Luke 6:44 - Chishemanituu Utayimuwin: Kaa Uskaach Testament

⁴⁴ Aniyuu taan e ishi nihtaauchihtaat mistikw miinishah ekut wehchi nisituunawaakanuut chekw mistikw an. Mwehch iiniminaanh namui nihtaauchin e kaashutewaakwaau mashkushiihch maak ayuuskanich namui nihtaauchuuch utuuspiyaahtikuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁴ ᐊᓂᔫ ᑖᓐ ᐁ ᐃᔑ ᓂᐦᑖᐅᒋᐦᑖᑦ ᒥᔅᑎᒄ ᒦᓂᔕᐦ ᐁᑯᑦ ᐌᐦᒋ ᓂᓯᑑᓇᐙᑲᓅᑦ ᒉᒄ ᒥᔅᑎᒄ ᐊᓐ᙮ ᒬᐦᒡ ᐄᓂᒥᓈᓐᐦ ᓇᒧᐃ ᓂᐦᑖᐅᒋᓐ ᐁ ᑳᔓᑌᐙᒀᐤ ᒪᔥᑯᔒᐦᒡ ᒫᒃ ᐊᔫᔅᑲᓂᒡ ᓇᒧᐃ ᓂᐦᑖᐅᒎᒡ ᐅᑑᔅᐱᔮᐦᑎᑯᐦᒡ᙮

Luke 6:44 Iomraidhean Croise

Matthew 12:33

“Aniyuu taan e ishi nihtaauchihtaat miinishah mistikw ekut wehchi nisituunawaakanuut chekw mistikw an. Ekaa maak miyu nihtaauchit mistikw namui miywaauh aniyuuh miinisha.

Matthew 7:16

“Aniyuu e itaatisiitwaau ekut che uhchi chischeyimekuch. Mwehch miinishah namui chii nihtaauchinh utuuspiyaahtikuhch maak iinaahtikw namui chii nihtaauchihtaau miinishah.

Matthew 7:20

Eukw maak wehchi ititakuch ekute che uhchi chischeyimekuch anichii kaa wiyeshihiiwetwaau aniyuu e itaatisiitwaau muyaam e ishinaakusitwaau anichii mistikuhch kaa aayimuutamaatakuch, mikw taan e ishinaakusit an mistikw ekun che ishi nihtaauchiniyikwaauh miinishah.”

James 3:12

Niichishaanitikw, namui wiisachiminaanh nihtaauchihtaau waapaminaahtikw kaye maak anite miinishaahtikuhch namui waapaminich chika uhchi nihtaauchuuch. Kaye anite e muuschichuuhch namui chika chii uhchipayuu e miywaakamihch nipii ekw maak siiuhtaakanaapuuh.

Jude 1:12

Mikw wanaahtaasuuch anit e makushewekw e nuukuhtaayekw e saachihekw Chishemanituu. Namui mitun pimaameyimuuch e mista chiishpuhiisutwaau e wiichimiichisuumitaakuch, mikw wiyawaau e nanaakatuweyimisutwaau. Mwehch kaskawanishkuch e pimaashitwaau ekaa maak mechim nipiyuutwaau ekun e iteyihtaakusitwaau. Mwehch mistikuch ekaa mitun miinishuutwaau aat e takwaatiniyich, mistikuch chichi utapii e chii manishipikuhchipitaakanuutwaau, tekash e nipitwaau, ekun e ishinaakusitwaau.