch miyeu taan e ishi nituweyihtamiyich aniyuu kaa chistimaatisiyich ekw aniyuuh kaa miisitisiyich chii iichetishahweu ekaa chekwaayuu ayaayich.

Luke 5:31

Jesus maak chii nishkweushihiiweu e itwet, “Namui nituweyimeuch nituhkuiin anichii awenichii ekaa kaa aahkusitwaau, mikw anichii kaa aahkusitwaau eukunich netuweyimaatwaau nituhkuiin.

Luke 8:1

Iskutak maak kaa chiishipayiyich uyuu ekw Jesus kaa papaaituhtet anite nanaahkuu ihtaawinihch e waawiihtahk miywaachimuwiniyuu e tipaatutahk Chishemanituu uchisheuchimaawiniyuu che utihchipayiyich. Chii wiicheukuu aniyuuh niishushaap uchischinuhamuwaakanh.

Luke 8:10

Ekw kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa maayaakanuutwaau chechii chischeyihtahkwaau, eukuu chechii chischeyihtamuwekw Chishemanituu uchisheuchimaawin. Uchii awenichii, tipaachimuwin chiskutamaachewiniyuu aapataniyuu e aayimuutamuwaakanuutwaau Chishemanituu uchisheuchimaawiniyuu. Aat e waapahtahkwaau namui chii nisituunamuch, kaye e pehtahkwaau namui chii nisituhtamuch.”

Luke 9:10

Iskutak tekushihkwaau anichii chischinuhamuwaakanich kaa chihchitishahwaakanuutwaau ekw kaa wiihtamuwaatwaau Jesus taan kaa ihtitwaau kaa ispihtanihutwaau. Ekw kaa nakataatwaau aniyuu kaa mihchetiyich iinuuh, tipaan kaa ituhtetwaau e wiichewaatwaau Jesus anite Bethsaidahch e ituhteyich.

Luke 9:12

Shaash maak chii ati utaakushiyuu ekw anichii niishushaap chischinuhamuwaakanich kaa itaatwaau Jesus, “Chihchitishahuuch maa ekw anichii iinuuch che nituu naanituweyihtahkwaau chekwaayuu che miichitwaau kaye taanite che miyeyimutwaau che tipiskaayich. Taapaa ihtakun chekwaan utah wii.”

Luke 9:2

Ekw kaa chihchitishahwaat chechii nituu kakacheskweyich Chishemanituu uchisheuchimaawiniyuu e waawiihtamiyich eyuu chechii miinuwaachihaayich aweyuuh kaa aahkusiyich.

John 4:34

Jesus kaa itaat, “Chechii ihtuutamuch utiteyihtamuwin an kaa pechi itishahuut kaye chechii chiishihtaauch aniyuu kaa ishi nituweyimit chechii ihtuutamuch eukun an mwehch nimiichim e iteyihtamaan.

John 6:37

Misiwe aniyuu aweyuu Uhtaawiimaau kaa pechi miit nika pechi naatikuch. An maak awen che pechi naasit namui wiiskaat nika uhchi iichenaau.

ᐊᐸᔅᑕᓚᒡ 28:31

Chii aayimuutamuweu maak Chishemanituu uchisheuchimaawiniyuu, kaye chii chiskutamaacheu Utipeyihchikeu Jesus Christ e aayimuumaat. Chii suuhchiteheu maak mitun kaye namui uhchi chistahamuwaakanuu uyuu e ihtit.

Romans 10:14

Taanite maak chechii uhchi tepwaataatwaau ekaa uhchi taapweyimaatwaau. Taanite chechii uhchi taapweyimaatwaau ekaa uhchi pehtahkwaau chechii aayimuumaakanuyich anite e ihtaatwaau. Taanite chechii uhchi aayimuutamuwaakanuutwaau ekaa itishahamuwaakanuutwaawenich aweyuuh chechii aayimuutamaakutwaau aweyuu uyuu Utipeyihchikeuh.

Romans 10:17

E pehtahkwaau awenichii Christ e aayimuumaakanuyich ekut wehchi taapwehtahkwaau. E kacheskwaanuuhch maak ekut e aayimuumaakanuut Christ.

Romans 15:3

Waawaach Christ namui uhchi ishi pimaatisiyuu mikw wiya chechii naheyihtamihiisut. Teyakuch aniyuu taan e itashteyich Chishemanituu utayimuwinihch ekun kaa ispayit, “Niya nichii maayeyimikuch anichii kaa maayeyimiskwaau.”

2 Timothy 4:2

che waawiihtaman Chishemanituu utayimuwin, suuhk waawiihtah aat anit ekaa e nihiipayihch chechii nituhtaakanuuhch, maak anit e nihiipayihch chechii nituhtaakanuuhch, chischeyihtaakuhtaa taapwewin, chistahamaache e wanituutaakanuuhch, kaye maak kaachiichimuwe kaye muush wii siipiiwesii kaye muush chiskutamaache.

Hebrews 4:16

E ayaauhkw maak chisheayimiheuchimaau uyuu e iteyihtaakusit namui wiiskaat chipaa uhchi sechisinaanuu chechii naatahkw Chishemanituu, an muush waa miyutuutamaatahkw. Naatahkwe chika miyutuutamaakunuu kaye chika wiichihiikunuu iskutak nitaweyihtamuhkwe chechii wiichihiikuyihkw mekwaach nachishkamuhkwe e aayimihch.