Luke 5:6 - Chishemanituu Utayimuwin: Kaa Uskaach Testament

⁶ Iskutak maak kaa pakashtawehwaatwaau utahiipiiwaau chii ati piikupayuuh utahiipiiwaauh kaa ishpish chii mista pitahuyaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐃᔅᑯᑕᒃ ᒫᒃ ᑳ ᐸᑲᔥᑕᐌᐦᐙᑣᐤ ᐅᑕᐦᐄᐲᐙᐤ ᒌ ᐊᑎ ᐲᑯᐸᔫᐦ ᐅᑕᐦᐄᐲᐙᐤᐦ ᑳ ᐃᔥᐱᔥ ᒌ ᒥᔅᑕ ᐱᑕᐦᐅᔮᑣᐤ᙮

Luke 5:6 Iomraidhean Croise

Luke 5:7

Ekw kaa waashtenamuwaatwaau wiichinuutamesuu, kutachiyuu chiimaaniyuu kaa ihtaayich chechii pechi wiichihiikutwaau, ekw kaa pechi isichimeyich. Taapishkun maak aniyuuh chiimaan chii wii kushaapeuh kaa ishpish saakaschinetwaau namesach.

ᐊᐸᔅᑕᓚᒡ 2:41

Mihchetu maak chii pishichiheuch aniyuu kaa itikutwaau. Ekw kaa siikahaahtuwaakanuutwaau. An maak kaa chiishikaach wiyesh nishtwaau chishemitaahtumitanuu ayuwaak chii tashuuch iinuuch e taapweyimaatwaau Jesus anit aniyuu e peyakuminehiitutwaau.

ᐊᐸᔅᑕᓚᒡ 4:4

Yaapach maak mihchetu awenichii chii taapwehtamuweuch taan kaa ishi wiihtamiyich aniyuu apastalh. Wiyesh niyaayinwaau chishemitaahtumitanuu naapeuch chii tashiichenich e taapwehtahkwaau.

1 Corinthians 15:58

Eukw maak uu wehchi siihchimitakuch niichishaanitikw kaa saachihiitakuch, yaaichikaapukw e pimaatisiistuwekw Utipeyihchikeu. Ekaawii nuuhtapuuniikw. Suuhk muush aapatisiishtuwaahk Utipeyihchikeu. Wesh chichischeyihtenaawaau cheshtinaash ekaa sheshkwaaht aapatisiishtawekw Utipeyihchikeu.

Galatians 6:9

Ekaawii chika uhchi saskachiinaanuu e miyutuutamuhkw. Wesh kata utihchipayuu taanite che miikuyihkw chitipahamaakusiiwinuu ekaa puuniikwe e miyutuutamuhkw.