Luke 7:12 - Chishemanituu Utayimuwin: Kaa Uskaach Testament

¹² Iskutak kaa utihtahkwaau anite e uhchi piihtukaanuyich aniyuu ihtaawiniyuu chii nachishkaweuch iinuuh e uhchi pimuhtahaayich e chii puunipimaatisiyich naapeu, che nituu chiskashtaatwaau. Ukaawii maak aniyaa naapeu chii peyakuyuu. Eukw maak aniyuu mikw kaa peyakushiikupanen ukusisa an iskweu. Chii mihchetiyuu maak aweyuu e chii wiicheukut e nituu chiskahaakanuyich aniyaa ukusisa.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐃᔅᑯᑕᒃ ᑳ ᐅᑎᐦᑕᐦᒀᐤ ᐊᓂᑌ ᐁ ᐅᐦᒋ ᐲᐦᑐᑳᓄᔨᒡ ᐊᓂᔫ ᐃᐦᑖᐎᓂᔫ ᒌ ᓇᒋᔥᑲᐌᐅᒡ ᐄᓅᐦ ᐁ ᐅᐦᒋ ᐱᒧᐦᑕᐦᐋᔨᒡ ᐁ ᒌ ᐴᓂᐱᒫᑎᓯᔨᒡ ᓈᐯᐤ, ᒉ ᓂᑑ ᒋᔅᑲᔥᑖᑣᐤ᙮ ᐅᑳᐐ ᒫᒃ ᐊᓂᔮ ᓈᐯᐤ ᒌ ᐯᔭᑯᔫ᙮ ᐁᐅᒄ ᒫᒃ ᐊᓂᔫ ᒥᒄ ᑳ ᐯᔭᑯᔒᑯᐸᓀᓐ ᐅᑯᓯᓴ ᐊᓐ ᐃᔅᑴᐤ᙮ ᒌ ᒥᐦᒉᑎᔫ ᒫᒃ ᐊᐌᔫ ᐁ ᒌ ᐐᒉᐅᑯᑦ ᐁ ᓂᑑ ᒋᔅᑲᔥᑖᑲᓄᔨᒡ ᐊᓂᔮ ᐅᑯᓯᓴ᙮

Luke 7:12 Iomraidhean Croise

Luke 7:11

Paatimaa maak Jesus chii ituhteu ihtaawinihch Nain e ishinihkaateyich. Mihchetu aweyuuh kaye uchischinuhamuwaakanh chii wiicheukuu.

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

Luke 8:42

wesh aniyuu kaa peyakushiyich utaanisa kaa niishushaapuneshiyich, chekaat chii puunipimaatisiyuu. Mekwaach maak aniyuu e ati pimuhtet Jesus mihchetu aweyuu chii siihchiskaakuu.

Luke 8:52

Misiwe awenichii anit kaa ihtaatwaau chii maatuuch e mihtaahtaatwaau aniyuu ishkwesha. Ekw Jesus kaa itikutwaau, “Ekaamaa maatukw. Taapaa wesin nipuu, mikw nipaau.”

John 11:19

Mihchetu maak Jewa iinuuch chii pechi nituwaapameuch Martha ekw maak Mary e pechi nituu kaachiichihaatwaau aniyuu wiichishaaniyuu e chii puunipimaatisiyich.

ᐊᐸᔅᑕᓚᒡ 9:39

Peter kaa pisikuut, kaa wiichewaat aniyuu naapeuh. Iskutak maak tekushihkwaau nete, chii ituhtahaakanuu anite ishpimiihtakuhch anite e ihtakuniyich aniyuu miiyuuyuu. Chii ihtaauch anit iskweuch e peyakutwaau, chii maausikukaapuushtaweuch Peter e maatutwaau kaye e waapahtiyaatwaau pachuuyaanh kaye akuhpa e chii ushtamaakuwaakupanenich aniyaanaa iskweu Tabitha.

ᐊᐸᔅᑕᓚᒡ 9:41

Peter maak chii shuwanischeyishtuweu kaa wiichihaat e wanishkaanisuyich. Ekw kaa wiishaamaat aniyuu kaa peyakuyich iskweuh kaye misiwe aniyuu kaa taapwehtamiitwaauh aweeyuuh, kaa waapahtiyaat miin e pimaatisiyich aniyuu Tabitha.

James 1:27

An ayimihewin kaa iteyihtahk Chishemanituu kaa Uhtaawiimaaut e kuiskunaakuniyich kaye e payehchinaakuniyich maau e ishinaakuhch, ihtuutaakuu awen chechii miyu wiichihaat chiiyuusaanisha ekw maak kaa peyakuyitwaauh iskweuh mekwaach e aayimuhuyich kaye maak ihtuutaakuu awen ekaa mitun chechii wiinihiikuyich machaatisiiwiniyuu taan e ishi ihtakuniyich utah aschiihch.