Luke 8:28 - Chishemanituu Utayimuwin: Kaa Uskaach Testament

²⁸ Uu maak naapeu iskutak wiyaapamaat aniyuu Jesus, chii ayaashihkweu kaa ati pahchishihk uhchishkuu anit e ihtaayich. Ekw kaa tepwet e itwet, “Jesus, chii kaa Ukusiitutaask Chishemanituu maauch kaa ispeyihtaakusit, taan waa ishiihkuyin. Ekaawii pechi nanehkaateyimuhiih chiwii ititin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁸ ᐆ ᒫᒃ ᓈᐯᐤ ᐃᔅᑯᑕᒃ ᐎᔮᐸᒫᑦ ᐊᓂᔫ ᒌᓴᔅ, ᒌ ᐊᔮᔑᐦᑴᐤ ᑳ ᐊᑎ ᐸᐦᒋᔑᐦᒃ ᐅᐦᒋᔥᑰ ᐊᓂᑦ ᐁ ᐃᐦᑖᔨᒡ᙮ ᐁᒄ ᑳ ᑌᐺᑦ ᐁ ᐃᑗᑦ, ᒌᓴᔅ, ᒌ ᑳ ᐅᑯᓰᑐᑖᔅᒃ ᒋᔐᒪᓂᑑ ᒫᐅᒡ ᑳ ᐃᔅᐯᔨᐦᑖᑯᓯᑦ, ᑖᓐ ᐙ ᐃᔒᐦᑯᔨᓐ᙮ ᐁᑳᐐ ᐯᒋ ᓇᓀᐦᑳᑌᔨᒧᐦᐄᐦ ᒋᐐ ᐃᑎᑎᓐ᙮

Luke 8:28 Iomraidhean Croise

Matthew 8:29

Iskutak maak wiyaapamikut Jesus aniyuuh naapeuh tiiwehch chii uhchi aashihkweyuuh e itweyich, “Jesus, taan waa ishiihkuuyaahch, chiya Chishemanituu Ukusisa, shaash aa chiwii pechi wawiisacheyihtamihiinaan eshkw maak ekaa utihchipayihch anit che wawiisacheyihtamuwaauhchipane.” Ekun kaa itikut aniyuuh niishu naapeuh.

Luke 8:27

Iskutak maak kaa kapaat Jesus chii nachishkaweu naapeu anite utenaahch e uhchiyich, e piihchishkaakuyich machiahchaahkwa. Shaash maak weskach anite namui uhchi chichishkam uchekwaanimh uu naapeu. Namui waaskaahiikanihch uhchi ihtaau mikw anite chiipaischiihch muush chii ihtaau.

Luke 8:29

Eukw uyuu kaa ishi tepwet uu naapeu wesh Jesus chii itwekupane aniyuu machiahchaahkwa chechii wiiwiyich anite uhchi aniyuu naapeu e ihtaayich. Uu maak naapeu mihchetwaau chii tipeyimikuukupane aniyuu machiahchaahkwa. Muush maak chii naanaakachihaakanuu an naapeu. Aat maak kaye e maahkupiteyikwaau usith eyuu utihchii yaapach chii pischipitam maan aniyuu e chii mamechimaapiskahiikanuyikwaau upuuschiweyaapiyuu. Chii ihtuutaakuu maak aniyuu machiahchaahkwa chechii ituhtet anite pakwaatiskamikaahch.

James 2:19

Chitaapwehten aa mikw e peyakushit Chishemanituu. Miywaashuu uu e taapwehtaman. Kaye wiyawaau machiahchaahkuch taapwehtamuch uyuu, nanamipayuuch maak e ishpish sechisitwaau.

2 Peter 2:4

Taapaa yaapach uhchi manaachiheu Chishemanituu aniyuu enchil kaa wanituutamiyich, yaapach machi ishkutehch chii itishahuweu. ekute maak anite mekwaach e ihtaayich. Maahchikwaapiskahwaakanuyuu anite e ukaashteyaayich. ekute maak anite che ihtaayich che ishpish ekaa utihchipayiyich taanit che wiyaaskunaakanuyich.

1 John 3:8

An awen kaa machipimaatisiit machimanituu kaa iteyihtaakusiyich iteyihtaakusuu. Wesh machimanituu muush chii pechi machituutam. Chishemanituu maak Ukusisa chii pechi takushiniyuu utah aschiihch chechii wanaachihtaawaayich misiwe utaapatisuwiniyuu machimanituu.

Revelation 20:10

Ekw maak machimanituu, an kaa wiyeshimaat uyuuh aweyuu, kaa kaahchitinaakanuut ekw anite machishkuteu saakahiikanihch kaa ishuwepinaakanuut anite e ishkwaateyich chekwaayuu e usaawaapahteyich naashch e wiinimaasteyich. ekute shaash kaa ishuwepinaakanuyich aniyuu machi awesiis ekw maak aniyuu machi uchischiwehiichesuu. Kaachiche maak chika wiisacheyihtamuch e chiishikaayich kaye e tipiskaayich.