Luke 6:41 - Chishemanituu Utayimuwin: Kaa Uskaach Testament

⁴¹ Chekwaan wehchi naashch naanaakatuweyihtamut chiichishaan e apishaashiyich upishinuun ekaa maak naanaakatuweyihtamihiikuyin chii e pishiniyin e mihchaaskuhch mistikw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴¹ ᒉᒀᓐ ᐌᐦᒋ ᓈᔥᒡ ᓈᓈᑲᑐᐌᔨᐦᑕᒧᑦ ᒌᒋᔖᓐ ᐁ ᐊᐱᔖᔑᔨᒡ ᐅᐱᔑᓅᓐ ᐁᑳ ᒫᒃ ᓈᓈᑲᑐᐌᔨᐦᑕᒥᐦᐄᑯᔨᓐ ᒌ ᐁ ᐱᔑᓂᔨᓐ ᐁ ᒥᐦᒑᔅᑯᐦᒡ ᒥᔅᑎᒄ᙮

Luke 6:41 Iomraidhean Croise

Matthew 7:1

“Ekaawii wiyaaskunichekw, ekw maak namui chika uhchi wiyaaskunikunaawaau.

Mark 8:7

Chii ayaaweuch eyuu namesa e ayaapishiishiyich, namui uhchi mihchetiyuuh. Jesus chii nanaaskumuu e ayaawaatwaau uyuuh namesa ekw kaa itashuwaataat uchischinuhamuwaakanh chechii maatinaweyich kaye uyuuh.

Luke 6:40

An kaa chischinuhamuwaakanuut awen namui wii uste iteyihtaakusuu e iteyihtaakusiyich aniyuu kaa chischinuhamaakut. Wesh iskutak chiishi chiskutamuwaakanuute ekun che iteyihtaakusit mwehch aniyuu kaa chischinuhamaakut.

Luke 6:42

Taanite chechii uhchi itat chiichishaan, ‘Nika wiihkuchihtaan chipishinuun, ekaa maak mechim chii waapahtaman an mistikw anite chiya chischiisikuhch kaa ihtakuhch.’ Chititeyimaauch awenichii chechii iteyimiskwaau e kuiskutaatisiyin ekaa maak kuiskutaatisiyin. Chiya kaa ayimihehkaasuyin, niishtam wiihkuchihtaah an mistikw chischiisikuhch kaa ihtakuhch, ekw maak chechii nihaapiyin. Ekw maak che wiihkuchihtaaut chiichishaan upishinuun.”

John 8:7

Mekwaach maak anit e niipuutwaau e aayihkamihaatwaau chechii nishkweushihiikutwaau taan kaa ishi kakwechimaatwaau, chii tashukaapuu Jesus ekw kaa itaat, “Taan an awen anit e tashiyekw ekaa wiiskaat uhchi machituutahk wiya niishtam chika pimushinaatahweu aniyuu iskweu.”

Romans 2:1

Eukw maak uu wehchi ekaa mitun ishinaakuhch chechii wiyaaskunit awen. Wesh chiishpin e wiyaskunitwaau awenichii, chiya maak e ihtuutamuwane aniyuu kaa ishi wiyaskunitwaau, chiya tipiiwe chinishuuwanaachimisun.

James 1:24

Iskutak kaa kanawaapamisut, chistuhteu ekw tiiwehch wenichischisit taan e ishinaakusit.