Luke 7:13 - Chishemanituu Utayimuwin: Kaa Uskaach Testament

¹³ Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᐃᔅᑯᑕᒃ ᒫᒃ ᐅᑎᐯᔨᐦᒋᑫᐤ ᐎᔮᐸᒫᑦ ᐊᓂᔫ ᐃᔅᑴᐤ, ᓈᔥᒡ ᒌ ᒋᔅᑎᒫᒉᔨᒣᐤ ᐁᒄ ᑳ ᐃᑖᑦ, ᐁᑳᐐ ᒫᑐᐦ᙮

Luke 7:13 Iomraidhean Croise

Mark 8:2

“Nichistimaacheyimaauch uchii iinuuch. Shaash nishtu chiishikaauh kaa ishpish ihtaatwaau utah e ihtaauch namui maak shaash ihtakuniyuu chekwaayuu che miichitwaau.

Luke 10:1

Iskutak kaa chiishipayihch an taan kaa ispayihch Utipeyihchikeu chii wiyaapameu niishwaashumitanuu niishu kutak aweyuu che uchischinuhamuwaakanit ekw kaa niikaanitishihwaat e naaniishuhteyitwaau. Chii iteu misiwe ihtaawinihch chechii ituhteyich misiwe taanite che aituhtekupane, kaye misiwe taanite e ati ihtaayitwaauh aweyuuh.

Luke 11:1

Peyakwaau iskutak Jesus kaa chiish ayimihaat, peyakw aniyuu uchischinuhamuwaakanh chii itikuu, “Utipeyihchikeu, pechi chiskutamuunaan maa kaye niyaan taan che ishi ayimihaayaahch mwehch John kaa ihtuutawaat uchischinuhamuwaakan.”

Luke 11:39

Ekw Jesus kaa itaat, “Chiyawaau Phariseech, naashch yaakwaau e iteyihtamihiikuyekw chiwiyaakanawaau kaye chiminihkwaakanawaau chechii payehkahkwaau. Mikw maak ekun chihchiwe e iteyihtaakusiyekw naashch e machaatisiyekw kaye naashch e machituutamekw.

Luke 12:42

Utipeyihchikeu chii itweu, “Aapachihaakan kuiskw kaa ihtuutahk utaapatisuwin kaye kaa iipwaahkaat eukuu che wiyaapamikut uchimaam wiya chechii uchimaahkahtuwaat misiwe aniyuu kutak aapachihaakan kaye chechii naanaakachihtaawaat nihaau chechii ishi ashamaakanuyich iskutak utihchipayihche che ashamaakanuyich.

Luke 13:15

Utipeyihchikeu kaa nishkweushihaat aniyuu kaa niikaanishkamiyich aniyuu ayimiheukamikuyuu e itaat, “Chiya kaa ayimihehkaasuyin, aat e Jewa ayimiheuchiishikaach namui aa yaapach chinituu aapihkunaau chituuhkaan maak chimistusim chechii ituhtahiit anite che minihkwet.

Luke 17:5

Jesus uchischinuhamuwaakanh chii itikuu, “Utipeyihchikeu, ihtuut maa nitaapwehtamuwinaan etituu chechii suuhcheyihtaakuhch.”

Luke 17:6

Ekw Utipeyihchikeu kaa itaat, “Aat naashch apishaashiche chitaapwehtamuwinawaau taapishkuuch maauch kaa aapishiishit shuumin kaa ispichishtit ishpishaache, mistikw chika chii itaau, ‘Wiihkuhuuh anit kaa nihtaauchiyin ekw anite che ishi wepinisuyin chihchikamiihch,’ chika pishichihiikw.”

Luke 18:6

Ekw Utipeyihchikeu uyeyuu miin kaa itwet, “Kanawaapahtamukw maa. Chek chii wiichiheu an machiwiyaaskunichesuu aniyuu kaa peyakuyich iskweu, wesh namui uhchi puunihiikuu e nitutamaakut chechii wiichihaat.

Luke 19:8

Zacchaeus maak chii pisikuu ekw kaa itaat Utipeyihchikeu, “Nituhtuu maa Utipeyihchikeu. Aapihtuu e ishpish ayaayaan nika miyaauch anichii kaa chistimaatisiitwaau. Kaa chimutamuwaauche awen uste newaau nika taapimiyaau.”

Luke 22:61

Ekw maak mekwaach e ayimit chii uhchi chistuyuu naapepakahaahkwaan. Utipeyihchikeuh maak chii kweschikaapuuyuuh kuiskw kaa kanawaapamikut Peter. Ekw maak Peter kaa uhchi chischisit taan kaa itikut Utipeyihchikeu, “Eshkw ekaa chistute naapeu pakahaahkwaan anuhchiish kaa chiishikaach nishtwaau chika itwen ekaa chischeyimiin.”

Luke 24:3

Kaa piihchetwaau anite namui maak uhchi miskamuweuch Utipeyihchikeu Jesus wiiyuuyuu.

Luke 24:34

Ekw kaa itikutwaau, “Taapwe wesin chii wanishkaau Utipeyihchikeu, wesh chii nuukushiishtaakuu Simon.”

Luke 7:12

Iskutak kaa utihtahkwaau anite e uhchi piihtukaanuyich aniyuu ihtaawiniyuu chii nachishkaweuch iinuuh e uhchi pimuhtahaayich e chii puunipimaatisiyich naapeu, che nituu chiskashtaatwaau. Ukaawii maak aniyaa naapeu chii peyakuyuu. Eukw maak aniyuu mikw kaa peyakushiikupanen ukusisa an iskweu. Chii mihchetiyuu maak aweyuu e chii wiicheukut e nituu chiskahaakanuyich aniyaa ukusisa.

Luke 7:14

Chii naatam aniyuu tehtinikaniyuu kaa taahtinahk ekw maak anichii kaa tahkunihkwaau aniyuu chii chipihchikaapuuch. Ekw Jesus kaa itwet, “Wanishkaa uschiniichuu.”

Luke 7:19

Kaa itishahwaat uyuu chechii ishi kakwechimaayich Utipeyihchikeu, “Eukw aa chiya Christ an chipaa takushinikupane maak eshkw che ashuwaapamaauchihtipane kutak chechii takushihk.”

Luke 8:52

Misiwe awenichii anit kaa ihtaatwaau chii maatuuch e mihtaahtaatwaau aniyuu ishkwesha. Ekw Jesus kaa itikutwaau, “Ekaamaa maatukw. Taapaa wesin nipuu, mikw nipaau.”

John 11:2

Eukuu Mary kaa kutapinamuwaat wiihchimaakuhuuniyuu Utipeyihchikeu usitiihch kaye ustikwaaniyaapiih kaa aapachihtaat e kaasiihamuwaat usitiyuuh. Eukuu iskweu wiichishaanh Lazarus kaa aahkusiyich.

John 11:3

Lazarus maak wiichishaaniskwem chii nituweyihtamiyuuh chechii nituu wiihtamwaakanuyich Jesus e aahkusiyich aniyuu uwiichewaakan kaa saachihaat.

John 20:13

Ekw kaa itikut aniyuu enchil, “Iskweu, Chekwaan wehchi maatuuyin.” Ekw Mary kaa itaat, “Chii utineuch Nitipeyihchikem namui maak nichischeyimaauch taanite kaa chiskahaatwaau.”

John 20:15

Chii itikuu maak, “Iskweu, chekwaan wehchi maatuuyin. Awen kaa nanituwaapamat.” Kaa kanawaapamaat Mary aniyuu nihtaauchihchikanh kaa naanaakachihtaayich e iteyimaat, ekw kaa itaat, “Pechi wiihtamuu maa taanite kaa ahiit ekw maak che nituwaapamak.”

John 4:1

Phariseech chii pehtamuch etituu e mihchetiyich aweyuu e nuushuushkuwaayich Jesus eyuu maak etituu wiya e mihchetiyich aweyuu e siikahaahtuwaat e ishpish John.

John 6:23

Kutak maak utih chii pechi naatakaamepayuuh anite Tiberias e uhchipayihkwaauh.

1 Corinthians 7:30

Anichii kaa misimeyihtahkwaau ekaawii chika uhchi utamihiikuuch aniyuu e misimeyihtahkwaau e wii atushkuwaatwaau Utipeyihchikeuh. Anichii kaa muuchicheyihtahkwaau ekaawii chika uhchi utamihiikuuch aniyuu e muuchicheyihtahkwaau. Ekw anichii kaa utinaasutwaau ekaa wesaa chihchiwe chika uhchi iteyihtamihiikuuch aniyuuh chekwaayuu kaa utinahkwaau. E misimeyihtahk awen maak e muuchicheyihtahk maak e weyuuchihtaat chekwaayuuh namui chipaa uhchi chipishkaakuu uyuuh e wii atushkuwaat Chishemanituuh.

1 Thessalonians 4:13

Niichishaanitikw chinituweyimitinaan chechii chischeyihtamekw taan e ispayit awen e puunipimaatisiit e chii maak taapwehtahk miywaachimuwiniyuu. Ekw maak namui chika uhchi ishi misimeyihtenaawaau e ishi misimeyihtahkwaau anichii ekaa kaa ayaatwaau aspeyimuwiniyuu.

Hebrews 2:17

Eukw aniyuu wehchi tekash iiniihch chii ishihaakanuut. Chii nituweyihtaakusuu wiichishaan chechii nispituwaat anit chechii uhchi chisheayimiheuchimaaut Chishemanituu e atushkuwaat, ekw maak chechii wepeyihtamuwaakanuyich aweyuuh umachihtwaawiniyuuh.

Hebrews 4:15

Wesh an chichisheayimiheuchimaaminuu chichistimaacheyimikunuu. Tekash chichischeyimikunuu ekaa mitun suuhchikaapuuhkw iskutak e kakwechihiikuuhkw chechii machituutamuhkw. Wesh kaye wiya chii kakwechihaakanuu chechii machituutahkw muyaam chiyaanuu e ihtuutaakuyihkw, mikw maak namui uhchi machituutam wiya.