Luke 6:8 - Chishemanituu Utayimuwin: Kaa Uskaach Testament

⁸ Jesus maak chii chischeyimeu taan e ishi maamituneyihtamiyich. Chii iteu maak aniyuu naapeu utihchiyuu kaa maaskaniyich, “Pisikuuh, ute tetaauch pechi niipuu.” Chii pisikuu an naapeu, kaa ituhtet anite.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᒌᓴᔅ ᒫᒃ ᒌ ᒋᔅᒉᔨᒣᐤ ᑖᓐ ᐁ ᐃᔑ ᒫᒥᑐᓀᔨᐦᑕᒥᔨᒡ᙮ ᒌ ᐃᑌᐤ ᒫᒃ ᐊᓂᔫ ᓈᐯᐤ ᐅᑎᐦᒋᔫ ᑳ ᒫᔅᑲᓂᔨᒡ, ᐱᓯᑰᐦ, ᐅᑌ ᑌᑖᐅᒡ ᐯᒋ ᓃᐴ᙮ ᒌ ᐱᓯᑰ ᐊᓐ ᓈᐯᐤ, ᑳ ᐃᑐᐦᑌᑦ ᐊᓂᑌ᙮

Luke 6:8 Iomraidhean Croise

Matthew 9:4

Jesus maak chii chischeyimeu taan e ishi ayimihiituyich ekw kaa itaat, “Taapwe nitamukw kaa ishi maamituneyihtamekw.

Mark 3:3

Jesus chii iteu aniyuu naapeu kaa maaskaniyich utihchiyuu, “ashtam ute niikaanaanihch.”

Luke 13:12

Iskutak Jesus wiyaapamaat aniyuu iskweu chii wiishaameu ekw kaa itaat, “Iskweu, shaash mitun chimiinuwaachihiikuun taan kaa itaaspineyin.”

Luke 5:22

Iskutak Jesus chescheyimaat e ishi ayimihiituyich chii iteu, “Chekwaan wehchi maamituneyihtamihiikuyekw an kaa itweyaan.

Luke 6:9

Ekw Jesus kaa itaat aniyuu kaa wii mamishimikut, “Chika kakwechimitinaawaau, taan e ishi pukuseyimikuyihkw wiishuwewin chechii ihtuutamuwaauhkupane e Jewa ayimiheuchiishikaach. Taan maauch meywaashich chechii ihtuutaman chekwaan. E miyutuutaman maak e machituutaman, e pimaachihtaayin maak e wanaachihtaayin.”

John 2:25

Namui kaye uhchi nituweyihtam chechii wiihtamaakut aweyuu taan e iteyihtaakusiyich aweyuu wesh chii chischeyimeu taan nihaau e iteyihtaakusiyich.

John 21:17

Nishtwaau maak miin Jesus chii iteu, “Simon, John kaa ukusiitutaask, chisaachihiin aa.” Ekw Peter naashch kaa macheyihtahk wesh ekw nishtwaau kaa kakwechimikut Jesus e itikut, “Chisaachihiin aa.” Ekw kaa itaat, “Utipeyihchikeu, misiwe chekwaan chichischeyihten, chichischeyihten e saachihiitaan.” Jesus maak chii itikuu, “Nanaakachihiich nimaanishchaanishimach.

John 9:4

Chipaa atushkuwaanuu an kaa pechi itishahuut mekwaach e chiishikaach wesh shaash wiipach kata tipiskaau. Taapaa aapatisinaanuu e tipiskaach.

ᐊᐸᔅᑕᓚᒡ 20:24

Namui maak mitun wiyesh nititeyihtamihiikun nipimaatisiiwin tepiyaahch iskutak chiishipayihche nipimaatisiiwin utah aschiihch chii chiishitaayaane taan kaa itashumit Utipeyihchikeu Jesus che itaapatisuuch, eukw uyuu chechii waawiihtamuch miywaachimuwiniyuu. Utah maak miywaachimuwinihch ekut e aayimuuteyich Chishemanituu ushaweyihchichewin.”

ᐊᐸᔅᑕᓚᒡ 26:26

Chisheuchimaau Agrippa, chika chii aayimuutamaatin uyuu chekwaayuu ekaa kushtaachiyaan wesh chichischeyihten shaash taan kaa ispayit Jesus. Namui chiimuut uhchi ispayuuh uyuuh chekwaayuuh, misiwe awen chischeyihtam taan kaa ispayit Jesus.

Philippians 1:28

Ekaawii chika uhchi kushtaawaauch anichii wiyesh kaa wii ihtuutaataakuch miywaachimuwiniyuu e waawiihtamuwekw. Wesh ekut che uhchi chischeyihtahkwaau wiyawaau che wanaatisiitwaau kaye ekut che uhchi waapahtahkwaau chiyawaau che pimaachihiikuwekw. Chishemanituu maak wii misiwe kata ihtuutam uyuu chechii ispayiyich.

Hebrews 4:13

Misiwe chekwaayuu mushe waapahtam Chishemanituu. Misiwe aweyuuh tekash waapameu kaye misiwe chekwaayuu tekash waapahtam. Wiya maak chika wiihtamuwaanuu chekwaan wehchii ishi pimaatisiihkw taan kaa ishi pimaatisiihkw.

1 Peter 4:1

Christ maak e chii waawiisacheyihtahk wiyaasuwinihch mekwaach utah aschiihch kaa pimaatisiit kaye chiyawaau ekun chipaa ishi maamituneyihtamihiikunaawaau chechii ishi ayeskuwiishtamekw, wesh an awen kaa waawiisacheyihtamihaakanuut wiyaasuwinihch puunihtaau machaatisiiwiniyuu.

Revelation 2:23

Nika nipahaayuuh aniyuu kaa nuushuushkaakut. Ekw maak misiwe anichii umaamuuayimihaauch che chischeyimitwaau niya e aawiyaan an kaa chischeyimaat aweyuuh taan nihaau e iteyihtamiyich kaye taan nihaau e ishi teheyich. Misiwe e tashiyekw chika waweshihiitinaawaau taan mikw kaa ishi machituutamuwekwe.