Luke 6:30 - Chishemanituu Utayimuwin: Kaa Uskaach Testament

³⁰ Mii tahtu awen taan e ishi nituweyihtamaask chekwaayuu. Ekw maak awen utinahke chekwaayuu e tipiyeusiyuut, ekaawii miin kaau nituweyihtamuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁰ ᒦ ᑕᐦᑐ ᐊᐌᓐ ᑖᓐ ᐁ ᐃᔑ ᓂᑐᐌᔨᐦᑕᒫᔅᒃ ᒉᒀᔫ᙮ ᐁᒄ ᒫᒃ ᐊᐌᓐ ᐅᑎᓇᐦᑫ ᒉᒀᔫ ᐁ ᑎᐱᔦᐅᓯᔫᑦ, ᐁᑳᐐ ᒦᓐ ᑳᐤ ᓂᑐᐌᔨᐦᑕᒨ᙮

Luke 6:30 Iomraidhean Croise

Matthew 18:35

Ekw Jesus miin kaa itwet, “Ekun maak mwehch che ihtuutaakuyekw Nuuhtaawii kihchikiishikuhch kaa ihtaat, ekaa wepeyihtamuwekwenich chiichishaanuwaauch chitehiiwaahch uhchi.”

Matthew 5:39

Mikw maak niya chititinaawaau, ekaawii taapishtaah awen e chii machituutaask. Awen utaamihkwehuuske chitaamihkanihch, mii ekush anite kweshtehche kaye chechii utaamihkwehuusk.

Matthew 6:12

Wepeyihtamuunaan nimachihtwaawinaanh muyaam taan kaa ishi wepeyihtamuwachihtwaau anichii kaa wanituutuuyimihtwaau.

Luke 11:41

Kweskaatisiikw, puuniikw an e ihtiyekw mikw chiyawaau e wii ayaayekw chekwaan. Miyaahkuch anichii kaa chistimaatisiitwaau taan e ishi nituweyihtahkwaau. Ekw maak che payehchinaakuhkwaau chipimaatisiiwinawaau.”

Luke 12:33

Ataawekw aniyuu chekwaayuu e ishi tipiyeusiyekw ekw che miyekuch kaa chistimaatisiitwaau aniyuu shuuliyaayuu. Wesh uu ishi ihtuutamekwe Chishemanituu chika tipahamaakuwaau nete kihchikiishikuhch. Wesh taan che ishi tipahamaataakw Chishemanituu namui nihtaa chika uhchi iskwaapayuu wesh namui nihtaa chika chii kachemutamaakunaawaau kaye manichuushach namui chika chii wanaachihtaauch.

Luke 18:22

Iskutak maak Jesus piyehtawaat uyuu e itweyich chii iteu, “Eshkw maak peyakw chekwaan miin nituweyihtaakun chechii ihtuutaman. Ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin.”

Luke 6:29

Maak awen utaamahuuske napate chitaamihkanihch, ekush mii chechii utaamahuusk kweshtaamihkan, maak awen utinahke chitakuhpiyuu ekush mii chechii ayaat kaye aniyuu chipachuyaaniyuu waa utinamukwe.

Luke 6:31

Ihtuutuuch awenichii taapishkuuch taan e ishi pukuseyimitwaau chechii ihtuutaaskwaau kaye chiya.

Luke 6:38

Miiwekw, ekw maak che chiiwemiikuyekw. Mistahii chika miikunaawaau. Taan e ishpish miiwet awen chekwaayuu eukun mwehch che ishpish miyaakanuut.”

ᐊᐸᔅᑕᓚᒡ 20:35

An maak misiwe kaa ati aihtiyaan kaye kaa ishpish chii mistaapatisiyaan muush chichii wii waapahtiitinaawaau taan chipaa wii ishi wiichihaanuuch anichii kaa chistimaatisiitwaau kaye chechii chischisiihkw taan kaa itwet chitipeyihchikeminuu, etituu an awen kaa miiwet chekwaayuu shaweyihtaakusuu ishpishaat an awen kaa miyaakanuut chekwaayuu.”

2 Corinthians 8:9

Chichischeyimaawaau taan kaa ishi miyutuutamaachet Chitipeyihchikeminuu Jesus Christ. Chii weyuutisiyuu yaapach maak chii ihtuutaasuu chechii chistimaatisiit chiyaanuu uhchi. Chii nakatam wiya misiwe uweyuutisiiwin.

Ephesians 4:28

Kaye maak an awen kaa kachemutit chipaa puuniyuu e kachemutit. Teyakuch chipaa aapatisuu kuiskw e ihtit e wii wiichihiisut kaye maak aapatisite ekute chechii uhchi wiichihaat kaa kachistimaatisiitwaauh aweyuuh.