Luke 7:16 - Chishemanituu Utayimuwin: Kaa Uskaach Testament

¹⁶ Misiwe maak anit kaa tashitwaau awenichii chii sechisuuch ekw kaa chishtaachimaatwaau Chishemanituu e itwetwaau, “Chichii utihtikunuu e chisteyihtaakusit uchischiwehiichesuu. Kaye maak chii itweuch, Chishemanituu pechi wiichiheu utiiniim.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᒥᓯᐌ ᒫᒃ ᐊᓂᑦ ᑳ ᑕᔑᑣᐤ ᐊᐌᓂᒌ ᒌ ᓭᒋᓲᒡ ᐁᒄ ᑳ ᒋᔥᑖᒋᒫᑣᐤ ᒋᔐᒪᓂᑑ ᐁ ᐃᑗᑣᐤ, ᒋᒌ ᐅᑎᐦᑎᑯᓅ ᐁ ᒋᔅᑌᔨᐦᑖᑯᓯᑦ ᐅᒋᔅᒋᐌᐦᐄᒉᓲ᙮ ᑲᔦ ᒫᒃ ᒌ ᐃᑗᐅᒡ, ᒋᔐᒪᓂᑑ ᐯᒋ ᐐᒋᐦᐁᐤ ᐅᑏᓃᒻ᙮

Luke 7:16 Iomraidhean Croise

Matthew 15:31

Chii miskaateyihtamuch maak anichii iinuuch e waapamaatwaau aniyuu ekaa kaa nihtaaweyich e ayimiyich kaye aniyuu kaa maaschisiyich e miyunaakusiyich, kaye aniyuu ekaa kaa nihtaauhteyich e pimuhteyich, kaye aniyuu ekaa kaa waapahtamiyich e waapahtamiyich. Ekw maak kaa maamihchimaatwaau Chishemanituu aniyuu Jewa iinuuh kaa maamihchimaayich.

Matthew 21:11

Ekw kaa itikutwaau aniyuu iinuuh kaa wiichewaayich Jesus, “Jesus an. Eukun uu uchischiwehiichesuu anite Nazareth, Galilee aschiihch, kaa uhchiit.”

Matthew 28:8

Anichii maak iskweuch chii wiiwiipahiituuch anit chiipaikamikuhch uhchi e sechisitwaau nesht kaye e muuchicheyihtahkwaau, kaa nituu wiihtamuwaatwaau aniyuu chischinuhamuwaakanh.

Matthew 9:8

Iskutak maak anichii awenich anit kaa ihtaatwaau wiyaapahtahkwaau taan kaa ispayiyich chii sechisuuch ekw kaa maamihchimaatwaau Chishemanituu e miyaayich aweyuuh suuhkaatisiiwiniyuu.

Luke 1:65

Ekw anichii peshuch anit kaa ihtaatwaau kaye anichii iinuuch waaskaa anit Judea kaa ihtaatwaau naashch taapwe chii sechisuuch iskutak kaa pehtahkwaau taan kaa ispayikupane.

Luke 1:68

“Kata maamihchimaakanuu Utipeyihchikeu, Israel iinuuch Uchishemanituumiwaau, wesh chii pechi taakushin chechii pechi naatamuwaat utiiniim, kaye chechii pechi pimaachihaat.

Luke 19:44

Misiwe awen anit chitihtaawiniwaahch chika wanaachihaakanuu kaye an chitihtaawinawaau chika wanaachihtaakanuu. Namui waachi peyakw asinii muyaam chika uhchi itamuu anit chiwaaskaahiikanimuwaahch. Wesh namui kuuhchi mamuushihtaanaawaau anit kaa utihchipayikupane Chishemanituu kaa wii pimaachihiitaakw.”

Luke 2:20

Ekw maak anichii maanishchaanishuiinuuch chii chiiweuch e chishtaachimaatwaau kaye e maamihchimaatwaau Chishemanituu. Chii maamihchimeuch aniyuu taan kaa ishi pehtahkwaau kaye taan kaa ishi waapahtahkwaau wesh eukun mwehch kaa ispayiyich aniyuu uhchi taan kaa ishi wiihtamaakutwaau aniyuu enchil.

Luke 24:19

Ekw kaa kakwechimikutwaau, “Chekwaayuuh maak aniyuu kaa ispayihkwaau.” Ekw kaa tipaachimushtuwaatwaau misiwe taan kaa ihtuutawaakanuyich Jesus, Nazareth kaa uhchiyich e itaatwaau, “Uu Jesus chii uchischiwehiichesuu. Chishemanituuh ekw maak aniyuu iinuu chii iteyihtamiyuu misiwe aniyuu chekwaayuuh kaa ihtuutahk kaye aniyuu kaa ishi wiihtahk naashch e chii suuhcheyihtaakuniyikwaau.

Luke 5:26

Misiwe maak anichii kaa waapahtahkwaau taan kaa ispayiyich chii miskaateyihtamihiikuuch kaye chii sechisuuch. Chii chishtaachimeuch Chishemanituu e itwetwaau, “Taapwe maamishkaach chit ishi waapahtenaanuu chekwaan anuhchiish e ispayihch.”

Luke 5:8

Iskutak maak Simon Peter wiyaapahtahk e ispayiyich chii uchihchiihkunipayihuu uhchishkuu Jesus e ihtaayich, e itwet, “Nakasi, Utipeyihchikeu, wesh nimachaatisiin.”

Luke 7:15

Ekw an kaa nipit naapeu kaa uhchi asamitapit, kaa uhchi ayimit ekw Jesus kaau kaa miyaat aniyuu iskweu aniyuu ukusisa.

Luke 7:39

An maak Pharisee kaa wiishaamaat Jesus, iskutak wiyaapamaat aniyuu iskweu aniyuu e ihtiyich chii iteyimeu, “Chipaa chischeyimeu uyuu iskweu e ishpish machaatisiyich kaa taahtinikut taapwe e uchischiwehiichesuukwe.”

Luke 8:37

Anichii maak iinuuch anite Gerasenehch kaa uhchiitwaau chii sechisuuch uyeyuu uhchi kaa ispayiyich ekw kaa kakwechimaatwaau Jesus chechii nakatikutwaau. Ekw Jesus kaa puusit utuutuwaau ekw kaa che chiiwehut.

Luke 9:19

Kaa itikut, “Kutakach awenichii John siikahaahtaacheu chititeyimikuch ekw kutakach aniyaanaa peyakw uchischiwehiichesuu Elijah kaa ishinihkaasut chititeyimikuch, ekw miin kutakach e ihtaatwaau weskach uchischiwehiichesuu miin kaau e pimaatisiit e iteyimiskwaau.”

John 1:21

Ekw kaa kakwechimikut e itikut, “Awen maak chiya. Elijah aa.” “Namui. Namayeu niya Elijah,” chii iteu John. “Eukw aa chiya an uchischiwehiichesuu nipaa pechi itishahamaakunaan,” chii itikuu. “Namui,” chii iteu John.

John 1:25

“Chekwaan maak wehchi siikahaahtaacheyin ekaa e aawane Christ maak Elijah maak an uchischiwehiichesuu.”

John 4:19

Ekw an iskweu kaa itaat, “Ekun e iteyimitaan muyaam uchischiwehiichesuu chiya.

John 6:14

Anichii maak iinuuch anit kaa ihtaatwaau, anichii kaa waapamaatwaau Jesus aniyuu miskach ihtuwiniyuu e ihtuutamiyich chii iteuch, “Cheshtinaash eukw uu uchischiwehiichesuu an kaa ashuwaapamuhkw chechii pechi itishahwaakanuut utah aschiihch.”

John 9:17

Ekw anichii Phariseech miin kaa kakwechimaatwaau aniyuu naapeu kaa miinuwaachihaakanuyich e itaatwaau, “Taan e iteyimat maak chiya an naapeu kaa miinuwaachihiisk.” Ekw an naapeu kaa nishkweushihaat e itaat, “Uchischiwehiichesuu nititeyimaau.”

ᐊᐸᔅᑕᓚᒡ 5:5

Iskutak maak piyehtahk Ananias uyuu e itaakanuut chii ati pahchishinuu kaa ati puunipimaatisiit. Misiwe maak anichii kaa pehtahkwaau chii sechisuuch.

ᐊᐸᔅᑕᓚᒡ 7:37

Eukw uu Moses kaa itaakupane aniyuu iinuu anite Israel kaa uhchiyich, Chishemanituu chika itishahamaakuwaau aweyuu che uchischiwehiichesuyich muyaam niya kaa ishi pechi itishahuut, utah maak e uhchiyekw chika uhchiyuuh.

Galatians 1:24

Ekw maak kaa nanaaskumaatwaau Chishemanituuh taan kaa ihtuutamuyich nipimaatisiiwiniihch.