Luke 7:22 - Chishemanituu Utayimuwin: Kaa Uskaach Testament

²² Ekw Jesus e nishkweushihaat chii iteu, “Chiiwekw, che wiihtamuwekw John taan kaa ishi waapahtamekw kaye taan kaa ishi pehtamekw. Wiihtamuwaahkw e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich e maayaataniyich e umichiinaanuyich. Kaye e pehtamiyich aniyuu ekaa uhchii pehtamiyich. Kaye miin kaau e wanishkaayich aniyuu kaa nipiitwaau. Kaye miywaachimuwiniyuu e waawiihtamuwaakanuyich aniyuu kaa chistimaatisiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐁᒄ ᒌᓴᔅ ᐁ ᓂᔥᑴᐅᔑᐦᐋᑦ ᒌ ᐃᑌᐤ, ᒌᐌᒄ, ᒉ ᐐᐦᑕᒧᐌᒄ ᒞᓐ ᑖᓐ ᑳ ᐃᔑ ᐙᐸᐦᑕᒣᒄ ᑲᔦ ᑖᓐ ᑳ ᐃᔑ ᐯᐦᑕᒣᒄ᙮ ᐐᐦᑕᒧᐙᐦᒄ ᐁ ᐙᐸᐦᑕᒦᑣᐤᐦ ᐊᓂᔫ ᐁᑳ ᐅᐦᒌ ᐙᐸᐦᑕᒥᔨᒡ, ᐁ ᐱᒧᐦᑌᔨᒡ ᐊᓂᔫ ᐁᑳ ᐅᐦᒌ ᐱᒧᐦᑌᔨᑣᐤᐦ, ᑲᔦ ᒫᒃ ᐁ ᐸᔦᐦᒋᓰᑣᐤᐦ ᐊᓂᔫ ᑳ ᐊᔮᔨᒡ ᐁ ᒫᔮᑕᓂᔨᒡ ᐁ ᐅᒥᒌᓈᓄᔨᒡ᙮ ᑲᔦ ᐁ ᐯᐦᑕᒥᔨᒡ ᐊᓂᔫ ᐁᑳ ᐅᐦᒌ ᐯᐦᑕᒥᔨᒡ᙮ ᑲᔦ ᒦᓐ ᑳᐤ ᐁ ᐗᓂᔥᑳᔨᒡ ᐊᓂᔫ ᑳ ᓂᐲᑣᐤ᙮ ᑲᔦ ᒥᔻᒋᒧᐎᓂᔫ ᐁ ᐙᐐᐦᑕᒧᐙᑲᓄᔨᒡ ᐊᓂᔫ ᑳ ᒋᔅᑎᒫᑎᓯᔨᒡ᙮

Luke 7:22 Iomraidhean Croise

Matthew 11:5

Wiihtamuwaahkw maak e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich kaa maayaataniyich umichiiwaaspinewiniyuu, e chii miinuwaachihaakanuyich. Kaye e pehtamiyich aniyuu ekaa uhchii pehtamiyich. Kaye e chii wanishkaanaakanuyich aniyuu kaa nipiitwaau. Kaye miywaachimuwiniyuu e waawiihtamuwaakanuyich kaa chistimaatisiyich aweyuuh.

Matthew 21:14

Chii pechi nituwaapamikuu maak aniyuu ekaa kaa waapahtamiyich kaye aniyuu kaa maaschinihtaauchiyich aweyuuh anite chisheayimiheukamikuhch mekwaach e ihtaat, chii miinuwaachiheu maak.

Luke 4:18

Utipeyihchikeu Utahchaahkwa nipiihchishkaakuyuu, wesh wiya nichii wiyaapamukw chechii wiihtamuukwaau kaa chistimaatisiitwaau miywaachimuwiniyuu. Nichii pechi itishahuukw chechii wiihtamuukwaau kaa maahchikwaapihkaasutwaau chechii aapihkunaakanuutwaau kaye anichii ekaa kaa waapahtahkwaau che waapahtahkwaau. Kaye anichii kaa nanehkaateyimuhaakanuutwaau chechii pachishtinaakanuutwaau.

Luke 7:21

Mekwaach maak aniyeyuu Jesus chii miinuwaachiheu mihchetu aweyuuh, nanaahkuu e itaaspineyitwaauh, kaye machiahchaahkwa e chii wiiwiitishihwaat kaye e chii ihtuutawaat aniyuuh ekaa kaa waapahtamiyich chechii waapahtamiyich

Luke 7:23

Shaweyihtaakusuu an awen ekaa che niyehtaaweyimikwe.”

John 1:46

Ekw Nathanael kaa itaat, “Chika chii uhchiyuu aa awen e chisteyihtaakusit anite Nazareth.” Ekw Philip kaa itaat, “Aashtam pechi nituwaapam.”

ᐊᐸᔅᑕᓚᒡ 26:18

Chititishahutin anite e ihtaatwaau chechii nisituhtamihiitwaau taan e ishinaakuniyikwaauh upimaatisiiwinawaauh. Chischeyihtahkwaawenich maak ekw che nakatahkwaau wanitipiskusiiwiniyuu ekw waashtewiniyuu che naatahkwaau. Kaye maak che nakatamuwaatwaau machimanituu usuuhkaatisiiwiniyuu teyakuch Chishemanituuh usuuhkaatisiiwiniyuu chechii naatamuwaatwaau. Ekw maak taapweyimitwaawenich che wepeyihtamuwaakanuutwaau umachihtwaawinawaauh. Ekw maak che masinaasutwaau kaye wiyawaau anite mesinaasuyich Chishemanituu utiimiih aniyuuh kaa wiyaapamaat.’ ”

ᐊᐸᔅᑕᓚᒡ 8:7

Machiahchaahkuch suuhk e tepwetwaau chii pechi wiiwiyuuch mihchetu aweyuu e ihtaayich aniyuu e chii piihchishkuwaatwaau. Anichii maak ekaa kaa nisitusitwaau, kaye anichii kaa maaschisitwaau, chii miinuwaachihaakanuuch.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.