Luke 7:30 - Chishemanituu Utayimuwin: Kaa Uskaach Testament

³⁰ Ekw anichii Phariseech kaye anichii kaa chiskutamaachetwaau ayimihewin wiishuwewiniyuu chii aatuweyihtamuweuch aniyuu taan kaa itashumuweyich Chishemanituu. Namui uhchi nituweyihtamuch chechii siikahaahtaakutwaau John.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁰ ᐁᒄ ᐊᓂᒌ ᕓᕆᓰᒡ ᑲᔦ ᐊᓂᒌ ᑳ ᒋᔅᑯᑕᒫᒉᑣᐤ ᐊᔨᒥᐦᐁᐎᓐ ᐐᔓᐌᐎᓂᔫ ᒌ ᐋᑐᐌᔨᐦᑕᒧᐌᐅᒡ ᐊᓂᔫ ᑖᓐ ᑳ ᐃᑕᔓᒧᐌᔨᒡ ᒋᔐᒪᓂᑑ᙮ ᓇᒧᐃ ᐅᐦᒋ ᓂᑐᐌᔨᐦᑕᒧᒡ ᒉᒌ ᓰᑲᐦᐋᐦᑖᑯᑣᐤ ᒞᓐ᙮

Luke 7:30 Iomraidhean Croise

Matthew 22:35

Peyakw maak anit e tashitwaau anichii Phariseech, kaa chiskutamaachet wiishuwewiniyuu e itaapatisit, chiwii naanituu pisiiwiyeu Jesus, e kakwechimaat chekwaayuu.

Luke 13:34

“Chiyawaau Jerusalemihch kaa ihtaayekw, kaa nipahekuch anichii uchischiwehiichesuuch kaye kaa paahpimusinaatahwekuch aniyuuh Chishemanituu kaa pechi itishahamaataakw, taan tahtwaau kaa wii maausikupititakuch anite ishi e ihtaayaan, muyaam pakahaahkwaan e ihtuutuwaat upakahaahkwaanishimh, shiipaa utatahkunihch e ishi maausikunaat e wii naanaakachihaat. Ekun maak mwehch kaa wii ihtuutaatakuch. Mikw namui kuuhchi pachishtinaawaau uu chechii ihtuutaatakuch.

Luke 20:6

Maak itweyihkwe, ‘Naapeu kaa itashumikut aniyuu kaa ihtit,’ ekw uchii iinuuch utah kaa ihtaatwaau chika nipahiikunuuch e paahpimusinaatahuutahkwaau. Wesh mitun taapweyimeuch John e chii uchischiwehiichesuyich.”

Luke 7:31

Ekw maak Jesus kaa itwet, “Taan e iteyihtaakusitwaau anuhchiish awenichii anuhchiish kaa pimaatisiitwaau.

ᐊᐸᔅᑕᓚᒡ 20:27

Wesh namui mitun nuuhchi nakaawiin kuiskw chechii ishi wiihtamaatakuch taan e ishi nituweyimitaakw Chishemanituu chechii ihtiyekw, namui mitun chekwaan kuuhchi kaatwaatinaawaau.

Romans 10:21

Mwaauyuu e ishi aayimuumaat Chishemanituu Israel iinuuh, Iskan chiishikaauh nichii shuwanischeyishtuwaauch anichii ekaa kaa nanihiihtuutwaau kaye kaa aanuwehtahkwaau.

2 Corinthians 6:1

An maak e maamuu atushkuwachiht Chishemanituu Chinitutamaatinaan ekaa chechii ishinaakusiyekw ekaa e aapateyihtamekw taan e ishi chishewaatutaataakw Chishemanituu.

Galatians 2:21

Namui nitiichenamuwaan Chishemanituu ushaweyihchichewin. Wesh chiishpin awen ukuiskutaatisiiu ishi kanawaapamikut Chishemanituuh, mikw e nanihiihtahk Jewa ayimiheu wiishuwewinh ekw kiipaa mwehch sheshkwaaht e chii nipahaakanuut Jesus chipaa ishinaakun.

Ephesians 1:11

Muush ihtuutam Chishemanituu taan kaa ishi wiyeyihtahk che ihtuutahk. Christ maak e wiicheumuhkw ekut kaa uhchi wiyaapamitahkw Chishemanituu wesh eukw uyuu kaa ishi wiyeyihtahk shaash anite weskach.