Luke 7:6 - Chishemanituu Utayimuwin: Kaa Uskaach Testament

⁶ Ekw Jesus kaa wiichewaat. Iskutak maak piyeshuwaapahtamuwaatwaau aniyuu uwaaskaahiikanimiyuu ekw an nitupayuuchimaau kaa itishahwaat uwiichewaakanh Jesus e ihtaayich chechii itaayich, “Utipeyihchikeu, ekaawii aayimihiisuu, wesh namui nitepicheyihtaakusin chechii pechi piihcheyin niwaaskaahiikan,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᒄ ᒌᓴᔅ ᑳ ᐐᒉᐙᑦ᙮ ᐃᔅᑯᑕᒃ ᒫᒃ ᐱᔦᔓᐙᐸᐦᑕᒧᐙᑣᐤ ᐊᓂᔫ ᐅᐙᔅᑳᐦᐄᑲᓂᒥᔫ ᐁᒄ ᐊᓐ ᓂᑐᐸᔫᒋᒫᐤ ᑳ ᐃᑎᔕᐦᐙᑦ ᐅᐐᒉᐙᑲᓐᐦ ᒌᓴᔅ ᐁ ᐃᐦᑖᔨᒡ ᒉᒌ ᐃᑖᔨᒡ, ᐅᑎᐯᔨᐦᒋᑫᐤ, ᐁᑳᐐ ᐋᔨᒥᐦᐄᓲ, ᐌᔥ ᓇᒧᐃ ᓂᑌᐱᒉᔨᐦᑖᑯᓯᓐ ᒉᒌ ᐯᒋ ᐲᐦᒉᔨᓐ ᓂᐙᔅᑳᐦᐄᑲᓐ,

Luke 7:6 Iomraidhean Croise

Matthew 20:28

Mwehch Iinuu Ukusisa namui uhchi pechi takushin chechii atushkuwaakanuut, chii takushin chechii atushkuwaat iinuuh. Kaye maak chii takushin chechii pachishtinahk upimaatiisiwin miiskuch mihchetu aweyuuh chechii aapihkunaakanuyich.”

Matthew 3:11

Nipiihch chisiikahaahtaatinaawaau niya e nuukuhch e wii kweskaatisiyekw, mikw maak kutak awen chika takushinuu uste e chisteyihtaakusit ishpishaat niya. Namui maak mechim nitepicheyihtaakusin chechii aapihkunamuch umaschisiniyaapii. Wiya maak chika siikahaahtaakuwaau Kaa payehchisiyich Ahchaahkwa, kaye ishkuteyuu.

Mark 5:24

Jesus maak chii wiicheweu uyuu naapeu. Mihchetu aweyuu chii wiicheukuu e kakataaushkaakut e ishpish mihchetiyich.

Luke 5:8

Iskutak maak Simon Peter wiyaapahtahk e ispayiyich chii uchihchiihkunipayihuu uhchishkuu Jesus e ihtaayich, e itwet, “Nakasi, Utipeyihchikeu, wesh nimachaatisiin.”

Luke 7:4

Iskutak maak uchii naapeuch wetihtaatwaau Jesus naashch taapwe suuhk chii aayihkamiheuch chechii ihtuutamiyich uyeyuu e itaatwaau, “Naashch taapwe suuhk pukuseyihtamihiikuu chechii miinuwaachihaakanuyich utaapachihaakan uu nitupayuuchimaau. Tepicheyihtaakusuu maak chechii ihtuutamuwaakanuut uyeyuu,

Luke 7:5

wesh saachiheu nitiiniiminaan kaye nichii ushihtwaakunaan ayimiheukamikuyuu.”

Luke 7:7

kaye maak namui nitepicheyihtaakusin chechii nituu nachishkaataan. Mikw maak tepiyaahch itweyine chechii miinuwaatisiit nitaapachihaakan kata miinuwaatisiyuu.

Luke 8:49

Mekwaach maak e ayimit Jesus, chii takushinuu naapeu Jairus e ihtaayich e uhtuhtet chechii pechi itaat aniyuu Jairus, “Shaash namui pimaatisiyuu chitaanis. Ekaawii maak ekush utamihii chischinuhamaachesuu.”

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

James 4:10

Tipihteyimitisuustuwaahkw Utipeyihchikeu ekw maak che uhpinitaakw.

James 4:6

Mikw maak Chishemanituu etituu mistahii miyeu shaweyihchichewiniyuu aniyuu aweyuu wiya e ihtaat kaa ishi pimaatisiyich. Wesh itashteu Chishemanituu utayimuwinihch, Chishemanituu nishkuushtuweu aniyuuh kaa chisteyimisuyitwaauh mikw maak shaweyihchichewiniyuu miyeu aniyuu kaa tipihteyimisuyitwaauh.