Luke 7:40 - Chishemanituu Utayimuwin: Kaa Uskaach Testament

⁴⁰ Jesus kaa ayimihiikut e itikut, “Simon, chiwii ititin chekwaan.” Simon kaa itwet, “Chiskutamaachesuu, pechi wiihtamuu chekwaan an.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁰ ᒌᓴᔅ ᑳ ᐊᔨᒥᐦᐄᑯᑦ ᐁ ᐃᑎᑯᑦ, ᓵᐃᒪᓐ, ᒋᐐ ᐃᑎᑎᓐ ᒉᒀᓐ᙮ ᓵᐃᒪᓐ ᑳ ᐃᑗᑦ, ᒋᔅᑯᑕᒫᒉᓲ, ᐯᒋ ᐐᐦᑕᒨ ᒉᒀᓐ ᐊᓐ᙮

Luke 7:40 Iomraidhean Croise

Matthew 26:49

Judas maak kuiskw chii nituwaapameu aniyuu Jesus, ekw kaa itaat, “Kwei, chischinuhamaachesuu.” Ekw kaa uchemaat.

Matthew 7:22

“Iskutak utihchipayihche wiyaaskunicheu chiishikaau mihchetu awenichii nika itikuch aniyuu e chiishikaayich, ‘Utipeyihchikeu, Utipeyihchikeu, chitishinihkaasuwin nichii aapachihtaanaan e chischiwehiicheyaahch, chitishinihkaasuwin kaye nichii aapachihtaanaan mihchetu machiahchaahkuch aweyuu e chii piihchishkuwaatwaau chechii wiiwiitishihuuchishtwaau, kaye chitishinihkaasuwinihch uhchi maamishkaach chekwaayuuh nichii ihtuutenaan.’

Luke 18:18

Ekw peyakwaau Jewa iinuuch uchimaamuwaauh chii ishi kakwechimeu aniyuu Jesus, “Chiskutamaachesuu, kaa miyuhtwaayin taan che ihtiyaan chechii uhchi ayaayaan kaachiche pimaatisiiwin.”

Luke 5:22

Iskutak Jesus chescheyimaat e ishi ayimihiituyich chii iteu, “Chekwaan wehchi maamituneyihtamihiikuyekw an kaa itweyaan.

Luke 5:31

Jesus maak chii nishkweushihiiweu e itwet, “Namui nituweyimeuch nituhkuiin anichii awenichii ekaa kaa aahkusitwaau, mikw anichii kaa aahkusitwaau eukunich netuweyimaatwaau nituhkuiin.

Luke 6:8

Jesus maak chii chischeyimeu taan e ishi maamituneyihtamiyich. Chii iteu maak aniyuu naapeu utihchiyuu kaa maaskaniyich, “Pisikuuh, ute tetaauch pechi niipuu.” Chii pisikuu an naapeu, kaa ituhtet anite.

Luke 7:39

An maak Pharisee kaa wiishaamaat Jesus, iskutak wiyaapamaat aniyuu iskweu aniyuu e ihtiyich chii iteyimeu, “Chipaa chischeyimeu uyuu iskweu e ishpish machaatisiyich kaa taahtinikut taapwe e uchischiwehiichesuukwe.”

Luke 7:41

Ekw Jesus kaa tipaachimushtuwaat e itaat, “Chii niishuuch naapeuch e chii masinahamuwaatwaau naapeu shuuliyaayuu. Peyakw an niyaayinwaau mitaahtumitanuu chii masinahamuweu ekw an kutak niyaayinumitanuu.

John 13:13

Chischinuhamaachesuu kaye Utipeyihchikeu chitishinihkaasinaawaau, ekun maak taapwe nipaa ishinihkaatikuun wesh taapwe eukw niya e awiyaan.

John 16:19

Jesus chii chischeyimeu e wii kakwechimikut uyuu. Ekw kaa itaat, “An kaa itweyaan, shaash wiipach namui chika uhchi wiicheutinaawaau. Miin maak weipishchiish ekw miin che waapamiyekw. Ewaa uu waa nituu chischeyihtamekw chekwaan an kaa aayimuutamaan.

John 16:30

Nichischeyihtenaan maak misiwe chekwaan e chischeyihtaman, namui nituweyihtaakusuu awen chechii kakwechimisk chekwaayuu, eukw maak uu wehchi taapwehtamaahch Chishemanituu e ihtaat e chii uhtuhteyin.”

John 3:2

Peyakwaau maak e tipiskaayich chii nituwaapameu Jesus ekw kaa itaat, “Chischinuhamaachesuu, chichischeyimitinaan chiya chischinuhamaachesuu e chii pechi itishahuusk Chishemanituu. Wesh namui awen chika chii ihtuutam aniyuu maamishkaach ihtuwin chiya kaa ihtuutaman ekaa wiichihiikute Chishemanituu.”