Luke 5:24 - Chishemanituu Utayimuwin: Kaa Uskaach Testament

²⁴ Chika waapahtiitinaawaau Iinuu Ukusisa taapwe wiya e ayaat tipeyihchichewiniyuu utah aschiihch chechii wepeyihtamaachet machihtwaawinh.” Ekw Jesus kaa itaat aniyuu naapeu ekaa uhchii nisitusiyich, “Pisikuuh, utinh chitashpishimuwin, che chiiweyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᒋᑲ ᐙᐸᐦᑏᑎᓈᐙᐤ ᐄᓅ ᐅᑯᓯᓴ ᑖᐺ ᐎᔭ ᐁ ᐊᔮᑦ ᑎᐯᔨᐦᒋᒉᐎᓂᔫ ᐅᑕᐦ ᐊᔅᒌᐦᒡ ᒉᒌ ᐌᐯᔨᐦᑕᒫᒉᑦ ᒪᒋᐦᑣᐎᓐᐦ᙮ ᐁᒄ ᒌᓴᔅ ᑳ ᐃᑖᑦ ᐊᓂᔫ ᓈᐯᐤ ᐁᑳ ᐅᐦᒌ ᓂᓯᑐᓯᔨᒡ, ᐱᓯᑰᐦ, ᐅᑎᓐᐦ ᒋᑕᔥᐱᔑᒧᐎᓐ, ᒉ ᒌᐌᔨᓐ᙮

Luke 5:24 Iomraidhean Croise

Matthew 16:13

Jesus chii ituhteu anite waaskaa aniyuu aschiiyuu Caesarea Philippi kaa ishinihkaateyich ekw kaa kakwechimaat uchischinuhamuwaakan e itaat, “Aweyuu e ishi ayaaweyimaatwaau iinuuch Iinuu Ukusisah.”

Matthew 25:31

“Anite maak niishtaamihch iskutak Iinuu Ukusisa takushinite naashch e chisteyihtaakusit kaye e suuhcheyihtaakusit misiwe enchil e pechi wiichewaat, ekw che apit anite chisheuchimaau tehtapuunihch anit chechii uhchi wiyaaskunaat aweyuu.

Matthew 26:64

Jesus chii iteu, “Ekun e itweyin. Mikw maak chiwiihtamaatinaawaau chika waapamaawaau Iinuu Ukusisa e apit anite Kaa Suuhkaatisiyich unihiiwiniihch itehche e ihtaayich. Kaye chika waapamaawaau pechi takushinite kihchikiishikw kaskawanishkuhch e uhchi nuukusit.”

Matthew 28:18

Ekw kaa naatikutwaau Jesus kaa itikutwaau, “Nichii miikuun niya tekash chechii uchimaahkahtamaan kihchikiishikw nesht aschii.

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

Matthew 9:6

Chika waapahtiitinaawaau Iinuu Ukusisa taapwe wiya e ayaat tipeyihchichewiniyuu utah aschiihch chechii wepeyihtamaachet machitwaawinh.” Ekw kaa itaat aniyuu naapeu ekaa uhchi nisitusiyich, “Pisikuuh, utinh chitashpishimun, che chiiweyin.”

Luke 5:13

Jesus maak chii shuwanischeyuu kaa taahtinaat e itaat, “Chiwii wiichihiitin. Payehchisiih.” Tiiwehch maak chii miinuwaatisiyuu aniyuu kaa itaaspinet an naapeu.

Luke 5:18

Mekwaach maak e chischinuhamaachet Jesus chii uhchi peshuweuch naapeuch wiitaapewaau ekaa nisitusiyich ashpishimuwinihch e pimishiniyich. Chii wii piihtakaheuch anit waaskaahiikanihch e chii wii pimishimaatwaau uhchishkuu Jesus e ihtaayich.

Luke 5:23

Taan maak uste wiyehtiniyich chechii itaakanuut, ‘Chiwepeyihtamaakuun chimachihtwaawin,’ maak chechii itaakanuut, ‘Wanishkaa, ekw maak pimuhte.’

Luke 7:14

Chii naatam aniyuu tehtinikaniyuu kaa taahtinahk ekw maak anichii kaa tahkunihkwaau aniyuu chii chipihchikaapuuch. Ekw Jesus kaa itwet, “Wanishkaa uschiniichuu.”

Luke 8:54

Kaa piihchetwaau Jesus anite waaskaahiikanihch, kaa nituwaapamaat aniyuu ishkwesha, kaa utinamuwaat utihchiyuu e itaat, “Ishkwesh wanishkaa.”

John 11:43

Iskutak maak uyuu kaa itwet Jesus chii chisheweu e itwet, “Lazarus, pechi wiiwiih.”

John 17:2

Wesh chichii miyaau tipeyihchichewiniyuu misiwe aweyuu chechii tipeyimaat. Ekw maak kaachiche pimaatisiiwiniyuu chechii miyaat misiwe aniyuuh aweyuuh kaa miyat.

John 3:13

Namui maak awen uhchi uhpiskaau kihchikiishikuhch ishi mikw Iinuu Ukusisa kihchikiishikuhch kaa uhtuhteyich.”

John 5:27

Chii miyeu kaye Ukusisimaauh tipeyihchichewiniyuu chechii wiyaaskunicheyich wesh wiya eukw Iinuu Ukusisa.

ᐊᐸᔅᑕᓚᒡ 14:10

ekw kaa itaat e chishewet, “Pisikuuh, tashukaapuu maak.” Chii uhchi pisikushipahtaau an naapeu, kaa ati papaamuhtet.

ᐊᐸᔅᑕᓚᒡ 5:31

Chishemanituu maak chii chisteyihtaakuheu Jesus unihiiwinihch itehche e chii apihaat, chechii uchimaawiyich kaye chechii pimaachihiiweyich, kaye chechii ihtuutawaat Israel iinuuh chechii kweskaatisiyich kaye chechii wepeyihtamuwaakanuyich umachihtwaawiniyuuh.

ᐊᐸᔅᑕᓚᒡ 9:34

Ekw Peter kaa itaat, “Aeneas, Jesus Christ chimiinuwaachihiikw, wanishkaa, che utinaman chitashpishimun.” Tiiwehch maak chii wanishkaau Aeneas.

ᐊᐸᔅᑕᓚᒡ 9:40

Peter misiwe aweyuuh chii wiiwiitishiheu anit aniyuu nipeukamikuhch kaa ihtaayitwaauh, ekw kaa niipiskuupit e ayimihaat, ekw kaa kanawaahtahk aniyuu miiyuuyuu e itwet, “Tabitha, wanishkaa.” Chii aapaham maak uschiishikuh an iskweu, iskutak maak wiyaapamaat aniyuu Peter, chii uhchi asamitapuu.

Revelation 1:13

Mekwesiinuu maak aniyuuh waashtenamaakanaahtikw e ihtakuhkwaauh ekut kaa waapamak awen mwehch iinuu ukusisa e ishinaakusit. An maak awen chii chichishkam akuhpiyuu anite ishi usitihch e iskwekaniyich. Kaye chii pahkuhtehuu uskaaschikanihch e usaaushuuliyaawaapetisiyich pahkuhtehun.