Luke 6:25 - Chishemanituu Utayimuwin: Kaa Uskaach Testament

²⁵ Yaakwaakw chiyawaau kaa tepimiichisuyekw anuhchiish, wesh chika nuuhtehkatenaawaau. Yaakwaah chiyawaau kaa paahpiyekw anuhchiish, wesh chika maatuunaawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᔮᒀᒄ ᒋᔭᐙᐤ ᑳ ᑌᐱᒦᒋᓱᔦᒄ ᐊᓄᐦᒌᔥ, ᐌᔥ ᒋᑲ ᓅᐦᑌᐦᑲᑌᓈᐙᐤ᙮ ᔮᒀᐦ ᒋᔭᐙᐤ ᑳ ᐹᐦᐱᔦᒄ ᐊᓄᐦᒌᔥ, ᐌᔥ ᒋᑲ ᒫᑑᓈᐙᐤ᙮

Luke 6:25 Iomraidhean Croise

Luke 12:20

Ekw Chishemanituu kaa itikut, ‘Taapwe chiwiyeshimitisun, anuhchiish uu che tipiskaach chipimaatisiiwin chika utinikanuu. Awen maak che ayaat misiwe aniyuu kaa chiskashtamaasuyin chekwaayuu.’ ”

Luke 13:28

“Naashch taapwe suuhk chika maatuunaawaau kaye chika mamateyaapitesinaawaau iskutak waapamekwenich Abraham, Isaac, Jacob, kaye misiwe aniyehkaa uchischiwehiichesuuch e ihtaatwaau wiyawaau anite uchisheuchimaawiniihch, chiyawaau maak wiiwiiwepinikuyekwe.

Luke 6:24

Yaakwaakw chiyawaau kaa miisitisiyekw anuhchiish, wesh mitun shaash chitayaanaawaau e wehteyihtaakuhch pimaatisiiwin.

Luke 6:26

Yaakwaau chiyawaau kaa miywaachimikuyekw, wesh anichii kaa miywaachimitaakuch, aniyehkaanaan maak uwaahkumaakanawaau, ekun mwehch kaa ishi miywaachimaayich machi uchischiwehiichesuuh.”

Luke 8:53

Ekw kaa ushinawaatwaau wesh chii chischeyimeuch taapwe e nipiyich aniyuu ishkwesha.

Ephesians 5:4

Namui kuiskunaakuniyuu Chishemanituu utiiniim chechii wawiinihtaakuniyich utayimuwiniyuu maak chechii chiishkwe ayimiyich maak nitamukw chechii ishi wawiitweyich. Teyakuch muush chipaa nanaaskumeuch Utipeyihchikeuh misiwe chekwaayuu.

1 Thessalonians 5:3

Mekwaach itwetwaawenich awenichii, “Misiwe chekwaan miyupayuu, namui ihtakun chechii sechisiihkw,” sischikuuch chika mista nanehkaateyimuuch. Mwehch e ishpish sischikuuch chihchi muushihut iskweu iskutak che waapamaausut ekun che ishpish sischikuuch mista nanehkaateyimutwaau awenichii. Namui maak chika ihtuuch ekaa che nanehkaateyimutwaau.

James 4:9

Mihchiiwesikw, macheyihtamukw kaye maatukw. Maatukw ishpish wii chechii paahpiyekw. Mishimeyihtamukw ishpish wii chechii miyeyihtamekw.

Revelation 3:17

Chititwenaawaau niweyuuchisiinaan, naashch taapwe nimiyupayinaan kaye shaash misiwe chekwaan nitayaanaan taan e ishi nituweyihtamaahch. Namui aa chichischeyihtenaawaau taan e ishi ekaa chihkaawaateyimuyekw ekaa miyeyimuyekw kaye taan e ishpish pimaameyihtaakusiyekw. Namui chichischeyihtenaawaau taan e ishpish chistimaatisiyekw, e musheshkateyekw, kaye ekaa waapahtemekw.