Luke 6:45 - Chishemanituu Utayimuwin: Kaa Uskaach Testament

⁴⁵ Wesh awen kaa kuiskutaatisiit, taan e ishi miyu ayaat utehiihch kata chischeyihtaakuniyuu upimaatisiiwinihch, ekw maak awen e machaatisiit, taan e ishi maayaach ayaat utehiihch kata chischeyihtaakuniyuu upimaatisiiwinihch. Wesh e ishi ayimit awen ekut wehchi chischeyihtaakusit taan e ishi tehet.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁵ ᐌᔥ ᐊᐌᓐ ᑳ ᑯᐃᔅᑯᑖᑎᓰᑦ, ᑖᓐ ᐁ ᐃᔑ ᒥᔪ ᐊᔮᑦ ᐅᑌᐦᐄᐦᒡ ᑲᑕ ᒋᔅᒉᔨᐦᑖᑯᓂᔫ ᐅᐱᒫᑎᓰᐎᓂᐦᒡ, ᐁᒄ ᒫᒃ ᐊᐌᓐ ᐁ ᒪᒑᑎᓰᑦ, ᑖᓐ ᐁ ᐃᔑ ᒫᔮᒡ ᐊᔮᑦ ᐅᑌᐦᐄᐦᒡ ᑲᑕ ᒋᔅᒉᔨᐦᑖᑯᓂᔫ ᐅᐱᒫᑎᓰᐎᓂᐦᒡ᙮ ᐌᔥ ᐁ ᐃᔑ ᐊᔨᒥᑦ ᐊᐌᓐ ᐁᑯᑦ ᐌᐦᒋ ᒋᔅᒉᔨᐦᑖᑯᓯᑦ ᑖᓐ ᐁ ᐃᔑ ᑌᐦᐁᑦ᙮

Luke 6:45 Iomraidhean Croise

John 7:38

Wesh itashteu Chishemanituu utayimuwinihch, ‘An awen che pechi taapweyimikwe, utehiihch chika uhchichuuniyuu aniyuu nipiiyuu kaa pimaachihiiwemakaniyich.’ ”

ᐊᐸᔅᑕᓚᒡ 5:3

Ekw Peter kaa itaat, “Ananias, chekwaan wehchi pachishtinit machimanituu chechii piihchet chitehiihch, chechii ihtuutaask chechii nanatayimat Kaa payehchisiyich Ahchaahkw, chiimuut e kanuweyihtamaasuyin pasch an shuuliyaau taan kaa ishpish uchipitaman kaa ataaweyin an kaa ishi tipiyeusiyin.

Ephesians 3:8

Aat maak niya maauch nuuhtaash e iteyihtaakusiyaan e iteyihtaakusitwaau kaa taapwehtahkwaau, yaapach niya nichii shaweyimikw Chishemanituu e chii miit chechii waawiihtamuumach aniyuuh ekaa Jewa kaa itiskaanesiitwaauh taan e ishpish naaspich weyuutaniyich kaye e ishpish ekaa nihtaa puunipayiyich taan waa ishi shaweyimitahkw Chishemanituu Christ e ihtaayich uhchi.

Ephesians 4:29

Ekaawii nitamukw ayimuwin aapachihtaakw, teyakuch ishi ayimukw aniyuu che miyu wiichihiikutwaau anichii kaa pehtaataakuch awenichii mikw taan e ispayiwaakwenich upimaatisiiwinawaahch.

Ephesians 5:19

Waawiichihiitukw e nikamuyekw nanaahkuu ayimiheu nikamuwinh, kaye aniyuuh David unikamuwinh kaye e uskaakwaau ahchaahkw nikamuwin nikamukw. Maamihchimaahkw Utipeyihchikeu kwaast chechii ishpish maamihchimekw chitehiiwaahch uhchi.

Colossians 3:16

Muush maamituneyihtamihiikuwaahkw misiwe kaa ishi aayimuutamaataakw Christ, chitehiiwaahch e kanuweyihtamuwekw. Suuhk wii kachehtaaweyihtamukw e chiskutamaatuyekw kaye e kacheschimituyekw. Chitehiiwaahch uhchi nikamuushtuwaahkw Chishemanituu. Nanaaskumaahkw e nikamuushtuwekw ayimiheu nikamuwinh, David unikamuwinh ekw maak taan e ishi miitaakw kaa payehchisiit ahchaahkw nikamuwinh.

Colossians 4:6

Muush chipaa miyuuhtaakusinaawaau kaye chipaa iipwaahkaahtaakusinaawaau e ayimiyekw ekw maak che chischeyihtamekw taan che ishi nishkweushihekw awen e wii naanituu kachesteyihtahkw taan e ishi taapwehtamuwekw.

Hebrews 8:10

Mikw maak maauyuu kaa uskaayich niskumuwiniyuu che miikwaau Israel iinuuch iskutak utihchipayikwaawen aniyuuh e chiishikaakwaauh. Nika ihtuutawaauch chechii maamituneyihtamihiikutwaau niwiishuwewinh kaye naashch chechii muushihutwaau e wii nanihiihtahkwaau. Niya nika Uchishemanituumitutaakuch kaye wiyawaau nika utiiniimin.

Jude 1:15

misiwe aweyuuh chechii wiyaaskunaat. Chika takushin chechii nishuuwanaachimaat misiwe umachihtwaauh ekaa kaa Chishemanituuwaatisiyich aniyuuh uhchi e chii ihtuutamiyich misiwe taan e ishi maayaataniyich. Chika wiyaaskuneu kaye uyuuh naapeuh misiwe taan kaa ishi machi aayimuumaayich Chishemanituuh.”