Luke 6:27 - Chishemanituu Utayimuwin: Kaa Uskaach Testament

²⁷ “Uu maa chititinaawaau chiyawaau kaa nituhtamekw. Saachihaahkuch anichii kaa macheyimitaakuch, miyutuutawaahkuch anichii kaa uhkaatitaakuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᐆ ᒫ ᒋᑎᑎᓈᐙᐤ ᒋᔭᐙᐤ ᑳ ᓂᑐᐦᑕᒣᒄ᙮ ᓵᒋᐦᐋᐦᑯᒡ ᐊᓂᒌ ᑳ ᒪᒉᔨᒥᑖᑯᒡ, ᒥᔪᑑᑕᐙᐦᑯᒡ ᐊᓂᒌ ᑳ ᐅᐦᑳᑎᑖᑯᒡ᙮

Luke 6:27 Iomraidhean Croise

Mark 4:24

Jesus kaye chii itweu, “Nanaakataweyihtamukw suuhk chechii nituhtamekw. Mikw taan che ishpish miiwewekwe ekun che ishpish miikuyekw kaye chiyawaau. Etituu maak mistahii chika miikunaawaau.

Luke 23:34

Ekw Jesus kaa itwet, “Nuuhtaa, wepeyihtamuuch, wesh namui chischeyihtamuch taan e ihtitwaau.” Ekw anichii shimaakanishach kaa chaahkahuututwaau, ekut kaa uhchi wiyeyihtahkwaau aweyuu che ayaayich aniyuuh uchekwaanimiyuuh.

Luke 6:22

Chishaweyihtaakusinaawaau chiyawaau kaa uhkaateyimikuyekw, ekaa piskaatikuyekw, e maayeyimikuyekw kaye e machaayimuumikuyekw niya uhchi e nuushuushkuuyekw, Iinuu Ukusisa.

Luke 6:35

Maaute chipaa ihtin, chipaa saachihaauch anichii kaa macheyimiskwaau, kaye chipaa miyutuutawaauch, chipaa miyaauch kaye chekwaayuu e ishi nituweyihtamaaskwaau. Namui chipaa uhchi pukuseyihten miin chechii chiiwemiikuyin, che mishaach maak chitipahamaakusiiwin. Kaye maak uu ihtuutamane chika nuukun e utawaashiimitutaask Chishemanituu, maauch kaa ispeyihtaakusit. Wesh miyutuutaweu misiwe aweyuu aat aniyuu ekaa kaa nanaaskumuyich kaye aniyuu kaa machihtwaayich.

Luke 8:15

An maak shuumin kaa miyu nihtaauchit e miyuskamikaayich aschiihch mwehch eukw e ishinaakusitwaau anichii awenichii kaa nituhtahkwaau Chishemanituu utayimuwiniyuu. Nanihiihtamuch, kaye kanuweyihtamuch. Kanawaach taapwehtamuch e siipiiwesiitwaau ekw maak chek e miyu miinishuutwaau upimaatisiiwiniwaahch.”

Luke 8:18

Yaakwaamiih maak taan e ishi nituhtaman, wesh an awen yaakwaau kaa nituhtahk etituu chika nisituhtam. Ekw an awen ekaa yaakwaau kaa nituhtahk chika wanichischisuu yaapach taan aniyuuh kaa iteyihtahk e nisituhtahk.”

Luke 8:8

Pasch anite e miyuskamikaayich ekute kaa pahchihtiniyikwaau, uyuu maak naashch chii miyu nihtaauchiniyuuh, ekw maak mistahii miichim kaa nihtaauchiniyich anit shuuminihch uhchi, taan aniyuuh kaa wii ishpish nihtaauchihtaat. An awen kaa uhtaaukaaut e nahiihtahk maak, yaakwaau kata wii nituhtam.”

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 16:28

Paul maak chii tepwaateu e itaat, “Ekaawii wiyesh ihtuutaasuu misiwe wesin eshkw ekut utah e ihtaayaahch.”

ᐊᐸᔅᑕᓚᒡ 7:60

Stephen chii niipiskuupuu, e taachikwemaatuut e itwet, “Utipeyihchikeu, wepeyihtamuuch umachihtwaawinawaau.” Uyeyuu kaa ihtuutuutwaau ekaawii kata wii maahtakushkaakuuch. Eukw uyuu kaa itwet, ekw maak kaa nipit.

Galatians 6:10

Mikw maak che ishpish miikuwaauhkwe chechii miyutuutamuhkw ekun muush ishi kuchihtaataau chechii ishi miyutuutamuhkw, muush misiwe awen chechii waawiichihiihkw. Etituu maak anichii kaa taapweyimaatwaau Jesus chipaa wii miyutuutawaanuuch.

1 Thessalonians 5:15

Namui yaaitei chipaa uhchi taapishtuwaawaau awen e wanituutaataakw teyakuch muush chipaa miyutuutaatunaanuu kaye misiwe kutakach awenich.

3 John 1:11

Niwiichewaakan kaa saachihiitaan ekaawii chischinuwaapahtah machaatisiiwin, kuiskutaatisiiwin eukw chischinuwaapahtah. An awen kaa kuiskutaatisiit Chishemanituu tipiweusiitutaakuu, ekw an awen kaa machaatisiit namui uhchi waapameu Chishemanituu.