Luke 7:34 - Chishemanituu Utayimuwin: Kaa Uskaach Testament

³⁴ Chii pechi takushinuu Iinuu Ukusisa e miichisut kaye e minihkwet. Chichii itwenaawaau maak, ‘Kanawaapamaahkw maa uu naapeu, nuwach kaa ukaasichimit kaye nuwach wiihchipeu, e uwiichewaakanit umachaatisiyuuh, kaye aniyuuh kaa maamuushtinamiyich Chisheuchimaau shuuliyaayuu kaa itaapatisitwaau.’

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᒌ ᐯᒋ ᑕᑯᔑᓅ ᐄᓅ ᐅᑯᓯᓴ ᐁ ᒦᒋᓱᑦ ᑲᔦ ᐁ ᒥᓂᐦᑴᑦ᙮ ᒋᒌ ᐃᑗᓈᐙᐤ ᒫᒃ, ᑲᓇᐙᐸᒫᐦᒄ ᒫ ᐆ ᓈᐯᐤ, ᓄᐗᒡ ᑳ ᐅᑳᓯᒋᒥᑦ ᑲᔦ ᓄᐗᒡ ᐐᐦᒋᐯᐤ, ᐁ ᐅᐐᒉᐙᑲᓂᑦ ᐅᒪᒑᑎᓯᔫᐦ, ᑲᔦ ᐊᓂᔫᐦ ᑳ ᒫᒨᔥᑎᓇᒥᔨᒡ ᒋᔐᐅᒋᒫᐤ ᔔᓕᔮᔫ ᑳ ᐃᑖᐸᑎᓯᑣᐤ᙮

Luke 7:34 Iomraidhean Croise

Matthew 11:19

Ekw maak Iinuu Ukusisa chii miichisuu kaye chii minihkweu, chii itweyuuh maak aweyuuh, ‘Kanawaapamaahkw maa uu naapeu, taapwe kaa ukaasichimit kaye taapwe wiihchipeu, e uwiichewaakanit umachaatisiyuuh, kaye aniyuuh nitamukw kaa ihtitwaau kaa maamuushtinamiitwaauh chisheuchimaau shuuliyaayuu.’ Mikw maak taan e ishi pimaatisiit awen ekut e nuukuniyich taan e ishi kachehtaaweyihtahk.”

Matthew 5:46

Chekwaayuu chipaa uhchi miikw Chishemanituu chikaaniyuwiniyuu mikw saachihiitwaau anichii awenichii kaa saachihiiskwaau. Wesh ekun misiwaach e ihtitwaau anichii kaa machituutahkwaau.

Matthew 9:11

Pasch maak Phariseech chii waapameuch uyuuh ekw kaa itaatwaau aniyuu chischinuhamuwaakanh, “Chekwaan wehchi wiichimiichisuumaat chichiskutamaachesiimuwaau aniyuuh Chisheuchimaau shuuliyaayuu kaa maamuushtinamiyich kaye aniyuuh kutak kaa machaatisiyich.”

Luke 11:37

Iskutak kaa chiishi ayimit Jesus, peyakw Pharisee chii wiishaamikuu chechii wiichimiichisuumaat. Ekw Jesus kaa ituhtet anite, kaa nituu wiichimiichisuumaat aniyuu Pharisee.

Luke 14:1

Peyakwaau maak e Jewa ayimiheuchiishikaayich Jesus chii ituhteu chechii nituu miichisuwaat anite wiichiihch aniyuu peyakw kaa niikaaneyihtaakusiyich Pharisee. Ekw maak chii ihtaauch anit iinuuch naashch e naanaakachihaatwaau Jesus che ihtiyikwen.

Luke 15:2

Phariseech, ekw maak anichii kaa chiskutamaachetwaau wiishuwewiniyuu chii aayimuumeuch Jesus e itwetwaau, “Uu naapeu wiichewaakanitutaweu aniyuu kaa machaatisiyich kaye wiichimiichisuumeu.”

Luke 19:7

Misiwe maak anichii iinuuch kaa waapamaatwaau Jesus e piihtakahiikuyich Zacchaeus memehch chii iteuch e itwetwaau, “Uu naapeu e nituu ihtaat anite umachihtwaau uwaaskaahiikanimiihch.”

Luke 5:29

Paatimaa maak chii makushiheu Jesus anite uwaaskaahiikanimihch. Chii mihchetiyuu maak kutak kaa maamuushtinamiyich chisheuchimaau shuuliyaayuu e itaapatisitwaau kaye kutak aweyuu chii ihtaayuuh e chii wiichimiichisuumikutwaau.

Luke 7:33

Iskutak maak John siikahaahtaacheu kaa takushihk namui meshikum uhchi miichisuu, namui kaye uhchi minihkweu shuuminaapuuyuu, chichii itaawaau maak machiahchaahkwa e piihchishkaakut.

Luke 7:35

Anichii kaa taapwehtamuwaatwaau Chishemanituu ukachehtaaweyihtamuwiniyuu kata nuukuhtaauch upimaatisiiwiniwaahch taapwe e cheshtinaateyihtaakuniyich Chishemanituu ukachehtaaweyihtamuwin.”

Luke 7:36

Jesus peyakwaau chii wiishaamikuu Pharisee Simon e ishinihkaasuyich chechii wiichimiichisuumaat, ekw maak kaa ituhtet anite uwaaskaahiikanimiihch ekw kaa waweyapit.

John 12:2

Chii makushehaakanuu maak Jesus anite, Martha chii wiichihiiweu e maatinuwaanuyich, ekw Lazarus kaa wiitapimaat Jesus anite miichisunaahtikuhch.

John 2:2

Jesus ekw maak aniyuu uchischinuhamuwaakanh kaye wiyawaau chii wiishaamaakanuuch aniyuu e niipuunaanuyich,