Luke 5:2 - Chishemanituu Utayimuwin: Kaa Uskaach Testament

² Chii uhchi waapahtam niishu chiimaanh anit yaayeu, e chii nakatamiikupanen kaa nuutameseyich chechii nituu chishtaapuuyaayich utahiipiyuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒌ ᐅᐦᒋ ᐙᐸᐦᑕᒻ ᓃᔓ ᒌᒫᓐᐦ ᐊᓂᑦ ᔮᔦᐤ, ᐁ ᒌ ᓇᑲᑕᒦᑯᐸᓀᓐ ᑳ ᓅᑕᒣᓭᔨᒡ ᒉᒌ ᓂᑑ ᒋᔥᑖᐴᔮᔨᒡ ᐅᑕᐦᐄᐱᔫᐦ᙮

Luke 5:2 Iomraidhean Croise

Matthew 4:18

Mekwaach maak Jesus e pimuhtet anite yaayeu aniyuu Galilee saakahiikaniyuu, chii waapameu niishu naapeu e wiichiiniihtuyich e nuutameseyich, eukw aniyuu Simon Peter kaa ishinihkaataat ekw maak aniyuu wiichiiniyuuh Andrew, e nuutameseyich anite saakahiikanihch ahiipii e aapachihaayich.

Matthew 4:21

Miin maak chii ati chistuhteu Jesus, ekw miin kaa waapamaat niishu naapeu e wiichiiniihtuyich, James ekw maak John, Zebedee ukusiyuuh. Anite utuutiihch chii ihtaayuuh kaye aniyuu uhtaawiyuu, e weshtuutuwaatwaau utahiipiiwaau. Jesus kaa wiishaamaat,

Mark 1:16

E ati pimuhtet maak Jesus anite yaayeu Galilee saakahiikanihch chii waapameu nuutamesesuuh Simon ekw maak aniyuu wiichiiniyuu Andrew. Mekwaach chii nuutameseyuu ahiipii e aapachihaayich.

Mark 1:19

Aniyuu maak e ati pimuhtetwaau Jesus chii waapameu James ekw maak wiichiiniyuu John, aniyuuh Zebedee ukusisiyuuh, mekwaach utuutiihch e ihtaayich e miishahwaayich utahiipiyuuh.

Luke 5:1

Peyakwaau Jesus mekwaach e niipuut yaayeu saakahiikanihch Gennesaret e ishinihkaateyich, mihchetu maak iinuu e maakushkaakut e nituhtamiyich Chishemanituu utayimuwiniyuu,

Luke 5:3

Chii puusuu maak Jesus peyakw chiimaaniyuu, aniyuu Simon Peter kaa tipiyeusiyich. Kaa kakwechimaat Simon Peter chechii mushaauhamiyich apishiish. Ekw maak kaa waweyapit Jesus kaa chischinuhamaachet anit chiimaanihch uhchi.

John 1:40

Simon Peter maak wiichishaanh, Andrew kaa ishinihkaasuyich eukw an peyakw kaa pehtawaat John aniyuu e itweyich kaye wiya maak chii ati wiicheweu Jesus.