Luke 8:6 - Chishemanituu Utayimuwin: Kaa Uskaach Testament

⁶ Ekw pasch kaa pahchihtihkwaau anite e asiniiyuuhch. Iskutak maak naanaache kaa nihtaauchihkwaau chek chii ati paasteuh wesh namui miihkwaach uhchi nipiiuskamikaau anit kaa pahchihtihkwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᒄ ᐸᔅᒡ ᑳ ᐸᐦᒋᐦᑎᐦᒀᐤ ᐊᓂᑌ ᐁ ᐊᓯᓃᔫᐦᒡ᙮ ᐃᔅᑯᑕᒃ ᒫᒃ ᓈᓈᒉ ᑳ ᓂᐦᑖᐅᒋᐦᒀᐤ ᒉᒃ ᒌ ᐊᑎ ᐹᔅᑌᐤᐦ ᐌᔥ ᓇᒧᐃ ᒦᐦᒀᒡ ᐅᐦᒋ ᓂᐲᐅᔅᑲᒥᑳᐤ ᐊᓂᑦ ᑳ ᐸᐦᒋᐦᑎᐦᒀᐤ᙮

Luke 8:6 Iomraidhean Croise

Luke 8:13

Ekw an shuumin anite e asiniyuuniyich kaa pahchishihk mwehch eukw e ishinaakusitwaau awenichii kaa pehtahkwaau Chishemanituu utayimuwiniyuu e taapwehtahkwaau kaye maak naashch e miyeyihtamihiikutwaau. Muyaam maak an nihtaauchihchikanh ekaa yaaich nihtaauchiniyikwaau utipiih eukw e ishinaakusitwaau anichii aat weipishchiish kaa taapwehtahkwaau. Iskutak kakwechihiiwewiniyuu nechiskahkwaau ekut shaash pehchishihkwaau.

Luke 8:5

“Peyakwaau chii ihtaau nihtaauchihchesuu e nituu asihchewepinahk shuuminh. Pasch maak anite meskanaahch chii paahpahchishiniyuu e ati taahtahkushkaataakanuyikwaau kaye piyeshiisha e ati miichiyich aniyuu shuumin kaa usewepinahk.

Luke 8:7

Ekw aniyuu shuumin kaa paahpahchishtihkwaauh anite kaa kaasutewaaskuhkwaau niipisiyaahtikw e ihtakuniyikwaauh, ekute anite chek kaa ati asich nihtaauchihkwaau. Chek maak namui uhchi miyu nihtaauchinh aniyuu kaa nihtaauchihtaakanuuhkwaau e chii chipishkaatuumakahkwaau aniyuu kaa kaawaaskuhkwaauh niipisiyaahtikw.

Hebrews 3:15

Itashteu Chishemanituu utayimuwinich, Anuhchiish kaa chiishikaach e pehtawekw Chishemanituu e ayimihiitaakw ekaawii maskuuhtaakw chitehiiwaauh mwehch kaa ihtitwaau aniyehkaanaanich aanische chiwaahkumaakanuwaauch e chii nishkuushtuwaatwaau Chishemanituu. eukw uyuu kaa itwet Chishemanituu.