Luke 8:8 - Chishemanituu Utayimuwin: Kaa Uskaach Testament

⁸ Pasch anite e miyuskamikaayich ekute kaa pahchihtiniyikwaau, uyuu maak naashch chii miyu nihtaauchiniyuuh, ekw maak mistahii miichim kaa nihtaauchiniyich anit shuuminihch uhchi, taan aniyuuh kaa wii ishpish nihtaauchihtaat. An awen kaa uhtaaukaaut e nahiihtahk maak, yaakwaau kata wii nituhtam.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐸᔅᒡ ᐊᓂᑌ ᐁ ᒥᔪᔅᑲᒥᑳᔨᒡ ᐁᑯᑌ ᑳ ᐸᐦᒋᐦᑎᓂᔨᒀᐤ, ᐅᔫ ᒫᒃ ᓈᔥᒡ ᒌ ᒥᔪ ᓂᐦᑖᐅᒋᓂᔫᐦ, ᐁᒄ ᒫᒃ ᒥᔅᑕᐦᐄ ᒦᒋᒻ ᑳ ᓂᐦᑖᐅᒋᓂᔨᒡ ᐊᓂᑦ ᔔᒥᓂᐦᒡ ᐅᐦᒋ, ᑖᓐ ᐊᓂᔫᐦ ᑳ ᐐ ᐃᔥᐱᔥ ᓂᐦᑖᐅᒋᐦᑖᑦ᙮ ᐊᓐ ᐊᐌᓐ ᑳ ᐅᐦᑖᐅᑳᐅᑦ ᐁ ᓇᐦᐄᐦᑕᐦᒃ ᒫᒃ, ᔮᒀᐤ ᑲᑕ ᐐ ᓂᑐᐦᑕᒻ᙮

Luke 8:8 Iomraidhean Croise

Matthew 11:15

Wii nisituhtamukw maak taan kaa ishi pehtamekw.”

Matthew 13:23

An maak shuumin kaa pahchishihk e miywaashiyich aschiihch mwehch eukw e ishinaakusitwaau anichii iinuuch kaa nituhtahkwaau Chishemanituu utayimuwiniyuu. Nanihiihtamuch, nuukuniyuu upimaatisiiwiniwaahch taan e ishi miyu nihtaauchihiikutwaau.”

Mark 4:20

Ekw kutakach awenich muyaam anihiih shuuminh kaa pahchishtihkwaau anite e miyuskamikaach ekun e ishinaakusitwaau. Iskutak piyehtahkwaau miywaachimuwiniyuu tiiwehch utinamuch kaye nuukuniyuu upimaatisiiwiniwaahch muyaam e ati miinishuutwaau e ishinaakusitwaau. Muyaam nihtaauchihchikanh e mista miinishuuhkwaau ekun chek e ati ishinaakusitwaau uchii. Kutakach Nishtumitanuu miinisha chii nihtaauchiniyuuh anit uhchi e ihtaatwaau, ekw kutakach kutwaashumitanuu ekw kutakach mitaahtumitanuu.” Eukw uyuu kaa itaat Jesus aniyuu kaa taapweyimikut.

Mark 4:23

Nituhtamukw maak, an awen kaa uhtaaukaaut e nahiihtahk maak yaakwaau kata wii nituhtam.”

Mark 4:8

Pasch maak aniyuu shuumin e miyuskamikaayich ekute kaa ishi pahchihtiniyikwaauh, chii miyu nihtaauchinh uyuuh ekw maak kaa miyu miinishuuhkwaau. Pasch uyuu shuuminh nishtumitanuu nihtaauchihchikanh chii uhchi nihtaauchinh anit uhchi ekw pasch kutwaashumitanuu chii uhchi nihtaauchinh ekw kutak mitaahtumitanuu.” Eukw uyuu tipaachimuwiniyuu kaa wiihtahk Jesus.

Mark 7:16

Chiishpin maak awen piyehtamukwe ekush kata nituhtam.”

Luke 14:35

Ekw maak namui mitun chika chii wiyeshiitaapatan waawaach kaye anite nihtaauchihchikan aschiihch. Ekush maak nitawaach kata wepinikanuu. Yaakwaau nituhta chechii nisituhtaman taan nihaau waa ishi wiihtamaataan.”

Luke 8:15

An maak shuumin kaa miyu nihtaauchit e miyuskamikaayich aschiihch mwehch eukw e ishinaakusitwaau anichii awenichii kaa nituhtahkwaau Chishemanituu utayimuwiniyuu. Nanihiihtamuch, kaye kanuweyihtamuch. Kanawaach taapwehtamuch e siipiiwesiitwaau ekw maak chek e miyu miinishuutwaau upimaatisiiwiniwaahch.”

Luke 8:7

Ekw aniyuu shuumin kaa paahpahchishtihkwaauh anite kaa kaasutewaaskuhkwaau niipisiyaahtikw e ihtakuniyikwaauh, ekute anite chek kaa ati asich nihtaauchihkwaau. Chek maak namui uhchi miyu nihtaauchinh aniyuu kaa nihtaauchihtaakanuuhkwaau e chii chipishkaatuumakahkwaau aniyuu kaa kaawaaskuhkwaauh niipisiyaahtikw.

Ephesians 2:10

Wesh wiya Chishemanituu chichii ihtuutaakunuu chechii kuiskunaakusiyuuhkw aniyuu uhchi taan kaa ihtuutamiyich Christ Jesus. Christ maak e wiicheumuhkw, Chishemanituu chichii iteyihtaakuhiikunuu chechii mamiyuutuutamaamihkw aweyuuh, wesh eukw uyuu Shaash anite weskach niyaakan kaa ishi wiyeyihtahk che ihtuuhkw.

Colossians 1:10

Ekw maak chechii ishi pimaatisiyekw taan e ishi nituweyimitaakw Chishemanituu chechii ishi pimaatisiiwekw. Muush chika ihtuutamuwaanaawaau taan aniyuuh e ishi naheyihtamihiikut. Nanaahkuu chika ishi mamiyuutuutamuwaawaauch awenichii kaye wetaach chika miyu chischeyimaawaau Chishemanituu taan e iteyihtaakusit.

Revelation 13:9

Misiwe chiyawaau kaa nituhtamekw suuhk tekash wii nisituhtamukw uu.

Revelation 2:11

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii che shaakuuchihtaawaakwenich kakwechihiiwewiniyuu namui chika uhchi aahkuhiikuuch niishu nipuwiniyuu.”

Revelation 2:7

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii awenichii che shaakuuchistaatwaau machaatisiiwiniyuu nika miyaauch chechii miichitwaau miinsa anit uhchi pimaatisiyuu mistikuhch. Eukuu mistikw kaa ihtaat anite Chishemanituu unihtaauchihchikan aschiihch.”

Revelation 3:13

“Misiwe chiyawaau kaa nituhtamekw suuhk wii nisituhtamekw taan e itaat Kaa payehchisiit Ahchaahkw umaamuuayimihaauh.”

Revelation 3:6

“Misiwe chiyawaau kaa nituhtamekw suuhk wii nisituhtamekw taan e itaat Kaa payehchisiit Ahchaahkw umaamuuayimihaauh.”