Luke 7:8 - Chishemanituu Utayimuwin: Kaa Uskaach Testament

⁸ Wesh kaye niya ihtaauch nuuchimaamach e pishichihiikwaau kaye maak ihtaauch shimaakanishach e wiishumakwaau. E itak peyakw shimaakanish ‘Anite ituhte,’ tiiwehch ekute anite e ituhtet. Ekw kutak e itak, ‘Aashtam,’ tiiwehch takushinuu. Ekw kaye kutak e itak nitaapachihaakan, ‘Uu maa ihtuutah,’ eukw aniyuu e ihtuutahk.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐌᔥ ᑲᔦ ᓂᔭ ᐃᐦᑖᐅᒡ ᓅᒋᒫᒪᒡ ᐁ ᐱᔑᒋᐦᐄᒀᐤ ᑲᔦ ᒫᒃ ᐃᐦᑖᐅᒡ ᔑᒫᑲᓂᔕᒡ ᐁ ᐐᔓᒪᒀᐤ᙮ ᐁ ᐃᑕᒃ ᐯᔭᒄ ᔑᒫᑲᓂᔥ ᐊᓂᑌ ᐃᑐᐦᑌ, ᑏᐌᐦᒡ ᐁᑯᑌ ᐊᓂᑌ ᐁ ᐃᑐᐦᑌᑦ᙮ ᐁᒄ ᑯᑕᒃ ᐁ ᐃᑕᒃ, ᐋᔥᑕᒻ, ᑏᐌᐦᒡ ᑕᑯᔑᓅ᙮ ᐁᒄ ᑲᔦ ᑯᑕᒃ ᐁ ᐃᑕᒃ ᓂᑖᐸᒋᐦᐋᑲᓐ, ᐆ ᒫ ᐃᐦᑑᑕᐦ, ᐁᐅᒄ ᐊᓂᔫ ᐁ ᐃᐦᑑᑕᐦᒃ᙮

Luke 7:8 Iomraidhean Croise

Luke 7:7

kaye maak namui nitepicheyihtaakusin chechii nituu nachishkaataan. Mikw maak tepiyaahch itweyine chechii miinuwaatisiit nitaapachihaakan kata miinuwaatisiyuu.

Luke 7:9

Iskutak Jesus piyehtahk uyuu naashch taapwe chii maamihchihiikuu utaapwehtamuwiniyuu. Ekw kaa kweschikaapuushtawaat aniyuu kaa nuushuushkaakut kaa itaat, “Chititinaawaau, namui waawaach utah Israelihch eshkw nuuhchi waapamaau awen e ishpish suuhchitaapwehtahk.”

ᐊᐸᔅᑕᓚᒡ 23:17

Paul kaa wiishaamaat peyakw aniyuu kaa niikaanishkuwaayich shimaakanisha, ekw kaa itaat, “Ituhtahii aahch uu naapesh nete nitupayuuchimaau e ihtaayich. Ihtakuniyuu chekwaayuu waa wiihtamuwaat.”

ᐊᐸᔅᑕᓚᒡ 23:23

Ekw an nitupayuuchimaau kaa wiishaamaat niishu aniyuu kaa niikaanishkuwaayich ushimaakanishiim, ekw kaa itaat, “Ayeskuuhiich niishwaa mitaahtumitanuu shimaakanishach ekw maak niishwaashumitanuu anichii kaapalakaskweu kaa chii aapachihaatwaau e maasihchetwaau kaye maak niishwaa mitaahtumitanuu shimaakanishach muuhkumaan kaa maasihchewaachetwaau chechii ituhtetwaau Caesareahch. Anuhchiish maak uyuu che utaakushiyich peyakushteu ispayiyiche che chistuhtetwaau.

ᐊᐸᔅᑕᓚᒡ 23:26

“Claudius Lysias niya, chii chisheuchimaau Felix chimasinahamaatin,

ᐊᐸᔅᑕᓚᒡ 23:31

Ekun kiipaa kaa ihtitwaau anichii shimaakanishach aniyuu kaa itashumaakanuutwaau. Chii nituwaapameuch Paul aniyuu tepiskaayich, ekw kaa chistuhtahaatwaau. Anitipatris maak kaa ishinihkaateyich ihtaawiniyuu chii ishpish ituhtaheuch.

ᐊᐸᔅᑕᓚᒡ 24:23

Ekw kaa itaat aniyuu nitupayuuchimaauh aniyuu kaa naanaakachihaayich Paul yaakwaau yaapach chechii naanaakachihaakanuyich aniyuu Paul mikw ekaa tekash chechii mamechiminaakanuyich. Chii itashuweu kaye chechii pachishtinaakanuyich uwiichewaakaniyuu chechii wiichihiikuyich taan che ishi naanituweyihtamiikwen chekwaayuu.

ᐊᐸᔅᑕᓚᒡ 25:26

Ekw mikw namui nihaau nichischeyihtamuwaan taan che itashtaauch e masinahamaamach Caesar e tipaachimak. Eukw maak uu wehchii peshuuk utah e ihtaayin chii chisheuchimaau Agrippa kaye maak chiyawaau misiwe utah kaa ihtaayekw. Ekw maak iskutak chii miskamuwekwe taan kaa ishi machituutahk, ekw che chischeyihtamuch taan che itashtaauch masinahamaamichen Caesar.

Colossians 3:22

Chiyawaau aapachihaakanitikw muush nanihiihtuwaahkuch kuuchimaamuwaauch taan e ititaakuch. Ekaawii mikw e naanaakachihiitaakuch chika uhchi nanihiihtuwaawaauch e wii naniheyihtamihekuch. Kwaast e ihtiyekw chipaa miyu atushkuwaawaauch e chisteyimekw Utipeyihchikeu.