Luke 5:22 - Chishemanituu Utayimuwin: Kaa Uskaach Testament

²² Iskutak Jesus chescheyimaat e ishi ayimihiituyich chii iteu, “Chekwaan wehchi maamituneyihtamihiikuyekw an kaa itweyaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐃᔅᑯᑕᒃ ᒌᓴᔅ ᒉᔅᒉᔨᒫᑦ ᐁ ᐃᔑ ᐊᔨᒥᐦᐄᑐᔨᒡ ᒌ ᐃᑌᐤ, ᒉᒀᓐ ᐌᐦᒋ ᒫᒥᑐᓀᔨᐦᑕᒥᐦᐄᑯᔦᒄ ᐊᓐ ᑳ ᐃᑗᔮᓐ᙮

Luke 5:22 Iomraidhean Croise

Matthew 12:15

Iskutak maak Jesus piyehtahk taan waa ihtuutuwaakanuut chii chistuhteu, mihchetu maak aweyuu chii nuushuushkaakuu. Chii miinuwaachiheu maak aniyuu misiwe kaa aahkusiyich aweyuuh.

Matthew 12:25

Jesus maak chii chischeyimeu taan e ishi maamituneyihtamiyich ekw kaa itaat, “Iinuuch utah peyakw ihtaawinihch maasihiitutwaawenich chika wanaachihiituuch. Muyaam taan e ishinaakuhch peyakw utenuu awenichii e machipayitwaau, e pahkaanihiitutwaau, e machipayitwaau namui chika uhchi chihkaawaachipayuuch kaye chika wanaachihiituuch.

Matthew 9:4

Jesus maak chii chischeyimeu taan e ishi ayimihiituyich ekw kaa itaat, “Taapwe nitamukw kaa ishi maamituneyihtamekw.

Mark 8:17

Jesus maak chii chischeyimeu taan e itweyich ekw kaa kakwechimaat, “Chekwaan wehchi aayimuutamekw an ekaa ayaawekw aaihkunaau. Namui aa eshkw chinisituhtenaawaau. Chimaskuutehenaawaau aa kaye chiyawaau.

Luke 24:38

Ekw kaa itikutwaau Jesus, “Chekwaan wehchi naashch mukushkaateyihtamekw kaye wehchi mista aanuwehtamekw.

Luke 5:21

Ekw anichii Phariseech kaye anichii wiishuwewiniyuu kaa chiskutamaachetwaau kaa ati ayimitutamuwaatwaau uyuu kaa itweyich e ititutwaau. Paashtaamuu uu naapeu e itwet, “Chiwepeyihtamaakuun chimachihtwaawin. Namui awen chika chii wepeyihtamuweu aweyuu umachihtwaawiniyuu, mikw Chishemanituu.”

Luke 5:23

Taan maak uste wiyehtiniyich chechii itaakanuut, ‘Chiwepeyihtamaakuun chimachihtwaawin,’ maak chechii itaakanuut, ‘Wanishkaa, ekw maak pimuhte.’

ᐊᐸᔅᑕᓚᒡ 5:3

Ekw Peter kaa itaat, “Ananias, chekwaan wehchi pachishtinit machimanituu chechii piihchet chitehiihch, chechii ihtuutaask chechii nanatayimat Kaa payehchisiyich Ahchaahkw, chiimuut e kanuweyihtamaasuyin pasch an shuuliyaau taan kaa ishpish uchipitaman kaa ataaweyin an kaa ishi tipiyeusiyin.

Hebrews 4:12

Chishemanituu utayimuwin pimaataniyuu. Suuhk aapatisiimakaniyuu. Uste kaashaayuu ishpishaat nitupayuuhkumaaniyuu itau e ishi kaashaayich. Mitun chitahchaahkunaahch kaye chimituneyihchikanaahch ishi aapatisiimakaniyuu. Mitun kaye e saapusichemakaniyich aaniskuukanaanihch kaye uskan pimiihch ekun e iteyihtaakuniyich. Chishemanituu utayimuwinihch ekut mitun wiyaapahtiikuyihkw taan nihaau e iteyihtamuhkw kaye taan nihaau e ishi pukuseyimuyihkw chitehiinaahch.

Revelation 2:23

Nika nipahaayuuh aniyuu kaa nuushuushkaakut. Ekw maak misiwe anichii umaamuuayimihaauch che chischeyimitwaau niya e aawiyaan an kaa chischeyimaat aweyuuh taan nihaau e iteyihtamiyich kaye taan nihaau e ishi teheyich. Misiwe e tashiyekw chika waweshihiitinaawaau taan mikw kaa ishi machituutamuwekwe.