Luke 5:35 - Chishemanituu Utayimuwin: Kaa Uskaach Testament

³⁵ Iskutak maak utihchipayiche che pechi miskamaakanuutwaau uschinaapewaan ekw maak yaakw namui chika uhchi miichisuuch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᐃᔅᑯᑕᒃ ᒫᒃ ᐅᑎᐦᒋᐸᔨᒉ ᒉ ᐯᒋ ᒥᔅᑲᒫᑲᓅᑣᐤ ᐅᔅᒋᓈᐯᐙᓐ ᐁᒄ ᒫᒃ ᔮᒄ ᓇᒧᐃ ᒋᑲ ᐅᐦᒋ ᒦᒋᓲᒡ᙮

Luke 5:35 Iomraidhean Croise

Matthew 9:15

Jesus maak chii iteu, “Muyaam e niipuunaanuuhch, namui macheyihtamuch anichii kaa wiishaamaakanuutwaau mekwaach anit e ihtaayich aniyuu uschinaapewaan. Ekun maak e ishinaakuhch utah mekwaach e ihtaayaan anichii chischinuhamuwaakanich e ihtaatwaau mikw maak iskutak utihchipayihche che pechi utinikuyaan anit e ihtaatwaau uhchi ekw maak yaakw che ihtitwaau meshikum ekaa miichisutwaau anichii chischinuhamuwaakanich.”

Mark 2:20

Paatimaa kata utihchipayuu an e chiishikaach che pechi utinaakanuut an uschinaapewaan ekut maak yaakw an e chiishikaach ekaa che uhchi miichisutwaau.

Luke 17:22

Ekw maak kaa itaat uchischinuhamuwaakan, “Eshkw anite niishtamihch kata utihchipayuu naashch che iteyihtamihiikuyekw miin kaau chechii waapamekw Iinuu Ukusisa, namui maak chika chii waapamaawaau anit an mekwaach wii waapamekwe.

Luke 5:34

Jesus maak chii itweu, “Muyaam e niipuunaanuuhch chika chii ihtuuch aa ekaa chechii miichisutwaau anichii kaa wiishaamaakanuutwaau e makushaanuyich. Namui naanituu. Michihpin e ihtaayich anit e ihtaatwaau aniyuu uschinaapewaan namui mechim kata uhchi iteyihtamuch ekaa chechii miichisutwaau.

Luke 5:36

Ekw Jesus kaa wiihtamuwaat uyuu chiskutamaacheu tipaachimuwiniyuu e itaat, “Namui awen chipaa chii uhchi pahkwepitam e ushkaayich utakuhp chechii miishahahk weskach akuhpischiisiyuu. Wesh uyeyuu ihtuutahke, kata wanaachihtaau aniyuu kaa ushkaayich utakuhp. An maak kaa ushkach miishahiikan, namui kata uhchi nihiishkaachemakan anit weskach akuhpischiishihch.

John 12:8

Muush chika ihtaauch kaa chistimaatisiitwaau utah e ihtaayekw, niya maak namui muush nika uhchi ihtaan utah e ihtaayekw.”

John 13:33

Nitawaashiimitikw, shaash namui chineush nika uhchi ihtaan utah e ihtaayekw. Chika pechi naanituwaapaminaawaau, mikw maak chika wiihtamaatinaawaau taan kaa ishi wiihtamuukwaau anichii Jewa iinuuh kaa niikaanishkuwaatwaau, namui chika chii ituhtenaawaau anite che ituhteyaan.

John 16:28

Taapwe maak Uhtaawiimaau e ihtaat nichii uhtuhten kaa pechi takushiniyaan utah aschiihch miin maak kaau nikaa chistuhten Nuuhtaawii e ihtaat nikaa ituhten.”

ᐊᐸᔅᑕᓚᒡ 1:9

Iskutak Jesus uyuu kaa itaat aniyuu apastalh mekwaach e kanawaapamikut ishpimihch chii ishi uhpipayuu. Kaskawanishkwa kaa aakuuhukut ekw namui uhchii waapamikuu.

ᐊᐸᔅᑕᓚᒡ 14:23

Ekw maak misiwe taanite kaa ati ihtaayich umaamuuayimihaauh Paul ekw maak Barnabas chii wiyeyimeuch aweyuu chechii niikaanishkuwaayich aniyuu umaamuuayimihaauh anit kaa ihtaayich. Iskutak maak kaa chiishihtaatwaau aniyuu ekaa miichisutwaau mikw e ayimihaatwaau ekw kaa ayimiheshtamuwaatwaau chechii aapachihiikutwaau Utipeyihchikeuh, aniyuuh kaa taapweyimaatwaau.

ᐊᐸᔅᑕᓚᒡ 3:21

Ekute maak anite kihchikiishikuhch che ihtaat paatish misiwe chekwaayuu uschihtaakanuyiche aniyuu taan kaa ishi niikaan wiihtahkwaau che ispayiyich aniyehkaanaanich weskach kaa payehchisiitwaau uchischiwehiichesuuch.

1 Corinthians 7:5

Namui chipaa uhchi ihtinaawaau ekaa chechii pischeyimituyekw. Mikw kiipaa niyaakan taapishkun ishi wiyeyihtamekwe weipishchiish ekaa chechii pischeyimituyekw mikw chechii ayimihaayekw. Ekw maak iskutak utihchipayihche anit kaa itweyekw che ishpish ekaa pischeyimituyekw ekw miin chipaa chii pischeyimitunaawaau. Wesh siipiiwesiyekwe namui chika uhchi shaakuuchihiikuwaau machimanituu nitamukw chechii ihtuwekw.

2 Corinthians 11:27

Naashch taapwe nichii mista aapatisin. Mihchetwaau nichii mista ayeskusiin, mihchetwaau kaye namui mechim nuuhchi nipaan. Mihchetwaau nichii nuuhtepayin miichim ekw maak kaa ati siiweyaan, kaye maak nichii nuuhteyaapaakwen. Niyaanikutehch namui mechim uhchi ihtakun taanit che ihtaayaan kaye niyaanikutehch nichii siihkachin.