Luke 8:39 - Chishemanituu Utayimuwin: Kaa Uskaach Testament

³⁹ “Maachiih, chiiwe. Che nuukuhtaayin taan kaa ishi ihtuutamaask Chishemanituu.” Eukw maak kaa ihtit an naapeu. Misiwe anit ihtaawinihch chii papaamaachimuu taan kaa ihtuutamaakut Jesus.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁹ ᒫᒌᐦ, ᒌᐌ᙮ ᒉ ᓅᑯᐦᑖᔨᓐ ᑖᓐ ᑳ ᐃᔑ ᐃᐦᑑᑕᒫᔅᒃ ᒋᔐᒪᓂᑑ᙮ ᐁᐅᒄ ᒫᒃ ᑳ ᐃᐦᑎᑦ ᐊᓐ ᓈᐯᐤ᙮ ᒥᓯᐌ ᐊᓂᑦ ᐃᐦᑖᐎᓂᐦᒡ ᒌ ᐸᐹᒫᒋᒨ ᑖᓐ ᑳ ᐃᐦᑑᑕᒫᑯᑦ ᒌᓴᔅ᙮

Luke 8:39 Iomraidhean Croise

Mark 1:45

Kaa chistuhtet uu naapeu. Mikw maak yaapach chii waawiihtamuweu misiwe aweyuu. Uyuu maak e chii ihtit namui mechim uhchii piihcheyuu Jesus ihtaawinihch ekaa muushihaakanuyich. Ekw anite wiiwiitamihch aniyuu ihtaawiniyuu ekute mikw kaa ihtaat Jesus anite ekaa ihtaanuyich. Yaapach maak chii pechi nituwaapamikuu aweyuu nanaahkuu e uhtuhteyitwaau.

Mark 5:18

Jesus maak e ati puusit utiyuu, an naapeu kaa chii piihchishkaakut machiahchaahkwa naashch chii wii wiicheweu Jesus.

Mark 5:19

Namui maak uhchi pachishtinikuu Jesus chechii wiichewaat. Chii itikuu, “Maachiih chiiwe, nituwaapamach chiwiichewaakanich neshta chiwaahkumaakanich, che wiihtamuutwaau taan kaa ishi miyutuutamaask Chishemanituu, kaye taan kaa ishi chistimaacheyimisk.”

Luke 8:38

An maak naapeu kaa chii piihchishkaakut machiahchaahkwa naashch chii wii wiichewekupane Jesus. Jesus maak chii chihchitishahweu e chii itaat,

Luke 8:40

Iskutak miin kaau kaa mishikaat Jesus anite kwestehchekaam saakahiikanihch chii miyeyihtamiyuu mihchetu aweyuu, wesh misiwe chii ashuwaapamikuu.

John 4:29

“Aashtamukw. Che waapamekw an naapeu kaa pechi wiihtamuut misiwe taan kaa ihtuuch. Namayeu kaakaye eukuu Christ aniyuu chipaa pechi itishahweu Chishemanituu.”

1 Timothy 5:8

Wesh chiishpin awen ekaa mitun waa wawiichihaakwe tipiiwe uwaahkumaakanh kaye aniyuuh anit tipiiwe e peyakuteusiit kaa ihtaayich mitun ekaa taapwehtahk taapwewiniyuu ishinaakusuu uyuu e ihtit. Etituu wiya namui muyaam ihtuu ishpishaat aniyuu ekaa kaa taapwehtamiyich.