Luke 8:44 - Chishemanituu Utayimuwin: Kaa Uskaach Testament

⁴⁴ Uspiskuniihch kaa uhchi pechi naataat Jesus, kaa taahtinamuwaat anit e waniskwekaniyich aniyuu utakuhpiyuu. Tiiwehch maak chii chipihtaashikuuniyuu umihkw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁴ ᐅᔅᐱᔅᑯᓃᐦᒡ ᑳ ᐅᐦᒋ ᐯᒋ ᓈᑖᑦ ᒌᓴᔅ, ᑳ ᑖᐦᑎᓇᒧᐙᑦ ᐊᓂᑦ ᐁ ᐗᓂᔅᑴᑲᓂᔨᒡ ᐊᓂᔫ ᐅᑕᑯᐦᐱᔫ᙮ ᑏᐌᐦᒡ ᒫᒃ ᒌ ᒋᐱᐦᑖᔑᑰᓂᔫ ᐅᒥᐦᒄ᙮

Luke 8:44 Iomraidhean Croise

Matthew 20:34

Jesus maak chii chistimaacheyimeu, kaa taahtinamuwaat uschiishikuyuu, tiiwehch maak chii waapahtamiyuu, ekw kaa ati nuushuushkaakut.

Matthew 8:3

Jesus maak chii taahtineu e itaat, “Chiwii wiichihiitin, payehchisiih.” Tiiwehch maak chii miinuwaatisiyuu an naapeu aniyuu kaa itaaspinet.

Matthew 9:20

Chii ihtaau maak anit iskweu niishushaap pipun e chii wanihtaat umihkw, eukw an uspiskuniihch kaa uhchi pechi naataat Jesus kaa taahtinamuwaat anite e waniskwekaniyich aniyuu utakuhpiyuu.

Mark 6:56

Misiwe maak taanite kaa ati ituhtet Jesus ihtaawinihch kaye e utenaauniyich, maak nihtaauchihchikan aschiihch, anichii iinuuch anit kaa ihtaatwaau chii ituhtaheuch utaahkusiiniimuwaau anite muush kaa chii nishtawiinaanuyich e ataawaanuyikwaauh chekwaayuuh. Ekw anichii kaa aahkusitwaau kaa nitutamuwaatwaau Jesus chechii pachishtinikutwaau mikuchik chechii taahtinamuwaatwaau e wanishkwekaniyich utakuhp. Misiwe maak aweyuuh kaa taahtinamiyich utakuhp chii miinuwaatisiyuu.

Luke 13:13

Kaa saaminaat. Tiiwehch maak chii uhchi kuiskukaapuu an iskweu e maamihchimaat Chishemanituu.

Luke 7:38

Mekwaach maak Jesus e uhpimeshihk anit e miichisutwaau, an iskweu chii niipuu anite itehche Jesus usitiihch, e maatut. Aniyuu maak e uhchikuwaapit chii nipiyuuhtaaweu Jesus usith. Ekw kaa uchihchiihkunapit ustikwaaniyaapii e aapachihtaat e paahkusitenaat. Kaye maak e uchehtamuwaat kaye e tuuminamuwaat aniyuu e wiihchimaakusiyich tuuminikaniyuu.

Luke 8:43

Chii ihtaau maak kaye anit iskweu niishushaapunh e chii wanihtaat umihkw. Misiwe chekwaayuu taan kaa ishi ayaat chii miyekupane nituhkuiin e chiishiihkawaat chechii wiichihiikut, namui maak waach peyakw uhchii wiichihiikuu.

Luke 8:45

Ekw Jesus kaa itwet, awen kaa pechi taahtinit. Namui maak awen uhchi chistuu ekw Peter kaa itaat, chischinuhamaachesuu, mihchetuuch awenichii e siihchiskaashkwaau. Yaapach maak e itweyin awen kaa pechi taahtinit.

John 5:13

Ekw an naapeu namui uhchi chischeyimeu aweyuu aniyuu kaa miinuwaachihiikut wesh shaash chii chistuhteyuuh Jesus wesaa e chii mihchetinaanuyich anit.

ᐊᐸᔅᑕᓚᒡ 19:12

Waawaach utaapishkaakan kaye maak kutak uchekwaanim chii ituhtataakanuyuuh anite kaa aahkusiitwaau aweyuuh e ihtaayich, tiiwehch maak chii miinuwaatisiyuu iskutak tiyaahichinimiyich. Kaye anichii machiahchaahkuch chii wiiwiyuuch anit aniyuu kaa piihchishkuwaatwaau aweyuu.

ᐊᐸᔅᑕᓚᒡ 5:15

Anichii maak iinuuch wiyaapamaatwaau aniyuu Apastalh e ishi maamishkaach ihtiyich chii ituhtaheuch aniyuu kaa aahkusiyich anite meskanaahch ashpishimuwinihch maak tehtayechinikanihch e pimishiniyich, e iteyihtahkwaau aat mikw taauhukutwaawenich Peter e takaashtesiniyich chika chii miinuwaatisiyuuch.