Luke 7:33 - Chishemanituu Utayimuwin: Kaa Uskaach Testament

³³ Iskutak maak John siikahaahtaacheu kaa takushihk namui meshikum uhchi miichisuu, namui kaye uhchi minihkweu shuuminaapuuyuu, chichii itaawaau maak machiahchaahkwa e piihchishkaakut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³³ ᐃᔅᑯᑕᒃ ᒫᒃ ᒞᓐ ᓰᑲᐦᐋᐦᑖᒉᐤ ᑳ ᑕᑯᔑᐦᒃ ᓇᒧᐃ ᒣᔑᑯᒻ ᐅᐦᒋ ᒦᒋᓲ, ᓇᒧᐃ ᑲᔦ ᐅᐦᒋ ᒥᓂᐦᑴᐤ ᔔᒥᓈᐴᔫ, ᒋᒌ ᐃᑖᐙᐤ ᒫᒃ ᒪᒋᐊᐦᒑᐦᑾ ᐁ ᐲᐦᒋᔥᑳᑯᑦ᙮

Luke 7:33 Iomraidhean Croise

Matthew 10:25

Chipaa miyeyihtam maak an kaa chiskutamuwaakanuut, iteyihtaakusit e iteyihtaakusiyich aniyuu kaa chiskutamaakut, kaye an aapachihaakan iteyihtaakusit e iteyihtaakusiyich uchimaam. Niya maak aat e uchimaawiyaan chischisikw maa taan kaa ishi maayeyimitwaau e chii itwetwaau an machiahchaahkw uchimaau Beelzebul e aawiyaan. Chiyawaau maak etituu chika maayeyimikuwaauch.”

Matthew 3:1

Ekut maak utah mekwaach John siikahaahtaacheu kaa chii ituhtet anite pakwaatiskamikaahch, anite Judea aschiihch itehche, ekw kaa chihchipayihtaat e kacheskwet.

Matthew 3:4

Uu maak John, kaa mista piskwaaukunet awesiis upiiwii chii uhchi ushihtaakanuuyuu uchekwaanimh, kaye muushuyaaniyaapii chii iteyihtaakuniyuu aniyuu chekwaayuu kaa upahkuhtehunit kaye kwaashkwaashkuhchishiisha ekw maak shuukaayuu aamuuwachistunihch kaa ihtakuniyich eukw uyuu kaa umiichimit.

Mark 1:6

Kaa mista piskwaakuniyich awesiisa upiiweyuuh chii uhchi ushihtaakanuuyuuh John uchekwaanimh, kaye muushuyaaniyaapii chii iteyihtaakuniyuu aniyuu chekwaayuu kaa upahkuhtehunit kaye kwaashkwaashkuhchishiisha ekw maak shuukaayuu aamuuwachistunihch kaa ihtakuniyich eukw uyuu kaa umiichimit.

Luke 1:15

Utipeyihchikeu chii wiyaapamikuu an awaash wesh chisteyihtaakuniyuu taan waa itaapachihiikut. Namui nihtaa kata uhchi minihkweu shuuminaapuuyuu kaye ishkutewaapuuyuu. Wesh Kaa payehchisiyich Ahchaahkwa tekash chika pimipayihiikuu aat eshkw mekwaach ukaawii kanuweyimikute uspayaayihch.

Luke 7:32

Maau e iteyihtaakusitwaau. Mwehch awaashach anite e metuwetwaau wiiwiitamihch ekaa maak chii nanihiiwehiitutwaau taan waa ishi metuwetwaau. E tepwaatitutwaau, e itwetwaau, ‘E niipuunaanuuhch nichii wii ishi metuwenaan e chistuhcheyaahch e ihtiyaahch, namui maak kuuhchi niiminaawaau, kaye nichii nikamunaan e chistimaastaakuhkwaau nikamuwinh namui maak kuuhchi maatuunaawaau.’

Luke 7:34

Chii pechi takushinuu Iinuu Ukusisa e miichisut kaye e minihkwet. Chichii itwenaawaau maak, ‘Kanawaapamaahkw maa uu naapeu, nuwach kaa ukaasichimit kaye nuwach wiihchipeu, e uwiichewaakanit umachaatisiyuuh, kaye aniyuuh kaa maamuushtinamiyich Chisheuchimaau shuuliyaayuu kaa itaapatisitwaau.’

John 10:20

Mihchetu maak anichii Jewa iinuuch chii iteuch, “Machiahchaahkwa piihchishkaakuu. Chiiskweu. Chekwaan wehchi nituhtawekw.”

John 8:48

Anichii maak Jewa iinuuch chii iteuch aniyuu Jesus, “Nichii taapwenaan kaa itweyaahch Samaria e uhchiyin kaye e piihchishkaask machiahchaahkw.”

John 8:52

Ekw aniyuuh Jewa iinuuh kaa itikut, “Ekw maak chiyeshtinaahuyaahch, taapwe e piihchishkaask machiahchaahkw. Abraham chii nipuu kaye maak anichii uchischiwehiichesuuch chii nipuuch. Chiya maak e itweyin an awen che nanihiihtamukwe taan e iteuch namui wiiskaat chika uhchi nipuu.

ᐊᐸᔅᑕᓚᒡ 2:13

Kutakach maak chii maayeyimeuch aniyuu kaa taapwehtamiyich e itaatwaau, “Cchiishkwepeuch uchii naapeuch.”