Luke 8:24 - Chishemanituu Utayimuwin: Kaa Uskaach Testament

²⁴ Chek anichii chischinuhamuwaakanich kaa pekunaatwaau Jesus e itaatwaau, “Chischinuhamaachesuu, chischinuhamaachesuu, chika nishtaapaawenaanuu.” Jesus maak chii wanishkaau, kaa itwet aniyuu e yuutiniyich chechii puunipayiyich kaye aniyuu kiskanh kaa itaat, “Chiyaamisiikw.” Tiiwehch maak chii ywaashtiniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᒉᒃ ᐊᓂᒌ ᒋᔅᒋᓄᐦᐊᒧᐙᑲᓂᒡ ᑳ ᐯᑯᓈᑣᐤ ᒌᓴᔅ ᐁ ᐃᑖᑣᐤ, ᒋᔅᒋᓄᐦᐊᒫᒉᓲ, ᒋᔅᒋᓄᐦᐊᒫᒉᓲ, ᒋᑲ ᓂᔥᑖᐹᐌᓈᓅ᙮ ᒌᓴᔅ ᒫᒃ ᒌ ᐗᓂᔥᑳᐤ, ᑳ ᐃᑗᑦ ᐊᓂᔫ ᐁ ᔫᑎᓂᔨᒡ ᒉᒌ ᐴᓂᐸᔨᔨᒡ ᑲᔦ ᐊᓂᔫ ᑭᔅᑲᓐᐦ ᑳ ᐃᑖᑦ, ᒋᔮᒥᓰᒄ᙮ ᑏᐌᐦᒡ ᒫᒃ ᒌ ᔻᔥᑎᓂᔫ᙮

Luke 8:24 Iomraidhean Croise

Matthew 14:30

Iskutak Peter wiyaapahtahk taan ishpish mistayuutiniyich chii kushtaachuu, ekw kaa ati kushaapet. Chii tepweu maak e itwet, “Utipeyihchikeu, pechi wiichihiih.”

Matthew 8:25

Chek anichii chischinuhamuwaakanich kaa pekunaatwaau Jesus e itaatwaau, “Utipeyihchikeu, pechi wiichihiinaan, shaash chika wanaachihunaanuu.”

Mark 4:39

Kaa wanishkaat Jesus, ekw kaa itashuwaatahk aniyuu kaa chiishtiniyich chechii puunipayiyich, ekw aniyuu kiskanh kaa itaat, “Chiyaamisiikw, ekun ekw.” Chii nachiiweyuu ekw maak kaa uhchi ywaashtiniyich.

Luke 4:35

Jesus kaa nishkweushihaat aniyuu ahchaahkwa e itaat, “Ekaa chistuh. Wiiwiiskuu an naapeu.” Ekw an ahchaahkw kaa ihtuutawaat aniyuu naapeu anite chechii ishi pahchishiniyich e mihchetinaanuyich. Ekw kaa wiiwiiskawaat aniyuu naapeu ekaa uhchii wiyesh ihtuutuwaat chechii aahkuhaat.

Luke 4:39

Jesus maak chii nawewiyuu anite ishi e ihtaayich aniyuu iskweu, ekw kaa itashuwaatahk aniyuu kaa chishiteunikusiinaanuyich chechii nakatikuyich. Tiiwehch maak chii nakatikuyuu, kaa wanishkaat an iskweu kaa ati papiminaat aweyuu.

Luke 5:5

Simon maak chii nishkweushiheu e itaat, “Chischinuhamaacheu, iskan tipiskaau nichii nuutamesenaan, namui maak nuuhchi pitahuyaanaan. Eyuwehch maak nika pakashtawehwaanaanich nitahiipiinaanich wesh ekun e iishiyaahch chechii ihtiyaahch.”

Luke 8:25

Ekw kaa itaat aniyuu uchischinuhamuwaakanh, “Taanite chitaapwehtamuwinawaau.” Chii kushtaachuuch maak eyuu chii miskaateyihtamuch e itwetwaau, “Awen uu waawaach yuutinisuu kaye kaskanh e pishichihiikut e chistahamuwaat.”