Luke 8:30 - Chishemanituu Utayimuwin: Kaa Uskaach Testament

³⁰ Jesus maak chii kakwechimeu, “Taan e ishinihkaasuyin.” Kaa itikut, “Kaa mihchetitwaau.” Wesh chii mihchetiyuu machiahchaahkwa e piihchishkaakut an naapeu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁰ ᒌᓴᔅ ᒫᒃ ᒌ ᑲᑴᒋᒣᐤ, ᑖᓐ ᐁ ᐃᔑᓂᐦᑳᓱᔨᓐ᙮ ᑳ ᐃᑎᑯᑦ, ᑳ ᒥᐦᒉᑎᑣᐤ᙮ ᐌᔥ ᒌ ᒥᐦᒉᑎᔫ ᒪᒋᐊᐦᒑᐦᑾ ᐁ ᐲᐦᒋᔥᑳᑯᑦ ᐊᓐ ᓈᐯᐤ᙮

Luke 8:30 Iomraidhean Croise

Matthew 26:53

Namui aa chichischeyihtenaawaau nipaachii nitutamuwaau Nuuhtaawii chechii naatamuut, tiiwehch maak chipaachii pechi itishahweu uste mihchetwaau chishemitaahtumitanuu enchil chechii pechi naatamuyich.

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

Matthew 8:29

Iskutak maak wiyaapamikut Jesus aniyuuh naapeuh tiiwehch chii uhchi aashihkweyuuh e itweyich, “Jesus, taan waa ishiihkuuyaahch, chiya Chishemanituu Ukusisa, shaash aa chiwii pechi wawiisacheyihtamihiinaan eshkw maak ekaa utihchipayihch anit che wawiisacheyihtamuwaauhchipane.” Ekun kaa itikut aniyuuh niishu naapeuh.

Mark 16:9

Iskutak Jesus kaa wanishkaat nipuwinihch uhchi wiipach e chechishepaayaayich aniyuu niishtam e chiishikaayich miin che pimitaushteyich Mary Magdalene niishtam chii nuukushiishtaweu. Eukw uyuu iskweu kaa wiiwiitishihuumaat niishwaashch machiahchaahkwa e chii piihchishkaakuyich.

Mark 5:9

Ekw Jesus kaa itaat, “Taan e ishinihkaasuyin.” Chii itikuu maak, “Kaa mihchetitwaau nitishinihkaasun, wesh naashch taapwe nimihchetinaan.”

Luke 8:2

Iskweuch kaye chii papaawiicheweuch, anichii machiahchaahkwa kaa wiiwiitishihwaakanuyich anit e ihtaatwaau uhchi. Kaye anichii e chii miinuwaachihaakanuutwaau nanaahkuu itaaspinewinh. Eukuu peyakw Mary Magdalene, an iskweu niishwaashch machiahchaahkwa kaa wiiwiitishihwaakanuyich anit uhchi e ihtaat.

Luke 8:29

Eukw uyuu kaa ishi tepwet uu naapeu wesh Jesus chii itwekupane aniyuu machiahchaahkwa chechii wiiwiyich anite uhchi aniyuu naapeu e ihtaayich. Uu maak naapeu mihchetwaau chii tipeyimikuukupane aniyuu machiahchaahkwa. Muush maak chii naanaakachihaakanuu an naapeu. Aat maak kaye e maahkupiteyikwaau usith eyuu utihchii yaapach chii pischipitam maan aniyuu e chii mamechimaapiskahiikanuyikwaau upuuschiweyaapiyuu. Chii ihtuutaakuu maak aniyuu machiahchaahkwa chechii ituhtet anite pakwaatiskamikaahch.