Luke 5:7 - Chishemanituu Utayimuwin: Kaa Uskaach Testament

⁷ Ekw kaa waashtenamuwaatwaau wiichinuutamesuu, kutachiyuu chiimaaniyuu kaa ihtaayich chechii pechi wiichihiikutwaau, ekw kaa pechi isichimeyich. Taapishkun maak aniyuuh chiimaan chii wii kushaapeuh kaa ishpish saakaschinetwaau namesach.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐁᒄ ᑳ ᐙᔥᑌᓇᒧᐙᑣᐤ ᐐᒋᓅᑕᒣᓲ, ᑯᑕᒋᔫ ᒌᒫᓂᔫ ᑳ ᐃᐦᑖᔨᒡ ᒉᒌ ᐯᒋ ᐐᒋᐦᐄᑯᑣᐤ, ᐁᒄ ᑳ ᐯᒋ ᐃᓯᒋᒣᔨᒡ᙮ ᑖᐱᔥᑯᓐ ᒫᒃ ᐊᓂᔫᐦ ᒌᒫᓐ ᒌ ᐐ ᑯᔖᐯᐤᐦ ᑳ ᐃᔥᐱᔥ ᓵᑲᔅᒋᓀᑣᐤ ᓇᒣᓴᒡ᙮

Luke 5:7 Iomraidhean Croise

Mark 4:36

Ekw anichii chischinuhamuwaakanich kaa nakataatwaau aniyuuh aweyuuh kaa mihchetiyich ekw kaa puusitwaau aniyuu utiyuu anit kaa ihtaayich Jesus ekw kaa chihchichimetwaau Jesus e puusihaatwaau. Chii ihtakunh kaye kutak chiimaan e ati mushaaupayihkwaau.

Luke 5:6

Iskutak maak kaa pakashtawehwaatwaau utahiipiiwaau chii ati piikupayuuh utahiipiiwaauh kaa ishpish chii mista pitahuyaatwaau.

Luke 5:8

Iskutak maak Simon Peter wiyaapahtahk e ispayiyich chii uchihchiihkunipayihuu uhchishkuu Jesus e ihtaayich, e itwet, “Nakasi, Utipeyihchikeu, wesh nimachaatisiin.”

ᐊᐸᔅᑕᓚᒡ 11:25

Ekw Barnabas kaa ituhtet anite Tarsus chechii nituu naanituweyimaat Saul.

Galatians 6:2

Maamiiskuch wiichihiitukw e aayimuhuyekw. Uu ihtiyekwe chika ihtuutamuwaanaawaau taan kaa itashuwet Christ.

Philippians 4:3

Niwiichewaakan muush kuiskw kaa chii ihtiyin e wiich aapatisiimitaan chipukuseyimitin chechii wiichihiitwaau uchii iskweuch chechii puuniitwaau e machipayitwaau. Wesh taapishkun chii mista aapatisuuch e wiichihiitwaau e waawiihtamuch miywaachimuwiniyuu. Kaye Clement ekw maak anichii kutakach kaa wiich aapatisiimakwaau, utishinihkaasuwinawaau kaa masinaateyikwaauh Chishemanituu upimaatisiiwin masinahiikanihch chechii ayaatwaau kaachiche pimaatisiiwiniyuu nichii wiichihiikuuch.