Luke 8:50 - Chishemanituu Utayimuwin: Kaa Uskaach Testament

⁵⁰ Iskutak maak piyehtahk uyuu Jesus chii iteu aniyuu Jairus, “Ekaawii aayimeyihta. Mikw taapwehta, wesh chika miyu pimaatisiyuu chitaanis.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵⁰ ᐃᔅᑯᑕᒃ ᒫᒃ ᐱᔦᐦᑕᐦᒃ ᐅᔫ ᒌᓴᔅ ᒌ ᐃᑌᐤ ᐊᓂᔫ ᒐᐃᕋᔅ, ᐁᑳᐐ ᐋᔨᒣᔨᐦᑕ᙮ ᒥᒄ ᑖᐺᐦᑕ, ᐌᔥ ᒋᑲ ᒥᔪ ᐱᒫᑎᓯᔫ ᒋᑖᓂᔅ᙮

Luke 8:50 Iomraidhean Croise

Mark 5:36

Jesus maak namui uhchi aapatahtuweu uyuuh ekw kaa itaat aniyuu Jairus, “Ekaawii kushtaach, mikw taapwehta.”

Mark 9:23

Chii iteu maak Jesus, “Chekwaan wehchi itweyin chechii wii wiichihiiwaahche. Wesh awen kaa taapwehtahk misiwe taan waa ihtit chika chii ihtuutam.”

Luke 8:48

Ekw Jesus kaa itaat aniyuu iskweu, “Iskweu, chitaapwehtamuwin chimiinuwaachihiikuun. Maachiih chiyaameyihtamuwinihch ishi.”

Luke 8:51

Ekw kaa ituhtetwaau Jairus uwaaskaahiikanimiihch. Iskutak kaa utihtahkwaau aniyuu waaskaahiikaniyuu, namui kutak aweyuu uhchi pachishtineu Jesus chechii wiicheukut e piihchet, mikw Peter, John, James ekw maak aniyuu uniichihiikw an ishkwesh.

John 11:25

Jesus kaa itaat, “Eukw niya kaa wanishkaanaat aweyuu e chii nipiyich kaye kaa miiwet pimaatisiiwiniyuu. Awen che pechi taapweyimukwe chika pimaatisiyuu aat e chii nipit.

John 11:40

Ekw Jesus kaa itaat aniyuu Martha, “Namui aa shaash chuuhchii wiihtamaatin, taapwehtamane che waapahtamuwat Chishemanituu uchisteyihtaakusuwin.”

Romans 4:17

Mwehch e itashtech Chishemanituu utayimuwinihch Abraham e chii itikuukupane Chishemanituuh, Chichii ishihiitin chechii uhtaawimaaututuutwaau mihchetu e itiskaanesitwaau awenichii. Abraham maak e chii taapweyimaat Chishemanituu eukw uyuu e uhtaawiimaaututauhkw wehchii ishi kanawaapamikut. Eukunh maak uyuuh Abraham kaa taapweyimaat, aniyuuh kaa ihtuutawaayich aniyuuh ekaa kaa pimaatisiyich kaau chechii pimaatisiyich kaye maak mikw e itweyich chechii ihtakuniyich chekwaayuu ekaa wiiskaat uhchi ihtakuniyich tiiwehch ihtakuniyuu.

Romans 4:20

Yaapach chii taapwehtam Abraham che ihtuutamaakut Chishemanituu taan aniyuuh kaa itikut cheshtinaash che ihtuutamaakut. Etituu chii ati suuhcheyihtaakuniyuu utaapwehtamuwin. Shaash chii chishtaachimeu Chishemanituuh aat eshkw ekaa mechim uhchi ispayiyich uyuu.