Luke 6:21 - Chishemanituu Utayimuwin: Kaa Uskaach Testament

²¹ Chishaweyihtaakusinaawaau chiyawaau kaa nuuhtehkateyekw anuhchiish, wesh chika chiishpuhiikunaawaau. Chishaweyihtaakusinaawaau chiyawaau kaa maatuuyekw anuhchiish, wesh chika paahpinaawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᒋᔕᐌᔨᐦᑖᑯᓯᓈᐙᐤ ᒋᔭᐙᐤ ᑳ ᓅᐦᑌᐦᑲᑌᔦᒄ ᐊᓄᐦᒌᔥ, ᐌᔥ ᒋᑲ ᒌᔥᐳᐦᐄᑯᓈᐙᐤ᙮ ᒋᔕᐌᔨᐦᑖᑯᓯᓈᐙᐤ ᒋᔭᐙᐤ ᑳ ᒫᑑᔦᒄ ᐊᓄᐦᒌᔥ, ᐌᔥ ᒋᑲ ᐹᐦᐱᓈᐙᐤ᙮

Luke 6:21 Iomraidhean Croise

Matthew 5:4

Shaweyihtaakusuuch anichii kaa nanehkaateumutwaau wesh Chishemanituu chika kaachiichihiikuuch.

Matthew 5:6

Shaweyihtaakusuuch anichii kaa siiweyitutahkwaau kaye kaa nuuhteyaapaakwetutahkwaa kuiskutaatisiiwiniyuu, wesh Chishemanituu tekash chika chiishpuhiikuuch.

Luke 1:53

Chii weyuuch miyeu taan e ishi nituweyihtamiyich aniyuu kaa chistimaatisiyich ekw aniyuuh kaa miisitisiyich chii iichetishahweu ekaa chekwaayuu ayaayich.

Luke 6:20

Jesus chii kanawaapameu aniyuu kaa nuushunehukut, ekw kaa itaat, “Chishaweyihtaakusinaawaau chiyawaau kaa chistimaatisiyekw anuhchiish, wesh anite Chishemanituu uchisheuchimaawinihch chimasinaasunaawaau.

Luke 6:22

Chishaweyihtaakusinaawaau chiyawaau kaa uhkaateyimikuyekw, ekaa piskaatikuyekw, e maayeyimikuyekw kaye e machaayimuumikuyekw niya uhchi e nuushuushkuuyekw, Iinuu Ukusisa.

Luke 6:25

Yaakwaakw chiyawaau kaa tepimiichisuyekw anuhchiish, wesh chika nuuhtehkatenaawaau. Yaakwaah chiyawaau kaa paahpiyekw anuhchiish, wesh chika maatuunaawaau.

John 11:35

Chii maatuu Jesus.

John 4:10

Chii iteu maak Jesus aniyuuh iskweu, “Chischeyihtamuuhpane chekwaayuu e wii miiwet Chishemanituu kaye chischeyimiyin awen e aawiyaan, chiya chipaa kakwechimin chechii minihiitaan. An maak kaa pimaachihiiwemakahch nipii eukun an chipaa minihiitin.”

John 6:35

Jesus maak chii iteu, “Niya eukw an aaihkunaau anit chechii uhchi pimaatisiit awen. Awen maak che pechi naasikwe kaye che pechi taapweyimikwe, namui wiiskach miin chika uhchi siiweyuu kaye namui wiiskaat miin chika uhchi nuuhteyaapaakweu.

1 Corinthians 4:11

Waawaach kaye mekwaach anuhchiish niyaanikutehch nisiiweyinaan. Niyaanikutehch nipaakutaahtenaan. Niyaanikutehch namui mitun chii ishinaakun nichekwaaniminaanh. Naashch niwii ihtuutaakunaan kaye maanh. Kaye namui ihtakun taanite chechii wiichiyaahch.

2 Corinthians 11:27

Naashch taapwe nichii mista aapatisin. Mihchetwaau nichii mista ayeskusiin, mihchetwaau kaye namui mechim nuuhchi nipaan. Mihchetwaau nichii nuuhtepayin miichim ekw maak kaa ati siiweyaan, kaye maak nichii nuuhteyaapaakwen. Niyaanikutehch namui mechim uhchi ihtakun taanit che ihtaayaan kaye niyaanikutehch nichii siihkachin.

2 Corinthians 12:10

Ekun kaye wehchi yaapach sichiyesiyaan taan e ishpish ekaa saapisiyaan utah niyuuch e nuushuushkuukw Christ, kaye taan e ishi maayeyimikuyaan, taan e ishpish aayimuhuyaan maanh, taan e ishpish nanehkaachihiikuyaan, kaye taan e ishi nanehkaateyimuyaan. Yaapach nisichiyesin uu e ishi aayimuhuyaan wesh ekut wehchi chischeyihtamuch Christ usuuhkaatisiiwin. Anit ekaa saapisiyaan ekut e suuhcheyihtaakusiyaan.

2 Corinthians 6:10

Ihtakun e ishi misimeyihtamaahch. Yaapach maak nimiywaatenaan. Namui niweyuutisiinaan. Yaapach maak nitihtutawaanaanich awenichii chechii ayaatwaau chihchiwe weyuutisiiwiniyuu. Aat ekaa chekwaan tipiyeusiyaahch, yaapach misiwe chekwaan e tipiyeusiyaahch nitishinaakusinaan.

James 1:12

Shaweyihtaakusuu an awen ekaa kaa shaakuuchihiikut taan e ishi kakwechihaakanuut. Wesh shaapushkahke taan e ishi kakwechihaakanuut chika miikuu Chishemanituuh e weyuuch miyeyihtaakuniyich pimaatisiiwiniyuu, aniyuu kaa itweyich cheshtinaash che miyaayich aniyuu kaa saachihiikut.

Revelation 21:3

Ekw kaa pehtawak awen anite chisheuchimaau tehtapuwiniyuu e ihtakuniyich e uhchi ayimit. Chii chisheweu. Mwaau kaa itwet, “Iin aweyuuh e ihtaayihch ekut che ihtaat ekw Chishemanituu. Kata wiichimeu. Eukunh aniyuuh iinuuh che utiiniimit. Wiya kata ihtaau mekwesiinuu e ihtaayich aniyuuh wechishemanituumitutaakut.

Revelation 7:16

Namui maak miin wiiskaat kata uhchi siiweyuuch. Namui miin wiiskaat kata uhchi nuuhteyaapaakweuch. Namui kata uhchi ishkwaasukuuch piisim maak chekwaayuu e mista chishiteyich.