Luke 6:6 - Chishemanituu Utayimuwin: Kaa Uskaach Testament

⁶ Peyakwaau mekwaach e Jewa ayimiheuchiishikaayich, Jesus chii piihcheu ayimiheukamikuhch chechii chischinuhamaachet. Chii ihtaau maak anit naapeu unihiiwinitihchii e maaskaniyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐯᔭᒀᐤ ᒣᒀᒡ ᐁ ᒎᐗ ᐊᔨᒥᐦᐁᐅᒌᔑᑳᔨᒡ, ᒌᓴᔅ ᒌ ᐲᐦᒉᐤ ᐊᔨᒥᐦᐁᐅᑲᒥᑯᐦᒡ ᒉᒌ ᒋᔅᒋᓄᐦᐊᒫᒉᑦ᙮ ᒌ ᐃᐦᑖᐤ ᒫᒃ ᐊᓂᑦ ᓈᐯᐤ ᐅᓂᐦᐄᐎᓂᑎᐦᒌ ᐁ ᒫᔅᑲᓂᔨᒡ᙮

Luke 6:6 Iomraidhean Croise

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Luke 13:10

Peyakwaau e Jewa ayimiheuchiishikaayich, Jesus chii chiskutamaacheu anite ayimiheukamikuhch.

Luke 14:3

Jesus chii kakwechimeu aniyuu Pharisee kaye aniyuu kaa chiskutamaacheyitwaauh ayimihewin wiishuwewiniyuu, “Itashteu aa ayimiheuwiishuweusinahiikanihch e kuiskunaakuhch chechii miinuwaachihiiwaanuuhch e Jewa ayimiheuchiishikaach maak ekaa kuiskunaakuhch.”

Luke 4:16

Ekw Jesus kaa utihtahk aniyuu ihtaawiniyuu Nazareth kaa ishinihkaateyich anit kaa nihtaauchinaakanuut. Aniyuu maak Jewa ayimiheukamikuyuu kaa chii ituhtet maan e Jewa ayimiheuchiishikaayich, ekute kaa piihchet. Chii pisikuu chechii ayimihtaat masinahiikaniyuu.

Luke 4:31

Ekw Jesus kaa ituhtet anite Capernaum kaa ishinihkaateyich ihtaawiniyuu anite Galilee aschiihch kaa ihtakuniyich, kaa chiskutamuwaat aweyuu mekwaach e Jewa ayimiheuchiishikaayich.

Luke 6:1

Peyakwaau maak e Jewa ayimiheuchiishikaach, Jesus chii wiicheweu uchischinuhamuwaakan, e pimuhtetwaau anite kaa chii nihtaauchiniyikwaau pahkweshikaniminaahtikw. Ekw anichii chischinuhamuwaakanich chii chimipitamuch aniyuu pahkweshikaniminaahtikw, e pichischinihkwaau utihchiiwaauhch e miichitwaau.

Luke 6:5

Chii itweu kaye Jesus, “Iinuu Ukusisa maak mechim e ayimiheuchiishikaayich tipeyihtam.”

John 5:3

Mihchetu awenich kaa aahkusitwaau ekute anite pwaahchihch kaa pimishihkwaau, anichii ekaa kaa waapahtahkwaau, anichii ekaa chii pimuhtetwaau kaye anichii ekaa kaa nisitusitwaau wiiyuwaahch, e ashuwaapahtahkwaau aniyuu nipiiyuu che ishpish aahtaakamipayiniyich.

John 9:16

Pasch maak anichii Phariseech chii iteuch, “Uu naapeu Jesus namui Chishemanituu e ihtaayich uhchiyuu, taapaa aapateyihtam e Jewa ayimiheuchiishikaayich.” Kutakach maak chii iteuch, “Taanite chechii uhchi maamishkaach ihtit awen e machituutamukwe. Chii pahkaanipayuuch maak uyuu uhchi.”