Luke 8:22 - Chishemanituu Utayimuwin: Kaa Uskaach Testament

²² Peyakwaau Jesus chii iteu uchischinuhamuwaakanh, “Nete maa ishi aashuuhahtaau akaamihch.” Ekw kaa mushaauhahkwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐯᔭᒀᐤ ᒌᓴᔅ ᒌ ᐃᑌᐤ ᐅᒋᔅᒋᓄᐦᐊᒧᐙᑲᓐᐦ, ᓀᑌ ᒫ ᐃᔑ ᐋᔔᐦᐊᐦᑖᐤ ᐊᑳᒥᐦᒡ᙮ ᐁᒄ ᑳ ᒧᔖᐅᐦᐊᐦᒀᐤ᙮

Luke 8:22 Iomraidhean Croise

Matthew 14:22

Ekw Jesus kaa itashumaat aniyuu uchischinuhamuwaakanh chechii puusiyich aniyuu utiyuu, shaash chechii niikaan isichimeyich anite kwestehchekaam aniyuu saakahiikaniyuu, ekw wiya pitamaa kaa chiiwetishihwaat aniyuu iinuu.

Matthew 8:18

Iskutak maak Jesus wiyaapamaat aniyuu mihchetu aweyuuh anite waaskaa e ihtaat kaa ihtaayich, ekw kaa itaat aniyuu uchischinuhamuwaakanh nete kwestehchekaam aniyuu saakahiikaniyuu chechii itahuyikut.

Mark 5:21

Ekw miin kaa aashuuhahk Jesus aniyuu saakahiikaniyuu. Iskutak maak mesikaat nete akaamihch chii mista mihchetiyuu aweyuu e pechi naasipetutaakut.

Mark 6:45

Jesus maak tiiwehch chii itashuwaateu uchischinuhamuwaakanh chechii puusiyich, niikaan chechii isichimeyich nete aniyuu ihtaawiniyuu akaamihch kaa ihtakuniyich, Bethsaida kaa ishinihkaateyich. Ekut kaa ihtaat wiya, kaa itaat aniyuuh iinuuh anit kaa ihtaayich chechii chiiweyich.

Mark 8:13

Chii nakateu aniyuu Phariseeh ekw kaa puusit miin utihch ekw nete akaamihch aniyuu saakahiikaniyuu kaa isichimet.

Luke 5:1

Peyakwaau Jesus mekwaach e niipuut yaayeu saakahiikanihch Gennesaret e ishinihkaateyich, mihchetu maak iinuu e maakushkaakut e nituhtamiyich Chishemanituu utayimuwiniyuu,

Luke 8:23

Naanaache maak kaa muushaaweyaasitwaau ekw kaa nipaat Jesus. Chek sischikuuch kaa chiishtiniyich anit saakahiikanihch. E maamisichihtiyich kiskanh chii puusipahiituyuu utuutuwaahch. Chek nuwach kaa kushtaatikuniyich anit e ihtaatwaau.

Luke 8:33

Anichii maak machiahchaahkuch, iskutak kaa wiiwiiskuwaatwaau aniyuu naapeu ekw aniyuu kuuhkuushah kaa aashuupiihchishkuwaatwaau. Ekw anichii kuuhkuushach kaa yaamitaauhchipahiitutwaau anite ishi saakahiikanihch, kaa nishtaapaawetwaau.

John 6:1

Paatimaa anite Jesus chii aashuuham Galilee saakahiikaniyuu. Tiberias saakahiikan chii ishinihkaataakanuu kaye uu Galilee saakahiikan.

ᐊᐸᔅᑕᓚᒡ 27:2

Ekw kaa puusiyaahch chiimaan anite Adramyttium e uhchipayihch. Shaash chii ayeskuuhtaakanuu anite Asia aschiihch chechii ispayihch ekute maak kaa ishi chihtaashiyaahch. Aristarchus maak e ishinihkaasut naapeu anite Macedonia aschiihch aniyuu ihtaawiniyuu Thessalonica kaa ishinihkaateyich e chii uhchiit eukw uu kaye kaa wiich puusiimikuyaahch.