Luke 8:33 - Chishemanituu Utayimuwin: Kaa Uskaach Testament

³³ Anichii maak machiahchaahkuch, iskutak kaa wiiwiiskuwaatwaau aniyuu naapeu ekw aniyuu kuuhkuushah kaa aashuupiihchishkuwaatwaau. Ekw anichii kuuhkuushach kaa yaamitaauhchipahiitutwaau anite ishi saakahiikanihch, kaa nishtaapaawetwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³³ ᐊᓂᒌ ᒫᒃ ᒪᒋᐊᐦᒑᐦᑯᒡ, ᐃᔅᑯᑕᒃ ᑳ ᐐᐐᔅᑯᐙᑣᐤ ᐊᓂᔫ ᓈᐯᐤ ᐁᒄ ᐊᓂᔫ ᑰᐦᑰᔕᐦ ᑳ ᐋᔔᐲᐦᒋᔥᑯᐙᑣᐤ᙮ ᐁᒄ ᐊᓂᒌ ᑰᐦᑰᔕᒡ ᑳ ᔮᒥᑖᐅᐦᒋᐸᐦᐄᑐᑣᐤ ᐊᓂᑌ ᐃᔑ ᓵᑲᐦᐄᑲᓂᐦᒡ, ᑳ ᓂᔥᑖᐹᐌᑣᐤ᙮

Luke 8:33 Iomraidhean Croise

Matthew 8:32

Ekw Jesus kaa itaat, “Maachiikw.” Iskutak maak kaa wiiwiitwaau anichii machiahchaahkuch anit uhchi aniyuu niishu naapeuh e ihtaayich ekw kaa aashuupiihchishkuwaatwaau aniyuu kuuhkuushah. Ekw anichii kuuhkuushach kaa yaamitaauhchipahiitutwaau anite ishi saakahiikanihch, kaa nishtaapaawetwaau.

Luke 5:1

Peyakwaau Jesus mekwaach e niipuut yaayeu saakahiikanihch Gennesaret e ishinihkaateyich, mihchetu maak iinuu e maakushkaakut e nituhtamiyich Chishemanituu utayimuwiniyuu,

Luke 8:32

Chii ihtaauch maak kuuhkuushach e miichisutwaau anite e piskutauhkaayich. Anichii maak machiahchaahkuch chii kakwechimeuch Jesus chechii itishahukutwaau anite chechii piihchishkuwaatwaau aniyuuh kuuhkuusha. Eukun maak kaa ishi ihtuutawaat Jesus.

Luke 8:34

Iskutak maak anichii kaa naanaakachihaatwaau kuuhkuusha kaa waapahtahkwaau taan kaa ispayiyich chii ushimuuch, kaa nituu wiihtahkwaau anite ihtaawinihch kaye anite waaskaa wiiwiitamihch aniyuu ihtaawiniyuu.

John 8:44

Machimanituu eukw wehtaawiyekw, aniyuu e ishi nituweyimitaakw chechii ishi machituutamuwekw eukun mikw waa ihtuutamekw. Muush chii nipahiiweu kaa ishpish ihtakuniyich uyuu aschiiyuu. Namui wiiskaat uhchi nituweyihtam kuiskw chechii ishi wiihtaakuniyich chekwaayuu wesh namui mitun ihtakuniyuu taapwewiniyuu anit e ihtaat. Muush nanatayuu wesh ekun chihchiwe e itaatisiit, eukw maak an taapwe weuhtaawiitutawaat aniyuuh kaa nanatayich.

1 Peter 5:8

Muush yaakwaamiishtuwaahkw machimanituu, an muush kaa wii naanituu machipayihiikuyekw, wesh muyaam mistatim muush kaa papaamuhtet e papaanemut e naanituu miichisut ekun e ishinaakusit. Machimanituu muush naanituuweyimeu aweyuu chechii wanaachihaat.

Revelation 9:11

Aniyuuh enchilh kaa uchimaaututamiyich aniyuu kaa mista pukuneyaayich ekun aniyuuh kaa uchimaamitwaau. Hebrew e ishi ayiminaanuyich Abaddon chii ishinihkaasuyuuh. Greek maak e ishi ayiminaanuyich Apollyon chii ishinihkaasuyuuh. Kaa wanaachihiiwet ishi itweshtamuwaataakanuuyuu aniyuu utishinihkaasuwin.