Luke 8:2 - Chishemanituu Utayimuwin: Kaa Uskaach Testament

² Iskweuch kaye chii papaawiicheweuch, anichii machiahchaahkwa kaa wiiwiitishihwaakanuyich anit e ihtaatwaau uhchi. Kaye anichii e chii miinuwaachihaakanuutwaau nanaahkuu itaaspinewinh. Eukuu peyakw Mary Magdalene, an iskweu niishwaashch machiahchaahkwa kaa wiiwiitishihwaakanuyich anit uhchi e ihtaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐃᔅᑴᐅᒡ ᑲᔦ ᒌ ᐸᐹᐐᒉᐌᐅᒡ, ᐊᓂᒌ ᒪᒋᐊᐦᒑᐦᑾ ᑳ ᐐᐐᑎᔑᐦᐙᑲᓄᔨᒡ ᐊᓂᑦ ᐁ ᐃᐦᑖᑣᐤ ᐅᐦᒋ᙮ ᑲᔦ ᐊᓂᒌ ᐁ ᒌ ᒦᓄᐙᒋᐦᐋᑲᓅᑣᐤ ᓇᓈᐦᑰ ᐃᑖᔅᐱᓀᐎᓐᐦ᙮ ᐁᐅᑰ ᐯᔭᒄ ᒣᕇ ᒪᒃᑕᓕᓐ, ᐊᓐ ᐃᔅᑴᐤ ᓃᔣᔥᒡ ᒪᒋᐊᐦᒑᐦᑾ ᑳ ᐐᐐᑎᔑᐦᐙᑲᓄᔨᒡ ᐊᓂᑦ ᐅᐦᒋ ᐁ ᐃᐦᑖᑦ᙮

Luke 8:2 Iomraidhean Croise

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

Mark 16:1

Iskutak meyaaupayiniyich Jewa iinuuch utayimiheuchiishikaamuwaau anichii iskweuch Mary Magdalene, kaye Mary James ukaawii ekw maak Salome chii nituu utinamuch nanaahkuu e ishinaakuniyikwaauh e wiihchimaakusiyikwaau tuuminikanh chechii tuuminamuwaatwaau Jesus wiiyuuyuu.

Mark 16:9

Iskutak Jesus kaa wanishkaat nipuwinihch uhchi wiipach e chechishepaayaayich aniyuu niishtam e chiishikaayich miin che pimitaushteyich Mary Magdalene niishtam chii nuukushiishtaweu. Eukw uyuu iskweu kaa wiiwiitishihuumaat niishwaashch machiahchaahkwa e chii piihchishkaakuyich.

Luke 23:27

Mihchetu maak aweyuu chii nuushuushkaakuu Jesus kaye iskweuh chii maatutaakuu kaye chii muushkuwaatikuu.

Luke 23:49

Misiwe maak anichii iinuuch kaa miyu chischeyimaatwaau Jesus kaye anichii iskweuch kaa papaawiichewaakupunenich Jesus Galileehch uhchi, waahyuushiish anite chii niipuuch e kanawaapitwaau.

Luke 23:55

Anichii maak iskweuch Galileehch kaa uhchi wiichewaatwaau Jesus chii wiicheweuch aniyuuh Joseph. Chii waapahtamuch maak aniyuu chiipaikamikuyuu kaye taan kaa itashtaakanuyich Jesus wiiyuu anite.

Luke 8:30

Jesus maak chii kakwechimeu, “Taan e ishinihkaasuyin.” Kaa itikut, “Kaa mihchetitwaau.” Wesh chii mihchetiyuu machiahchaahkwa e piihchishkaakut an naapeu.

John 19:25

Jesus maak ukaawii peshuch chii niipuuyuu anit Jesus utaashiteyaahtikumiihch kaye ukaawii wiichishaaniskwemiyuu ekut kaa niipuyich ekw maak Mary, Clopas wiichiskweu ekw maak Mary Magdalene.

ᐊᐸᔅᑕᓚᒡ 1:14

Misiwe maak chii naheyihtamuch muush chechii peyakuminehiitutwaau e maamuu ayimihaatwaau. Ekut kaa chii ihtaatwaau kaye anichii iskweuch kaye Jesus ukaawii kaye maak Jesus uwiichisaan kaa naapewiyich.