Luke 7:37 - Chishemanituu Utayimuwin: Kaa Uskaach Testament

³⁷ Anit maak aniyuu utenaayuu chii ihtaau iskweu naashch e machaatisiit. Iskutak maak an iskweu piyehtahk Jesus e chii wiishaamaakanuyich anit aniyuuh Pharisee wiichiihch chechii miichisuyich, chii ituhteu anite, e chii ituhtataat e miywaashiyich puutayuu e asiniiyuuniyich, e wiihchimaakusiyich tuuminikaniyuu e piihchishtiniyich anit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁷ ᐊᓂᑦ ᒫᒃ ᐊᓂᔫ ᐅᑌᓈᔫ ᒌ ᐃᐦᑖᐤ ᐃᔅᑴᐤ ᓈᔥᒡ ᐁ ᒪᒑᑎᓰᑦ᙮ ᐃᔅᑯᑕᒃ ᒫᒃ ᐊᓐ ᐃᔅᑴᐤ ᐱᔦᐦᑕᐦᒃ ᒌᓴᔅ ᐁ ᒌ ᐐᔖᒫᑲᓄᔨᒡ ᐊᓂᑦ ᐊᓂᔫᐦ ᕓᕆᓰ ᐐᒌᐦᒡ ᒉᒌ ᒦᒋᓱᔨᒡ, ᒌ ᐃᑐᐦᑌᐤ ᐊᓂᑌ, ᐁ ᒌ ᐃᑐᐦᑕᑖᑦ ᐁ ᒥᔻᔑᔨᒡ ᐴᑕᔫ ᐁ ᐊᓯᓃᔫᓂᔨᒡ, ᐁ ᐐᐦᒋᒫᑯᓯᔨᒡ ᑑᒥᓂᑲᓂᔫ ᐁ ᐲᐦᒋᔥᑎᓂᔨᒡ ᐊᓂᑦ᙮

Luke 7:37 Iomraidhean Croise

Matthew 21:31

Taan maak yaakw anichii e niishitwaau naapeshach kaa nanihiihtuwaat uhtaawii.” Ekw Jesus kaa itikut aniyuu kaa kakwechimaat, “An ustesimaau.” Ekw Jesus kaa itaat, “Chiwiihtamaatinaawaau, anichii nitamukw kaa ihtitwaau chisheuchimaau e aapachihiikutwaau chechii maamuushtinamuwaatwaau ushuuliyaamiyuu ekw maak anichii pisikwaatisiiskweuch eukunich niishtam che piihchetwaau Chishemanituu uchisheuchimaawiniihch eshkw ekaa chiyawaau piihcheyekw.

Luke 18:13

Ekw maak an naapeu kaa maamuushtinahk chisheuchimaau shuuliyaayuu kaa itaapatisit, iskutak e ayimihaat waahyuusiis anit chii uhchikaapuu taanit kaa niipuyich aniyuu Pharisee namui kaye mechim uhchi tastasaapuu kihchikiishikuhch wesh chii kushikuteheu. Chii itweu, ‘Chishemanituu pechi chistimaacheyim e machituutamaan. Ekw Jesus miin kaa ati itwet iskutak kaa chiishi tipaachimut.’

Luke 19:7

Misiwe maak anichii iinuuch kaa waapamaatwaau Jesus e piihtakahiikuyich Zacchaeus memehch chii iteuch e itwetwaau, “Uu naapeu e nituu ihtaat anite umachihtwaau uwaaskaahiikanimiihch.”

Luke 5:30

Ekw maak Phariseech kaye anichii wiishuwewiniyuu kaa chiskutamaachetwaau kaa ayimihaatwaau Jesus uchischinuhamuwaakaniyuuh e itaatwaau, “Chekwaan wehchi wiichimiichisuumekuch anichii kaa maamushtinahkwaau chisheuchimaau shuuliyaayuu kaa itaapatisitwaau kaye anichii kutakach umachihtwaauch.”

Luke 5:32

Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”

Luke 7:34

Chii pechi takushinuu Iinuu Ukusisa e miichisut kaye e minihkwet. Chichii itwenaawaau maak, ‘Kanawaapamaahkw maa uu naapeu, nuwach kaa ukaasichimit kaye nuwach wiihchipeu, e uwiichewaakanit umachaatisiyuuh, kaye aniyuuh kaa maamuushtinamiyich Chisheuchimaau shuuliyaayuu kaa itaapatisitwaau.’

Luke 7:36

Jesus peyakwaau chii wiishaamikuu Pharisee Simon e ishinihkaasuyich chechii wiichimiichisuumaat, ekw maak kaa ituhtet anite uwaaskaahiikanimiihch ekw kaa waweyapit.

John 11:2

Eukuu Mary kaa kutapinamuwaat wiihchimaakuhuuniyuu Utipeyihchikeu usitiihch kaye ustikwaaniyaapiih kaa aapachihtaat e kaasiihamuwaat usitiyuuh. Eukuu iskweu wiichishaanh Lazarus kaa aahkusiyich.

John 9:24

Ekw anichii Jewa iinuuh kaa niikaanishkuwaatwaau miin kaau kaa wiishaamaatwaau aniyuu naapeu ekaa uhchii waapahtamiyich ekw kaa kakwechimaatwaau, “Chishemanituu eukw maamihchim. Nichischeyimaanaan uu naapeu Jesus e machaatisiit.”

John 9:31

Chichischeyihtenaanuu Chishemanituu ekaa nituhtuwaat kaa machaatisiitwaauh, nituhtaweu maak wiya aniyuu aweyuu kaa nuuchiishtaakut kaye kaa ihtuutamiyich taan e ishi nituweyimaat chechii ihtuutamiyich.

Romans 5:8

Chishemanituu maak wii mitun chichii waapahtiikunuu taan e ishpish saachihiitahkw, chii pachishtineu Christ chechii nipistamaakuuhkw eshkw mekwaach machihtwaawinihch e chii ihtaauhkw.

1 Timothy 1:15

Eukw maak uu tiyaapwemakahch itwewin, Christ Jesus e chii pechi takushihk utah aschiihch chechii pimaachihaat umachihtwaau. Maauch maak kaa machaatisiit nichii iteyihtaakusin niya.

1 Timothy 1:9

Uu maak wii nisituhtamuhkw, taapaa namayeu ukuiskutaatisiiu kaa ushihtamuwaakanuut uyuu wiishuwewiniyuu. Anichii wesin ekaa mitun kaa aapateyihtahkwaau Chishemanituu uwiishuwewiniyuu kaye anichii ekaa mitun kaa nanihiihtamuwaatwaau kaye anichii ekaa mitun kaa chischeyihtahkwaau taan chipaa ishi nanaakatuweyihtamihiikuuch upimaatisiiwinawaau eukw uchii kaa ushihtamuwaakanuutwaau uyuu wiishuwewiniyuu. Kaye maak anichii ekaa mitun kaa papaameyimaatwaau Chishemanituu upimaatisiiwiniwaahch kaye anichii tekash kaa machipimaatisiitwaau eukunich uchii kaa ushihtamuwaakanuutwaau aniyuu wiishuwewiniyuu. Kaye maak anichii ekaa kaa payehch pimaatisiitwaau utahchaahkwaahch kaye anichii ekaa mitun kaa ayimihewaatisiitwaau kaye anichii kaa nanipahaatwaau uhtaawiiwaau kaye ukaawiiwaau kaye anichii kaa nipahiiwetwaau,

1 Peter 4:18

Itashteu Chishemanituu utayimuwinihch, Chiishpin wanaaush che pimaachihaakanuwaakwenich anichii kaa kuiskutaatisiitwaau, taan che ispayitwaau wii anichii umachihtwaauch kaye anichii ekaa kaa manituuwaatisiitwaau ekaa kaa wii nanihiihtuwaatwaau Chishemanituu.