Luke 7:25 - Chishemanituu Utayimuwin: Kaa Uskaach Testament

²⁵ Awen maak kaa iteyimekw che waapamekw. Namui naanituu wii awen e miywaashpisut. Wesh anichii kaa miywaashpisutwaau naashch taapwe weyuutisiyuuch, anite maak chisheuchimaau uwaaskaahiikanimiihch ekute e ihtaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᐊᐌᓐ ᒫᒃ ᑳ ᐃᑌᔨᒣᒄ ᒉ ᐙᐸᒣᒄ᙮ ᓇᒧᐃ ᓈᓂᑑ ᐐ ᐊᐌᓐ ᐁ ᒥᔻᔥᐱᓱᑦ᙮ ᐌᔥ ᐊᓂᒌ ᑳ ᒥᔻᔥᐱᓱᑣᐤ ᓈᔥᒡ ᑖᐺ ᐌᔫᑎᓯᔫᒡ, ᐊᓂᑌ ᒫᒃ ᒋᔐᐅᒋᒫᐤ ᐅᐙᔅᑳᐦᐄᑲᓂᒦᐦᒡ ᐁᑯᑌ ᐁ ᐃᐦᑖᑣᐤ᙮

Luke 7:25 Iomraidhean Croise

Matthew 11:8

Chekwaan maak wehchi nituwaapamekw. Awen kaa iteyimekw che waapamekw. Naapeu aa naashch e miywaashpisut. Anichii awenichii kaa miywaashpisutwaau chisheuchimaau uwaaskaahiikanimiihch ekute e ihtaatwaau.

Matthew 3:4

Uu maak John, kaa mista piskwaaukunet awesiis upiiwii chii uhchi ushihtaakanuuyuu uchekwaanimh, kaye muushuyaaniyaapii chii iteyihtaakuniyuu aniyuu chekwaayuu kaa upahkuhtehunit kaye kwaashkwaashkuhchishiisha ekw maak shuukaayuu aamuuwachistunihch kaa ihtakuniyich eukw uyuu kaa umiichimit.

Matthew 6:29

Ekw maak chiwiihtamaatinaawaau, aat aniyuu e chii ishpish miisitisiit aniyaa chisheuchimaau Solomon namui uhchi ishpish miywaashiyuuh uchekwaanimh e ishpish miywaashiyikwaauh waapikunh.

Luke 16:19

Jesus chii wiihtam chischinuhamaacheu tipaachimuwiniyuu e itwet, “Peyakwaau chii ihtaau e miisitisiit naapeu naashch e shuuliyaaunaakuniyikwaau uchekwaanim, naashch e chii miisitisiyuupimaatisiit.

Luke 7:24

Iskutak maak kaa chistuhteyich aniyuu John kaa itishahwaat Jesus e ihtaayich ekw Jesus kaa aayimuumaat John anite e mihchetinaanuyich e itwet, “Awen kaa iteyimekw che waapamekw iskutak kaa nituwaapamekw John nete pakwaatiskamikaahch. Mwehch mashkushii taan e itaashtihch mikw anite e ishiiwech e ishi naweyaashtihch ekun e iteyihtaakusit awen naashch e nihiishaakuuchimaakanuut. Ekun aa kaa iteyimekw John e iteyihtaakusit.

Luke 7:26

Awen maak uu anite kaa nituwaapamekw. Awen aa e uchischiwehiichesuut. Ehe, chiwiihtamaatinaawaau eukuu uchischiwehiichesuu John, wiya uste iteyihtaakusuu ishpishaat kutak awen kaa uchischiwehiichesuut.