Luke 5:26 - Chishemanituu Utayimuwin: Kaa Uskaach Testament

²⁶ Misiwe maak anichii kaa waapahtahkwaau taan kaa ispayiyich chii miskaateyihtamihiikuuch kaye chii sechisuuch. Chii chishtaachimeuch Chishemanituu e itwetwaau, “Taapwe maamishkaach chit ishi waapahtenaanuu chekwaan anuhchiish e ispayihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᒥᓯᐌ ᒫᒃ ᐊᓂᒌ ᑳ ᐙᐸᐦᑕᐦᒀᐤ ᑖᓐ ᑳ ᐃᔅᐸᔨᔨᒡ ᒌ ᒥᔅᑳᑌᔨᐦᑕᒥᐦᐄᑰᒡ ᑲᔦ ᒌ ᓭᒋᓲᒡ᙮ ᒌ ᒋᔥᑖᒋᒣᐅᒡ ᒋᔐᒪᓂᑑ ᐁ ᐃᑗᑣᐤ, ᑖᐺ ᒫᒥᔥᑳᒡ ᒋᑦ ᐃᔑ ᐙᐸᐦᑌᓈᓅ ᒉᒀᓐ ᐊᓄᐦᒌᔥ ᐁ ᐃᔅᐸᔨᐦᒡ᙮

Luke 5:26 Iomraidhean Croise

Matthew 12:23

Anichii maak iinuuch misiwe chii miskaateyihtamuch taan kaa ishi waapamaatwaau Jesus e ihtuutamiyich. Chii iteuch maak, “Maaskuuch taapwe Jesus eukw aniyuu Chishemanituu kaa pechi itishahwaat anite aniyaa chisheuchimaau David e ihtaayich kaa uhchiskaanesit.”

Matthew 28:8

Anichii maak iskweuch chii wiiwiipahiituuch anit chiipaikamikuhch uhchi e sechisitwaau nesht kaye e muuchicheyihtahkwaau, kaa nituu wiihtamuwaatwaau aniyuu chischinuhamuwaakanh.

Matthew 9:8

Iskutak maak anichii awenich anit kaa ihtaatwaau wiyaapahtahkwaau taan kaa ispayiyich chii sechisuuch ekw kaa maamihchimaatwaau Chishemanituu e miyaayich aweyuuh suuhkaatisiiwiniyuu.

Mark 2:12

Tiiwehch maak chii uhchi pishikuu an naapeu mekwesiin anit e mihchetinaanuyich, kaa ati utinahk aniyeyuu utashpishimuwin ekw kaa maachiit. Misiwe maak anichii anit kaa ihtaatwaau chii miskaateyihtamihiikuuch uyuu kaa ispayiyich kaye chii maamihchimeuch Chishemanituu e itwetwaau, namui wiiskaat nuuhchi waapahtenaan uu e ispayihch.

Luke 1:65

Ekw anichii peshuch anit kaa ihtaatwaau kaye anichii iinuuch waaskaa anit Judea kaa ihtaatwaau naashch taapwe chii sechisuuch iskutak kaa pehtahkwaau taan kaa ispayikupane.

Luke 5:8

Iskutak maak Simon Peter wiyaapahtahk e ispayiyich chii uchihchiihkunipayihuu uhchishkuu Jesus e ihtaayich, e itwet, “Nakasi, Utipeyihchikeu, wesh nimachaatisiin.”

Luke 7:16

Misiwe maak anit kaa tashitwaau awenichii chii sechisuuch ekw kaa chishtaachimaatwaau Chishemanituu e itwetwaau, “Chichii utihtikunuu e chisteyihtaakusit uchischiwehiichesuu. Kaye maak chii itweuch, Chishemanituu pechi wiichiheu utiiniim.”

Luke 8:37

Anichii maak iinuuch anite Gerasenehch kaa uhchiitwaau chii sechisuuch uyeyuu uhchi kaa ispayiyich ekw kaa kakwechimaatwaau Jesus chechii nakatikutwaau. Ekw Jesus kaa puusit utuutuwaau ekw kaa che chiiwehut.

ᐊᐸᔅᑕᓚᒡ 4:21

Ekw maak anichii anit kaa nishtuwiitwaau, kaa itaatwaau che waweshihaatwaau ekaa che puuniikwen e aayimuumaayich Jesus ekw maak kaa pachishtinaatwaau. Namui uhchii miskamuch chekwaayuu chechii uhchi waweshihaatwaau wesh misiwe anichii iinuuch chii maamihchimeuch Chishemanituu aniyuu uhchi taan kaa ispayiyich. Namui uhchii waweshiheuch wesh chii kushteuch aniyuu iinuuh anit kaa ihtaayitwaauh.

Galatians 1:24

Ekw maak kaa nanaaskumaatwaau Chishemanituuh taan kaa ihtuutamuyich nipimaatisiiwiniihch.