Luke 8:47 - Chishemanituu Utayimuwin: Kaa Uskaach Testament

⁴⁷ Iskutak maak kaa chischeyihtahk an iskweu e chischeyimaakanuut taan kaa ihtit ekw kaa pechi ituhtet anite niikaanaanihch. Kaa ati uchihchiihkunipayihut uhchishkuu anta Jesus e ihtaayich e nanamipayit e ishpish sechisit. Ekut maak anit uhchishkuu misiwe aweyuu e ihtaayich kaa wiihtahk chekwaayuu wehchii taahtinaat eyuu maak tiiwehch e chii miinuwaachihaakanuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᐃᔅᑯᑕᒃ ᒫᒃ ᑳ ᒋᔅᒉᔨᐦᑕᐦᒃ ᐊᓐ ᐃᔅᑴᐤ ᐁ ᒋᔅᒉᔨᒫᑲᓅᑦ ᑖᓐ ᑳ ᐃᐦᑎᑦ ᐁᒄ ᑳ ᐯᒋ ᐃᑐᐦᑌᑦ ᐊᓂᑌ ᓃᑳᓈᓂᐦᒡ᙮ ᑳ ᐊᑎ ᐅᒋᐦᒌᐦᑯᓂᐸᔨᐦᐅᑦ ᐅᐦᒋᔥᑰ ᐊᓐᑕ ᒌᓴᔅ ᐁ ᐃᐦᑖᔨᒡ ᐁ ᓇᓇᒥᐸᔨᑦ ᐁ ᐃᔥᐱᔥ ᓭᒋᓯᑦ᙮ ᐁᑯᑦ ᒫᒃ ᐊᓂᑦ ᐅᐦᒋᔥᑰ ᒥᓯᐌ ᐊᐌᔫ ᐁ ᐃᐦᑖᔨᒡ ᑳ ᐐᐦᑕᐦᒃ ᒉᒀᔫ ᐌᐦᒌ ᑖᐦᑎᓈᑦ ᐁᔫ ᒫᒃ ᑏᐌᐦᒡ ᐁ ᒌ ᒦᓄᐙᒋᐦᐋᑲᓅᑦ᙮

Luke 8:47 Iomraidhean Croise

Matthew 28:8

Anichii maak iskweuch chii wiiwiipahiituuch anit chiipaikamikuhch uhchi e sechisitwaau nesht kaye e muuchicheyihtahkwaau, kaa nituu wiihtamuwaatwaau aniyuu chischinuhamuwaakanh.

Mark 5:33

Ekw maak an iskweu e chischeyihtahk taan kaa ihtuutamuwaakanuut, chii pechi utisipayihuu Jesus e ihtaayich e nanamipayit e ishpish sechisit. Ekw kaa wiihtamuwaat wiya e chii taahtinaat.

Luke 8:46

Jesus maak chii itweu, “Nichischeyihten awen e chii pechi taahtinit. Wesh nichii muushihtaan maskuusiiwin e wiiwiipayihch utah e ihtaayaan.”

Luke 8:48

Ekw Jesus kaa itaat aniyuu iskweu, “Iskweu, chitaapwehtamuwin chimiinuwaachihiikuun. Maachiih chiyaameyihtamuwinihch ishi.”

ᐊᐸᔅᑕᓚᒡ 16:29

Ekw an kaa naanaakachihtaat aniyuu chipahutuukamikuyuu chii nituweyihtam waashtenamaakaniyuu, ekw kaa piihtepahtaat anite aniyuu Paul ekw maak Silas kaa ihtaayich, kaa uchihchiihkunipayihut anit uhchishkuu e ihtaayich e nanamipayit e ishpish sechisit.

1 Corinthians 2:3

Nete e ihtaayekw kaa ihtaayaan namui naashch nuuhchi taapweucheyimisun. Naashch yaakwaau nichii ihtin kaye nichii nanamipayin e ishpish sechisiyaan.

2 Corinthians 7:15

Ekw maak etituu e ati saachihiitaakw Titus e chischisit taan kaa ishi yaakwaau nituhtuwekw kaye e chii nanihiihtuwekw kaye maak taan kaa ishi miyuhkuwekw yaakwaau e iteyimekw.

Philippians 2:12

Ekw maak niichishaanitikw, muush chichii naanahiihtuunaawaau eshkw mekwaach anite Philippihch kaa ihtaayaan. Etituu maak iteyihtaakun anuhchiish muush chechii nanihiihtamekw taan kaa ishi wiihtamaatakuch mekwaach uu ekaa ihtaayaan anit e ihtaayekw. Suuhk aapatisitaau chechii chiishihtaauhkw aniyuu kaa ishi chihchipayihtaat Chishemanituu chipimaatisiiwinaahch iskutak kaa pimaachihiitahkw. Ihtuutahtaau uu e chischisiihkw Chishemanituu eukw chipaa nanihchiishtuwaanuu kaye wiya chipaa chisteyimaakanuu.

Hebrews 12:28

Eukw maak uyuu chipaa uhchi nanaaskumaanuu Chishemanituu e miitahkw chisheuchimaawiniyuu an ekaa nihtaa chechii ihtuutaakanuuhch chechii aahchipayihch. Ekw maak nuuchiishtuwaataau aniyuu wii e ishi nituweyimitahkw chechii ishi nuuchiishtuuhkw kaye chechii miyu atushkuuhk naashch e chisteyimahkw.