Luke 7:38 - Chishemanituu Utayimuwin: Kaa Uskaach Testament

³⁸ Mekwaach maak Jesus e uhpimeshihk anit e miichisutwaau, an iskweu chii niipuu anite itehche Jesus usitiihch, e maatut. Aniyuu maak e uhchikuwaapit chii nipiyuuhtaaweu Jesus usith. Ekw kaa uchihchiihkunapit ustikwaaniyaapii e aapachihtaat e paahkusitenaat. Kaye maak e uchehtamuwaat kaye e tuuminamuwaat aniyuu e wiihchimaakusiyich tuuminikaniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁸ ᒣᒀᒡ ᒫᒃ ᒌᓴᔅ ᐁ ᐅᐦᐱᒣᔑᐦᒃ ᐊᓂᑦ ᐁ ᒦᒋᓱᑣᐤ, ᐊᓐ ᐃᔅᑴᐤ ᒌ ᓃᐴ ᐊᓂᑌ ᐃᑌᐦᒉ ᒌᓴᔅ ᐅᓯᑏᐦᒡ, ᐁ ᒫᑐᑦ᙮ ᐊᓂᔫ ᒫᒃ ᐁ ᐅᐦᒋᑯᐙᐱᑦ ᒌ ᓂᐱᔫᐦᑖᐌᐤ ᒌᓴᔅ ᐅᓯᑦᐦ᙮ ᐁᒄ ᑳ ᐅᒋᐦᒌᐦᑯᓇᐱᑦ ᐅᔅᑎᒀᓂᔮᐲ ᐁ ᐋᐸᒋᐦᑖᑦ ᐁ ᐹᐦᑯᓯᑌᓈᑦ᙮ ᑲᔦ ᒫᒃ ᐁ ᐅᒉᐦᑕᒧᐙᑦ ᑲᔦ ᐁ ᑑᒥᓇᒧᐙᑦ ᐊᓂᔫ ᐁ ᐐᐦᒋᒫᑯᓯᔨᒡ ᑑᒥᓂᑲᓂᔫ᙮

Luke 7:38 Iomraidhean Croise

Matthew 5:4

Shaweyihtaakusuuch anichii kaa nanehkaateumutwaau wesh Chishemanituu chika kaachiichihiikuuch.

Luke 22:62

Kaa wiiwiit Peter kaa nituu maatut, chii mista maatuu maak.

Luke 6:21

Chishaweyihtaakusinaawaau chiyawaau kaa nuuhtehkateyekw anuhchiish, wesh chika chiishpuhiikunaawaau. Chishaweyihtaakusinaawaau chiyawaau kaa maatuuyekw anuhchiish, wesh chika paahpinaawaau.

Luke 7:37

Anit maak aniyuu utenaayuu chii ihtaau iskweu naashch e machaatisiit. Iskutak maak an iskweu piyehtahk Jesus e chii wiishaamaakanuyich anit aniyuuh Pharisee wiichiihch chechii miichisuyich, chii ituhteu anite, e chii ituhtataat e miywaashiyich puutayuu e asiniiyuuniyich, e wiihchimaakusiyich tuuminikaniyuu e piihchishtiniyich anit.

Luke 7:39

An maak Pharisee kaa wiishaamaat Jesus, iskutak wiyaapamaat aniyuu iskweu aniyuu e ihtiyich chii iteyimeu, “Chipaa chischeyimeu uyuu iskweu e ishpish machaatisiyich kaa taahtinikut taapwe e uchischiwehiichesuukwe.”

John 11:2

Eukuu Mary kaa kutapinamuwaat wiihchimaakuhuuniyuu Utipeyihchikeu usitiihch kaye ustikwaaniyaapiih kaa aapachihtaat e kaasiihamuwaat usitiyuuh. Eukuu iskweu wiichishaanh Lazarus kaa aahkusiyich.

James 4:9

Mihchiiwesikw, macheyihtamukw kaye maatukw. Maatukw ishpish wii chechii paahpiyekw. Mishimeyihtamukw ishpish wii chechii miyeyihtamekw.