Luke 5:5 - Chishemanituu Utayimuwin: Kaa Uskaach Testament

⁵ Simon maak chii nishkweushiheu e itaat, “Chischinuhamaacheu, iskan tipiskaau nichii nuutamesenaan, namui maak nuuhchi pitahuyaanaan. Eyuwehch maak nika pakashtawehwaanaanich nitahiipiinaanich wesh ekun e iishiyaahch chechii ihtiyaahch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᓵᐃᒪᓐ ᒫᒃ ᒌ ᓂᔥᑴᐅᔑᐦᐁᐤ ᐁ ᐃᑖᑦ, ᒋᔅᒋᓄᐦᐊᒫᒉᐤ, ᐃᔅᑲᓐ ᑎᐱᔅᑳᐤ ᓂᒌ ᓅᑕᒣᓭᓈᓐ, ᓇᒧᐃ ᒫᒃ ᓅᐦᒋ ᐱᑕᐦᐅᔮᓈᓐ᙮ ᐁᔪᐌᐦᒡ ᒫᒃ ᓂᑲ ᐸᑲᔥᑕᐌᐦᐙᓈᓂᒡ ᓂᑕᐦᐄᐲᓈᓂᒡ ᐌᔥ ᐁᑯᓐ ᐁ ᐄᔑᔮᐦᒡ ᒉᒌ ᐃᐦᑎᔮᐦᒡ᙮

Luke 5:5 Iomraidhean Croise

Luke 17:13

Ekaa maak uhchii peshuchikaapuushtaakut. Ekw kaa tepwaataatwaau Jesus e itwetwaau, “Chiskutamaachesuu, pechi chistimaacheyiminaan uu e ishinaakusiyaahch.”

Luke 8:24

Chek anichii chischinuhamuwaakanich kaa pekunaatwaau Jesus e itaatwaau, “Chischinuhamaachesuu, chischinuhamaachesuu, chika nishtaapaawenaanuu.” Jesus maak chii wanishkaau, kaa itwet aniyuu e yuutiniyich chechii puunipayiyich kaye aniyuu kiskanh kaa itaat, “Chiyaamisiikw.” Tiiwehch maak chii ywaashtiniyuu.

Luke 8:45

Ekw Jesus kaa itwet, awen kaa pechi taahtinit. Namui maak awen uhchi chistuu ekw Peter kaa itaat, chischinuhamaachesuu, mihchetuuch awenichii e siihchiskaashkwaau. Yaapach maak e itweyin awen kaa pechi taahtinit.

Luke 9:33

Iskutak maak anichii naapeuch waa nakataatwaau Jesus, Peter chii iteu, “Chischinuhamaachesuu nuwach miyeyihtaakun utah chechii ihtaawaauhchipane. Pachishtinaanh maa chechii ushihtaayaahch nishtu tipinuushimunh, paahpeyakw che ayaayekw, chiya, Moses ekw maak Elijah.” Peter maak namui tekash uhchi nisituhtam chekwaayuu wehchi itwet uyeyuu.

Luke 9:49

Ekw John kaa itaat, “Chiskutamaachesuu, nichii waapamaanaan naapeu e wiiwiitishihwaat machiahchaahkwa chitishinihkaasuwiniyuu e aapachihtaat, ekw kaa chistahamuwachiht, wesin taapaa ute chiyaanuu e ihtaayihkw ishi wiichihiiweu.”

John 15:14

Chiyawaau maak chika wiichewaakanitutaatinaawaau ihtuutamekwe taan e itashumitakuch.

John 2:5

Ekw Jesus ukaawiih kaa itaat aniyuu aapachihaakanh, “Mikw taan che itashumitaakwe eukw aniyuu ihtuutamuwaahkw.”

John 21:3

Ekw Simon Peter kaa itaat aniyuu chischinuhamuwaakanh, “Nika nituu nuutamesen.” Kaa itikut, “Chika wiicheutinaan.” Kaa puusitwaau. Iskan tipiskaau maak chii ihtaauch ekaa uhchi pitahuyaatwaau.