Luke 8:37 - Chishemanituu Utayimuwin: Kaa Uskaach Testament

³⁷ Anichii maak iinuuch anite Gerasenehch kaa uhchiitwaau chii sechisuuch uyeyuu uhchi kaa ispayiyich ekw kaa kakwechimaatwaau Jesus chechii nakatikutwaau. Ekw Jesus kaa puusit utuutuwaau ekw kaa che chiiwehut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁷ ᐊᓂᒌ ᒫᒃ ᐄᓅᒡ ᐊᓂᑌ ᑫᕋᓰᓂᐦᒡ ᑳ ᐅᐦᒌᑣᐤ ᒌ ᓭᒋᓲᒡ ᐅᔦᔫ ᐅᐦᒋ ᑳ ᐃᔅᐸᔨᔨᒡ ᐁᒄ ᑳ ᑲᑴᒋᒫᑣᐤ ᒌᓴᔅ ᒉᒌ ᓇᑲᑎᑯᑣᐤ᙮ ᐁᒄ ᒌᓴᔅ ᑳ ᐴᓯᑦ ᐅᑑᑐᐙᐤ ᐁᒄ ᑳ ᒉ ᒌᐌᐦᐅᑦ᙮

Luke 8:37 Iomraidhean Croise

Matthew 8:34

Naanaacheshiish maak misiwe awenichii anit ihtaawinihch kaa ihtaatwaau chii nituwaapameuch Jesus. Iskutak maak wiyaapamaatwaau chii siihchimeuch chechii iichesiyich anit utaschiiwaahch uhchi.

Mark 5:17

Ekw kaa aayihkamihaatwaau Jesus chechii nakatamiyich aniyuu utaschiiwaau.

Luke 10:16

Ekw Jesus kaa itaat uchischinuhamuwaakan, “Awen kaa nituhtaataakw muyaam niya e pechi nituhtuut ekun e ishinaakusit. Awen maak kaa aatuweyimitaakw muyaam niya e aatuweyimit ekun e ishinaakusit. Ekw awen kaa aatuweyimit muyaam e aatuweyimaat Chishemanituu, aniyuu kaa pechi itishahuyich, ekun e ishinaakusit.”

Luke 5:8

Iskutak maak Simon Peter wiyaapahtahk e ispayiyich chii uchihchiihkunipayihuu uhchishkuu Jesus e ihtaayich, e itwet, “Nakasi, Utipeyihchikeu, wesh nimachaatisiin.”

Luke 8:28

Uu maak naapeu iskutak wiyaapamaat aniyuu Jesus, chii ayaashihkweu kaa ati pahchishihk uhchishkuu anit e ihtaayich. Ekw kaa tepwet e itwet, “Jesus, chii kaa Ukusiitutaask Chishemanituu maauch kaa ispeyihtaakusit, taan waa ishiihkuyin. Ekaawii pechi nanehkaateyimuhiih chiwii ititin.”

Luke 8:36

Anichii maak kaa waapahtahkwaau taan kaa ispayiyich chii tipaachimushtuweuch iinuu e takushiniitwaau taanite kaa uhchi miinuwaatisiyich uyuu naapeu machiahchaahkwa kaa chii piihchishkaakuyich.

Luke 8:38

An maak naapeu kaa chii piihchishkaakut machiahchaahkwa naashch chii wii wiichewekupane Jesus. Jesus maak chii chihchitishahweu e chii itaat,

Luke 9:5

Utihtamekwe maak ihtaawin ekaa wii piihtakahiikuyekwe, nakatamukw an ihtaawin. Che pahpuusiteshimuyekw, e nuukuhtaayekw e yaakwaamimekuch ekaa uhchi utinahkwaau miywaachimuwiniyuu.”

Luke 9:56

wesh Iinuu Ukusisa namui uhchi takushin chechii nishuuwanaachihtaawaat aweyuu upimaatisiiwiniyuu, chii takushin chechii pimaachihiiwet.” Ekw anite kutachiyuu ihtaawiniyuu kaa ituhtetwaau.

ᐊᐸᔅᑕᓚᒡ 16:39

Ekw kaa nituwaapamaatwaau, kaa itaatwaau, nimihchiiwesinaan an kaa ihtiyaahch. Ekw kaa wiiwiihtahaatwaau anit chipahutuukamikuhch, kaa itaatwaau che nakatamiyich aniyuu ihtaawiniyuu.