Luke 6:12 - Chishemanituu Utayimuwin: Kaa Uskaach Testament

¹² Peyakwaau e chiishikaayich Jesus chii ituhteu wachiihch, che nituu ayimihaat. Ekut kaa ihtaat iskan tipiskaau e ayimiheshtawaat Chishemanituu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐯᔭᒀᐤ ᐁ ᒌᔑᑳᔨᒡ ᒌᓴᔅ ᒌ ᐃᑐᐦᑌᐤ ᐗᒌᐦᒡ, ᒉ ᓂᑑ ᐊᔨᒥᐦᐋᑦ᙮ ᐁᑯᑦ ᑳ ᐃᐦᑖᑦ ᐃᔅᑲᓐ ᑎᐱᔅᑳᐤ ᐁ ᐊᔨᒥᐦᐁᔥᑕᐙᑦ ᒋᔐᒪᓂᑑ᙮

Luke 6:12 Iomraidhean Croise

Matthew 5:1

Jesus maak chii waapameu e mihchetiyich aweyuuh ekw kaa shaakachuwet anit e piskutauhkaayich, ekut kaa waweyapit. Ekw aniyuu uchischinuhamuwaakanh kaa pechi takushiniyich. Chii ati wiitapimikuu maak,

Matthew 6:6

Maak e ayimihaayin, chinipeukamikuhch chipaa chipahuusun, iskutak maak chii chipahuusuyine ekw che ayimihiit Kuuhtaawii kaatinihch kaa ihtaat. Chiwaapamukw wii taan e ihtuut ekaa kutak awen waapamiskw, wiya maak chika tipahamaakw.”

Mark 1:35

Wiipach maak chiyechishepaayaach chii wanishkaau ekw anite ekaa ihtaanuyich kaa ituhtet, ekute anite kaa ayimihaat.

Mark 3:13

Ekw Jesus kaa shaakachuwet wachiyuu. Ekute kaa wiishaamaat aniyuu kaa wiyaapamaat. Chii naatikuu maak.

Mark 6:46

Iskutak maak kaa waachiyemaat aniyuuh iinuuh ekw wachiyuu kaa shaakachuwet Jesus, kaa nituu ayimihaat anite.

Luke 5:16

Chii ituhteu maak maan Jesus anite pakwaatiskamikaahch ekw kaa chii ayimihaat.

Luke 6:11

Ekw maak kaa mistachishuwaasitwaau anichii kaa wii mamishimaatwaau Jesus, ekw kaa ayimitutahkwaau taan chechii ihtuutawaatwaau.

Luke 6:17

Iskutak maak Jesus kaa niihchichuwetwaau wachiihch anite chii ituhteuch e taapituwaayich. Mihchetu kaa nuushunehukut chii ihtaayuuh anit kaye chii mihchetiyuu kutak aweyuuh, nanaahkuu e chii uhtuhteyitwaau aniyuu Judea aschiiyuu e ishpishaayich. Jerusalemihch kaye kutakach chii uhtuhteuch, ekw kutakach yaayeu chihchikamiihch kaa ihtakuniyikwaauh ihtaawin Tyre kaye Sidon kaa ishinihkaatekwaauh ekute kaa uhtuhtetwaau.

Luke 9:18

Peyakwaau, Jesus chii ayimihaau mikw e peyakushit, uchischinuhamuwaakanh maak peschiish chii ihtaayuuh ekw kaa nituu kakwechimaat e itaat, “Awen niya e iteyimitwaau awenichii.”

Luke 9:28

Wiyesh yaanaaneu chiishikaau Jesus uyeyuu kaa ishpish ayimitutahk chii chistuhtaheu Peter, John ekw maak James e chii wiichewaat wachiihch anite chechii nituu ayimihaatwaau.

Luke 9:29

Mekwaach maak aniyuu e aayimihaat utaashtamuhkw chii kweschinaakuniyuu kaye uchekwaanim naashch taapwe chii piyekasch waapaayuuh mitun e chii waasikushteyikwaau.

John 6:3

Jesus maak chii shaakachuweu wachiyu ekut anit kaa waweyapit uchischinuhamuwaakan e wiitapimaat.

Colossians 4:2

Tasine ayimihaahkw. E ayimihaayekw maak suuhk wii piyekascheyihtamukw kaye nanaaskumaahkw Chishemanituu.

Hebrews 5:7

Mekwaach utah aschiihch kaa papaamuhtet Jesus mihchetwaau chii ishinaakusuu suuhk e nitutamuwaat aniyuuh kaa chischeyimaat chechii wiichihiikut ekaa chechii nipahaakanuut. Chii pehtaakuu maak wesh chii nanihchiishtuweu.