Luke 7:24 - Chishemanituu Utayimuwin: Kaa Uskaach Testament

²⁴ Iskutak maak kaa chistuhteyich aniyuu John kaa itishahwaat Jesus e ihtaayich ekw Jesus kaa aayimuumaat John anite e mihchetinaanuyich e itwet, “Awen kaa iteyimekw che waapamekw iskutak kaa nituwaapamekw John nete pakwaatiskamikaahch. Mwehch mashkushii taan e itaashtihch mikw anite e ishiiwech e ishi naweyaashtihch ekun e iteyihtaakusit awen naashch e nihiishaakuuchimaakanuut. Ekun aa kaa iteyimekw John e iteyihtaakusit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᐃᔅᑯᑕᒃ ᒫᒃ ᑳ ᒋᔅᑐᐦᑌᔨᒡ ᐊᓂᔫ ᒞᓐ ᑳ ᐃᑎᔕᐦᐙᑦ ᒌᓴᔅ ᐁ ᐃᐦᑖᔨᒡ ᐁᒄ ᒌᓴᔅ ᑳ ᐋᔨᒨᒫᑦ ᒞᓐ ᐊᓂᑌ ᐁ ᒥᐦᒉᑎᓈᓄᔨᒡ ᐁ ᐃᑗᑦ, ᐊᐌᓐ ᑳ ᐃᑌᔨᒣᒄ ᒉ ᐙᐸᒣᒄ ᐃᔅᑯᑕᒃ ᑳ ᓂᑐᐙᐸᒣᒄ ᒞᓐ ᓀᑌ ᐸᒀᑎᔅᑲᒥᑳᐦᒡ᙮ ᒬᐦᒡ ᒪᔥᑯᔒ ᑖᓐ ᐁ ᐃᑖᔥᑎᐦᒡ ᒥᒄ ᐊᓂᑌ ᐁ ᐃᔒᐌᒡ ᐁ ᐃᔑ ᓇᐌᔮᔥᑎᐦᒡ ᐁᑯᓐ ᐁ ᐃᑌᔨᐦᑖᑯᓯᑦ ᐊᐌᓐ ᓈᔥᒡ ᐁ ᓂᐦᐄᔖᑰᒋᒫᑲᓅᑦ᙮ ᐁᑯᓐ ᐋ ᑳ ᐃᑌᔨᒣᒄ ᒞᓐ ᐁ ᐃᑌᔨᐦᑖᑯᓯᑦ᙮

Luke 7:24 Iomraidhean Croise

Luke 1:80

Uu maak awaash John chii ati suuhchinihtaauchuu wiiyuuhch kaye utahchaahkuhch. Ekw maak iskutak kaa chiishi nihtaauchit ekw muush pahkaan kaa wiichit, paatish wetihchipayiyich che kacheschimaat Israel iinuu. Anite maak chii papaa ihtaau pakwaatiskamikaahch anite ekaa nihtaauchiniyich chekwaayuu.

Luke 3:2

Mekwaach maak kaye Annas ekw maak Caiaphas chii chisheayimiheuchimaauch. Eukw maak uyeyuu mekwaach John, Zechariah ukusisa anite pakwaatiskamikaahch chii ihtaau. ekute maak anite kaa wiihtamaakut Chishemanituu taan chipaa ishi kacheskweu.

Luke 7:23

Shaweyihtaakusuu an awen ekaa che niyehtaaweyimikwe.”

Luke 7:25

Awen maak kaa iteyimekw che waapamekw. Namui naanituu wii awen e miywaashpisut. Wesh anichii kaa miywaashpisutwaau naashch taapwe weyuutisiyuuch, anite maak chisheuchimaau uwaaskaahiikanimiihch ekute e ihtaatwaau.

John 1:23

Ekw John kaa itwet, “Eukw an niya kaa chii tipaachimit aniyaanaa uchischiwehiichesuu Isaiah. Chii iteu, Chika takushinuu awen anite pakwaatiskamikaahch e uhtuhtet e ishi tepwet, Ayeskawiihkamuwaahkw Utipeyihchikeu umeskanaam anit che pimuhtet, kuiskumuhtaawaahkw.”

Ephesians 4:14

Ekw maak namui chika uhchi awaashiyuuweyihtaakusinaanuu. Muyaam e papaamuwepahukuyihk taan e ishi Chiskutamaachetwaau kaa wiyeshihiiwetwaau chechii ishinaakusiihkw, eukw uchii kaa ihtuutuwaatwaau aweyuu chechii machituutamiyich nanaahkuu e ishi pisiiwiyaatwaau.

2 Peter 2:17

Uchii maak awenichii mwehch uhtahiipaan e paahkupayihkuwaauh iteyihtaakusuuch, maak mwehch kaskawanishkuch e papaamaasitwaau. Anite maauch e ukaashteyaayich ekute e ayeskuushtwaakutwaau Chishemanituu chechii ihtaatwaau.

2 Peter 3:17

Chiyawaau maak wii niichishaanitikw shaash chichischeyihtenaawaau misiwe uu. Yaakwaamiikw maak ekaa chechii wanihtahiitutaakuch anichii ekaa kaa ayaapateyihtahkwaau taan e ishi wiishuwaanuyich. Wesh chiishpin uu ispayihche chika wanihtahiikunaawaau taanite an e ihtaayekw mekwaach, an e chii cheshtinaateyihtaakuhtaakanuuhch taanite naapuuyekw.