Luke 7:7 - Chishemanituu Utayimuwin: Kaa Uskaach Testament

⁷ kaye maak namui nitepicheyihtaakusin chechii nituu nachishkaataan. Mikw maak tepiyaahch itweyine chechii miinuwaatisiit nitaapachihaakan kata miinuwaatisiyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᑲᔦ ᒫᒃ ᓇᒧᐃ ᓂᑌᐱᒉᔨᐦᑖᑯᓯᓐ ᒉᒌ ᓂᑑ ᓇᒋᔥᑳᑖᓐ᙮ ᒥᒄ ᒫᒃ ᑌᐱᔮᐦᒡ ᐃᑗᔨᓀ ᒉᒌ ᒦᓄᐙᑎᓰᑦ ᓂᑖᐸᒋᐦᐋᑲᓐ ᑲᑕ ᒦᓄᐙᑎᓯᔫ᙮

Luke 7:7 Iomraidhean Croise

Mark 1:27

Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

Luke 4:36

Taapwe maak chii miskaateyihtamuch misiwe anichii kaa kanawaapitwaau e ititutwaau, “Chekw ayimuwiniyuu uyeyuu kaa aapachihtaat. Taapwe suuhchipayiniyuu utayimuwin kaye taapwe nuwach uchimaaweyihtaakusuu mikw e ishi wiiwiyich machiahchaahkwa e wiiwiitishihwaat.”

Luke 5:13

Jesus maak chii shuwanischeyuu kaa taahtinaat e itaat, “Chiwii wiichihiitin. Payehchisiih.” Tiiwehch maak chii miinuwaatisiyuu aniyuu kaa itaaspinet an naapeu.

Luke 7:6

Ekw Jesus kaa wiichewaat. Iskutak maak piyeshuwaapahtamuwaatwaau aniyuu uwaaskaahiikanimiyuu ekw an nitupayuuchimaau kaa itishahwaat uwiichewaakanh Jesus e ihtaayich chechii itaayich, “Utipeyihchikeu, ekaawii aayimihiisuu, wesh namui nitepicheyihtaakusin chechii pechi piihcheyin niwaaskaahiikan,

Luke 7:8

Wesh kaye niya ihtaauch nuuchimaamach e pishichihiikwaau kaye maak ihtaauch shimaakanishach e wiishumakwaau. E itak peyakw shimaakanish ‘Anite ituhte,’ tiiwehch ekute anite e ituhtet. Ekw kutak e itak, ‘Aashtam,’ tiiwehch takushinuu. Ekw kaye kutak e itak nitaapachihaakan, ‘Uu maa ihtuutah,’ eukw aniyuu e ihtuutahk.”