Luke 7:47 - Chishemanituu Utayimuwin: Kaa Uskaach Testament

⁴⁷ Chiwiihtamaatin, aniyuu naashch e saachihiiwet ekut wehchi nuukuniyich mihchetu machihtwaawinh e chii wepeyihtamuwaakanuut. Awen apishiish kaa wepeyihtamuwaakanuut apishiish saachihiiweu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᒋᐐᐦᑕᒫᑎᓐ, ᐊᓂᔫ ᓈᔥᒡ ᐁ ᓵᒋᐦᐄᐌᑦ ᐁᑯᑦ ᐌᐦᒋ ᓅᑯᓂᔨᒡ ᒥᐦᒉᑐ ᒪᒋᐦᑣᐎᓐᐦ ᐁ ᒌ ᐌᐯᔨᐦᑕᒧᐙᑲᓅᑦ᙮ ᐊᐌᓐ ᐊᐱᔒᔥ ᑳ ᐌᐯᔨᐦᑕᒧᐙᑲᓅᑦ ᐊᐱᔒᔥ ᓵᒋᐦᐄᐌᐤ᙮

Luke 7:47 Iomraidhean Croise

Matthew 10:37

“Awen uste uhtaawiih maak ukaawiih saachihaate ishpishaat niya, namui tepicheyihtaakusuu chechii pechi nuushuushkuut. Kaye awen uste saachihaate ukusisa maak utaanisa ishpishaat niya, namui tepicheyihtaakusuu chechii pechi nuushuushkuut.

Luke 7:39

An maak Pharisee kaa wiishaamaat Jesus, iskutak wiyaapamaat aniyuu iskweu aniyuu e ihtiyich chii iteyimeu, “Chipaa chischeyimeu uyuu iskweu e ishpish machaatisiyich kaa taahtinikut taapwe e uchischiwehiichesuukwe.”

Luke 7:46

Namui kaye kuuhchi tuumiskunen nistikwaan, wiya maak chii pechi tuuminam nisith e wiihchimaakusiyich tuuminikaniyuu.

Luke 7:48

Ekw Jesus kaa itaat aniyuu iskweu, “Chiwepeyihtamaakuun chimachihtwaawinh.”

ᐊᐸᔅᑕᓚᒡ 5:31

Chishemanituu maak chii chisteyihtaakuheu Jesus unihiiwinihch itehche e chii apihaat, chechii uchimaawiyich kaye chechii pimaachihiiweyich, kaye chechii ihtuutawaat Israel iinuuh chechii kweskaatisiyich kaye chechii wepeyihtamuwaakanuyich umachihtwaawiniyuuh.

Romans 5:20

Iskutak kaa pachishtinahk Chishemanituu uwiishuwewin ekut kaa uhchi chischeyihtahkwaau awenichii e ishpish weyuuch machituutahkwaau. Mikw maak taanit kaa weyuuch machituutaakanuuhch Chishemanituu ushaweyihchichewin etituu chii aapatisiimakaniyuu.

2 Corinthians 5:14

E chischeyihtamaahch taan e ishpish saachihiikuyaahch Jesus Christ eukw uu e shiihchimikuyaahch uu chechii itaapatisiyaahch. Wesh Chichischeyimaanuu wiya e chii nipuushtamuwaat misiwe aweyuuh ekw maak chechii ishi kanawaapahtaakanuuhch misiwe awen e chii nipit.

Galatians 5:6

Namui wiyeshin chestinuwaachishukuwaahche maak ekaa chestinuwaachishukuwaahche e wiichewachiht Jesus Christ. An chihchiwe e iteyihtaakuhch eukuu chechii saachihiituyihkw e taapweyimahkw.

Ephesians 6:24

Chiyawaau kaachiche che saachihekw Chitipeyihchikeminuu Jesus Christ chika wii shaweyimikuwaau.

Philippians 1:9

Chitayimiheshtamaatinaawaau wetaach chechii ati saachihiituyekw, wetaach chechii ati kachehtawehtamekw kaye wetaach chechii miyu kachescheyihtamekw chekwaan.

1 Timothy 1:14

Naashch nichii weyuuch nuukuhtwaakw Utipeyihchikeu taan e ishpish chishewaatutuut chechii uhchi ati taapweyimak kaye chechii uhchi ati saachihiik Christ.

1 John 1:7

Chiishpin waashtewinihch ishi pimaatisiihkwe mwehch wiya waashtewinihch e ishi ihtaat, taapwe chika miyu wiicheutunaanuu, kaye Jesus, Chishemanituu Ukusisa, umihkw chipayehchihiikuwaanaanuu misiwe machihtwaawinihch uhchi.

1 John 3:18

Nitawaashiimitikw, namui mikw chipaa uhchi itwenaanuu e saachihiiweyihkw. Mikw taan e ihtiihkw ekut chipaa nuukun taapwe e saachihiiweyihkw.

1 John 4:19

Wiya niishtam chichii saachihiikunuu Chishemanituu. Ekun maak wehchi saachihiiweyihkw.

1 John 5:3

E ihtuutamuhkw misiwe e itashumitahkw Chishemanituu ekut wehchi nuukuhch e saachihiihkw. Namui maak aayimaniyuu chechii ihtuutamuhkw aniyuu e itashumitahkw.