Luke 6:14 - Chishemanituu Utayimuwin: Kaa Uskaach Testament

¹⁴ Eukunich maak uchii, Simon aniyuu Jesus Peter kaa ishinihkaataat, ekw maak Peter ushiim Andrew, kaye James ekw maak John, Philip ekw maak Bartholomew.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐁᐅᑯᓂᒡ ᒫᒃ ᐅᒌ, ᓵᐃᒪᓐ ᐊᓂᔫ ᒌᓴᔅ ᐲᑕᕐ ᑳ ᐃᔑᓂᐦᑳᑖᑦ, ᐁᒄ ᒫᒃ ᐲᑕᕐ ᐅᔒᒻ ᐊᓐᑕᕈ, ᑲᔦ ᒉᒥᔅ ᐁᒄ ᒫᒃ ᒞᓐ, ᕕᓕᑉ ᐁᒄ ᒫᒃ ᐸᕐᑣᓚᒥᔫ᙮

Luke 6:14 Iomraidhean Croise

Matthew 10:2

Maau maak kaa ishinihkaasuyich aniyuu niishushaap Apastalh, Simon, eukuu Peter kaa ishinihkaataakanuut, ekw maak Peter ushiim Andrew, James ekw maak aniyuu wiichishaanh John, eukw uyuu Zebedee ukusisa,

Matthew 10:3

Philip, ekw maak Bartholomew, Thomas, ekw maak Matthew, an kaa chii maamuushtinahk Chisheuchimaau shuuliyaayuu, ekw maak James, Alphaeus ukusisa, ekw maak Thaddaeus,

Matthew 4:18

Mekwaach maak Jesus e pimuhtet anite yaayeu aniyuu Galilee saakahiikaniyuu, chii waapameu niishu naapeu e wiichiiniihtuyich e nuutameseyich, eukw aniyuu Simon Peter kaa ishinihkaataat ekw maak aniyuu wiichiiniyuuh Andrew, e nuutameseyich anite saakahiikanihch ahiipii e aapachihaayich.

Matthew 4:21

Miin maak chii ati chistuhteu Jesus, ekw miin kaa waapamaat niishu naapeu e wiichiiniihtuyich, James ekw maak John, Zebedee ukusiyuuh. Anite utuutiihch chii ihtaayuuh kaye aniyuu uhtaawiyuu, e weshtuutuwaatwaau utahiipiiwaau. Jesus kaa wiishaamaat,

Mark 1:19

Aniyuu maak e ati pimuhtetwaau Jesus chii waapameu James ekw maak wiichiiniyuu John, aniyuuh Zebedee ukusisiyuuh, mekwaach utuutiihch e ihtaayich e miishahwaayich utahiipiyuuh.

Mark 1:29

Tiiwehch maak chii wiiwiyuu aniyuu Jewa ayimiheukamikuyuu ekw anite Simon ekw maak Andrew e ihtaayich kaa ituhtet. James ekw maak John chii wiicheukuu.

Mark 14:33

Ekw kaa chistuhtahaat Peter, James ekw maak John. Naashch maak chii misimiskaakuu misimeyihtamuwiniyuu kaye naashch chii kushikumahchihuu.

Mark 3:16

Maauyuuh kaa wiyaapamaat, Simon, eukun uyuu Peter kaa ishinihkaataat Jesus,

Mark 5:37

Ekw Jesus namui uhchi pachishtineu aweyuu chechii nuushuushkaakut mikw Peter, James ekw maak aniyuu wiichiiniyuu John.

Mark 9:2

Kutwaashch chiishikaau maak paatimaa ekw Jesus kaa ituhtahaat Peter, James ekw maak John anite e ishpatinaayich wachiyuu mikw wiyawaau chechii ihtaatwaau. Ekut utah kaa kweschinaakusit Jesus uhchishkuu anit e ihtaayitwaauh.

Luke 5:10

Kaye aniyuu wiichinuutamesuu James ekw maak John, Zebedee ukusisa chii kushkweyihtamuch kaye wiyawaau. Jesus maak chii iteu aniyuu Simon, “Ekaawii sechisi. Wesh muyaam iinuuch e pitahuyaayekw eukun che ihtiyekw ekw.”

Luke 5:8

Iskutak maak Simon Peter wiyaapahtahk e ispayiyich chii uchihchiihkunipayihuu uhchishkuu Jesus e ihtaayich, e itwet, “Nakasi, Utipeyihchikeu, wesh nimachaatisiin.”

Luke 6:13

Iskutak maak wiyaapaniyich chii nishtuuneu aniyuu aweyuu kaa nuushuushkaakut, ekw kaa wiyaapamaat aniyuu niishushaap uchischinuhamuwaakanh apastalach chechii itapiyich. Eukunich uchii kaa papaamitishihwaakanuutwaau miywaachimuwiniyuu chechii waawiihtahkwaau.

Luke 6:15

Matthew maak, ekw miin Thomas, James, Alphaeus ukusisa. Ekw maak Simon kaa ayimihewaatisiit kaa ishinihkaataakanuut.

John 1:45

Philip maak chii naanituwaapameu Nathanael ekw kaa itaat iskutak kaa miskuwaat, “Nichii miskuwaanaan aniyuu Moses kaa aayimuumaat anite wiishuwewinihch, kaye anichii uchischiwehiichesuuch kaa aayimuumaatwaau. Eukuu Jesus, Joseph ukusisa, anite Nazareth kaa uhchiit.”

John 14:8

Philip chii iteu, “Utipeyihchikeu waapahtiinaan maa Uhtaawiimaau, ekun mikw e ishi nituweyihtamaataahch.”

John 6:5

Jesus maak chii aitaapuu kaa waapamaat mihchetu aweyuuh e pechi nituwaapamikut, ekw kaa itaat aniyuu Philip, “Taanite chechii uhtinahk aaihkunaau misiwe chechii ashamahkwaau uchii iinuuch.”

John 6:8

Ekw peyakw aniyuu kutak uchischinuhamuwaakan Andrew, aniyuu Simon Peter wiichiinuu chii iteyuuh,

ᐊᐸᔅᑕᓚᒡ 1:13

Iskutak maak tekushihkwaau anite Jerusalemihch chii piihcheuch aniyuu waaskaahiikaniyuu che ihtaatwaau. Chii ihtakuniyuu e pischisaayich ishpimiihtakuhch aniyuu waaskaahiikaniyuu. Ekute kaa ishi kushpaahtawiitwaau. Eukunich uchii kaa ihtaatwaau, Peter, John, James, Andrew, Philip, Thomas, Bartholomew, Matthew, James Alphaeus ukusisa, Simon kaa ayimihewaatisiit kaa ishinihkaataakanuut, ekw maak Judas, James ukusisa.

ᐊᐸᔅᑕᓚᒡ 12:2

John wiichishaaniyuuh James eukun aniyuu niishtam kaa itashuwaataat che nipahaakanuyich, shimaakanishuu muuhkumaaniyuu e aapataniyich.

2 Peter 1:1

Niya Simon Peter. Jesus Christ nitatushkuwaau, wiya nichii wiyaapamikw apastal chechii itaapatisuuch. Chimasinahamaatinaawaau chiyawaau kaa ayaayekw taapwehtamuwin mwehch an e iteyihtaakuhch niyaan kaa ayaayaahch. Eukw uyuu taapwehtamuwiniyuu chipimaachihiiweminuu kaye Chichishemanituuminuu Jesus Christ kaa miitahkw. Wiya chitihtuutaakunuu chechii kuiskunaakusiyuuhkw Chishemanituu ishi e ihtaat.