Luke 5:17 - Chishemanituu Utayimuwin: Kaa Uskaach Testament

¹⁷ Peyakwaau Jesus e chischinuhamaachet chii ihtaayuuh anit Pharisee kaye aniyuu kaa chiskutamaacheyich ayimihewin wiishuwewiniyuu. Uchii maak naapeuch misiwe ihtaawinihch chii uhtuhteuch, anite Galileehch kaye Judea aschiihch kaa ihtakuniyikwaauh kaye maak anite utenaahch Jerusalemihch chii uhtuhteuch. Jesus maak chii ayaau Chishemanituu ukaschihuwiniyuu chechii miinuwaachihiiwet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᐯᔭᒀᐤ ᒌᓴᔅ ᐁ ᒋᔅᒋᓄᐦᐊᒫᒉᑦ ᒌ ᐃᐦᑖᔫᐦ ᐊᓂᑦ ᕓᕆᓰ ᑲᔦ ᐊᓂᔫ ᑳ ᒋᔅᑯᑕᒫᒉᔨᒡ ᐊᔨᒥᐦᐁᐎᓐ ᐐᔓᐌᐎᓂᔫ᙮ ᐅᒌ ᒫᒃ ᓈᐯᐅᒡ ᒥᓯᐌ ᐃᐦᑖᐎᓂᐦᒡ ᒌ ᐅᐦᑐᐦᑌᐅᒡ, ᐊᓂᑌ ᑲᓕᓖᐦᒡ ᑲᔦ ᒎᑎᔭ ᐊᔅᒌᐦᒡ ᑳ ᐃᐦᑕᑯᓂᔨᒀᐤᐦ ᑲᔦ ᒫᒃ ᐊᓂᑌ ᐅᑌᓈᐦᒡ ᒉᕉᓴᓚᒥᐦᒡ ᒌ ᐅᐦᑐᐦᑌᐅᒡ᙮ ᒌᓴᔅ ᒫᒃ ᒌ ᐊᔮᐤ ᒋᔐᒪᓂᑑ ᐅᑲᔅᒋᐦᐅᐎᓂᔫ ᒉᒌ ᒦᓄᐙᒋᐦᐄᐌᑦ᙮

Luke 5:17 Iomraidhean Croise

Matthew 11:5

Wiihtamuwaahkw maak e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich kaa maayaataniyich umichiiwaaspinewiniyuu, e chii miinuwaachihaakanuyich. Kaye e pehtamiyich aniyuu ekaa uhchii pehtamiyich. Kaye e chii wanishkaanaakanuyich aniyuu kaa nipiitwaau. Kaye miywaachimuwiniyuu e waawiihtamuwaakanuyich kaa chistimaatisiyich aweyuuh.

Matthew 15:1

Ekw pasch Phariseech kaye anichii kaa chiskutamaachetwaau wiishuwewiniyuu anite Jerusalemihch chii uhtuhteuch kaa pechi nituwaapamaatwaau Jesus, kaa itaatwaau,

Mark 1:45

Kaa chistuhtet uu naapeu. Mikw maak yaapach chii waawiihtamuweu misiwe aweyuu. Uyuu maak e chii ihtit namui mechim uhchii piihcheyuu Jesus ihtaawinihch ekaa muushihaakanuyich. Ekw anite wiiwiitamihch aniyuu ihtaawiniyuu ekute mikw kaa ihtaat Jesus anite ekaa ihtaanuyich. Yaapach maak chii pechi nituwaapamikuu aweyuu nanaahkuu e uhtuhteyitwaau.

Mark 16:18

Utinaatwaawenich chinepukw, maak minihkwetwaawenich chekwaayuu e pihchipuweyich namui kata uhchi wiyesh ihtuutaakuuch. Kaa aahkusiitwaau aweyuu kata saamineuch ekw maak che miinuwaatisiyich.”

Mark 3:22

Kaye anichii wiishuwewiniyuu kaa chiskutamaachetwaau mekwaach chii ihtaauch anit. Jerusalemihch chii uhtuhteuch. Chii iteuch maak, “Beelzebul, machi ahchaahkuch uchimaamuwaauh piihchishkaakuu. Eukunh aniyuuh maayikut mitewiniyuu chechii wiiwiitishihwaat machiahchaahkwa.”

Mark 5:30

Jesus maak tiiwehch chii chischeyihtam miinuwaachihiiweu suuhkaatisiiwiniyuu e chii wiiwiipayiniyich anit e ihtaat uhchi. Kaa kanawaapamaat misiwe aniyuu aweyuu ekw kaa itaat, “Awen kaa pechi taahtinahk nitakuhpiyuu.”

Mark 7:1

Pasch Phariseech ekw maak pasch anichii wiishuwewiniyuu kaa chischinuhamaachetwaau Jerusalemihch kaa uhtuhtetwaau chii pechi maaushukukaapuuch anit Jesus e ihtaayich.

Luke 15:2

Phariseech, ekw maak anichii kaa chiskutamaachetwaau wiishuwewiniyuu chii aayimuumeuch Jesus e itwetwaau, “Uu naapeu wiichewaakanitutaweu aniyuu kaa machaatisiyich kaye wiichimiichisuumeu.”

Luke 2:46

Nishtu chiishikaau maak kaa ishpish naanituweyimaatwaau ekw kaa miskawaatwaau anite chisheayimiheukamikuhch. Chii wiitapimeyuu kaa chischinuhamaacheyitwaau e nituhtawaat eyuu maak e kakwechimaat chekwaayuuh.

Luke 5:21

Ekw anichii Phariseech kaye anichii wiishuwewiniyuu kaa chiskutamaachetwaau kaa ati ayimitutamuwaatwaau uyuu kaa itweyich e ititutwaau. Paashtaamuu uu naapeu e itwet, “Chiwepeyihtamaakuun chimachihtwaawin. Namui awen chika chii wepeyihtamuweu aweyuu umachihtwaawiniyuu, mikw Chishemanituu.”

Luke 5:30

Ekw maak Phariseech kaye anichii wiishuwewiniyuu kaa chiskutamaachetwaau kaa ayimihaatwaau Jesus uchischinuhamuwaakaniyuuh e itaatwaau, “Chekwaan wehchi wiichimiichisuumekuch anichii kaa maamushtinahkwaau chisheuchimaau shuuliyaayuu kaa itaapatisitwaau kaye anichii kutakach umachihtwaauch.”

Luke 6:19

Misiwe maak awen chii wii taahtineu Jesus, wesh miinuwaachihiiweu suuhkaatisiiwiniyuu chii uhchipayiniyuu e ihtaayich. Tahtu maak awen kaa taahtinaat chii miinuwaachihaakanuu.

Luke 7:30

Ekw anichii Phariseech kaye anichii kaa chiskutamaachetwaau ayimihewin wiishuwewiniyuu chii aatuweyihtamuweuch aniyuu taan kaa itashumuweyich Chishemanituu. Namui uhchi nituweyihtamuch chechii siikahaahtaakutwaau John.

Luke 8:46

Jesus maak chii itweu, “Nichischeyihten awen e chii pechi taahtinit. Wesh nichii muushihtaan maskuusiiwin e wiiwiipayihch utah e ihtaayaan.”

John 3:10

Ekw Jesus kaa itaat, “Chiya eukw peyakw kaa chisteyimaakanuut chiskutamaachesuu utah Israelihch, yaapach aa namui chinisituhtuun uu kaa itweyaan.

John 3:21

Mikw maak an awen taapwewinihch kaa ishi pimaatisiit anite e waashteyich ihtaau ekw maak e nuukuniyich taan e ishi nanihiihtuwaat Chishemanituu.

ᐊᐸᔅᑕᓚᒡ 19:11

Chishemanituu maak chii ihtuutaweu Paul chechii suuhchimaamishkaach ihtiyich.

ᐊᐸᔅᑕᓚᒡ 4:30

Wiichihiinaan maak chechii miinuwaachihiichihtwaau kaa aahkusitwaau, kaye kutak maamishkaach ihtuwin chechii ihtuutamaahch, Jesus an kaa payehchisiit chitaapachihaakan utishinihkaasuwin e aapachihtaawachiht.”

ᐊᐸᔅᑕᓚᒡ 5:34

Chii ihtaau peyakw Pharisee, e asitapit anit e apishtaakanuyich wiyaaskunichewiniyuu, Gamaliel e ishinihkaasut. Uu naapeu e chiskutamaachet ayimihewin wiishuwewiniyuu chii itaapatisuu, naashch maak chii chisteyimaakanuu. Chii uhpakaapuu anit aniyuu e nishtuwiinaanuyich, kaa itashuwaataat aniyuu apastalh chechii wiiwiyich pitamaa.